كيا ريو 2011 يا رجالة

**engayman2006** · 29-09-2010 11:01 PM

السلام عليكم

انا عضو جديد بالمنتدي. وحاسس انه منتدي رائع بالناس الي فيه

انا كنت عايز استشيركوا في الكيا ريو ال 1.4 المانيوال 2011 هي علي كونتاكت كارز ب 79900 انا الصراحة معرفش عنها حاجة بس هي شكلها عاجبني وامكانيات حلوة رغم اني حاسس ان سعرها مبالغ فيه بالنسبة للامكانيات بتاعتها

فيا ريت لو حد يعرف عنها اي حاجة يا ريت يقولي يا شباب

من حيث الثبات والفرامل
المتانة والامان
الاعتمادية
اعادة البيع

وشكرا جزيلا ليكوا يا شباب

**M.ABDEEN** · 30-09-2010 07:19 AM

بص يا باشا الريو عربية محترمة جدا وعن نفسي انا شايف انها افضل من الياريس والافيو والاكسنت وبصراحة كل النقط اللي حضرتك سال عنها متحققة لكن اعادة البيع اللي ممكن يكون فيها كلام بس مش عارف ليه لكن العربية دي بامانة انا عملت عليها دراسة شاملة وتستحق الاحترام لكن المشكلة ان التوكيل مش عارف يسوقها وكمان معلي سعرها شوية لكن لو مش ناوي تبيع على طول دووووووس يا باشا وربنا يوفقك

**engayman2006** · 30-09-2010 12:17 PM

المشاركة الأصلية كتبت بواسطة m.abdeen

بص يا باشا الريو عربية محترمة جدا وعن نفسي انا شايف انها افضل من الياريس والافيو والاكسنت وبصراحة كل النقط اللي حضرتك سال عنها متحققة لكن اعادة البيع اللي ممكن يكون فيها كلام بس مش عارف ليه لكن العربية دي بامانة انا عملت عليها دراسة شاملة وتستحق الاحترام لكن المشكلة ان التوكيل مش عارف يسوقها وكمان معلي سعرها شوية لكن لو مش ناوي تبيع على طول دووووووس يا باشا وربنا يوفقك

شكرا ليك يا باشا علي الرد الجميل وطمنتني ليها بجد بالنسبة لموضوع اعادة البيع دا مش فارق اوي ان شاء الله خير

**modydosoki** · 30-09-2010 12:45 PM

عربيه جميله جدا بس مش عارف مش منتشره ليه والموضوع ده ليه مشكلتين موضوع اعاده البيع و توافر قطع الغيار غير كده العربيه تحفه وانا عن نفسي كنت حشتريها بس ساعتها ما لقتش اللون الي انا عايزه

**ramy87** · 30-09-2010 12:51 PM

بصراحة العربية دي ممتازة و كويسة جدا و تعتبر زي النيو أكسنت و طبعا افضل من الأفيو بس ماظنش افضل من التويوتا ياريس و ده رأيي
سعر العربية مبالغ فيه شوية بس تستحق
انا حاططها ضمن اختيارات الشراء ان شاء الله
بس اللي مخليها مش منتشرة ان اللي بيفكر يجيبها بيقول ازود عليها شوية و اشتري السيراتو و خلاص

**M.ABDEEN** · 30-09-2010 08:46 PM

المشاركة الأصلية كتبت بواسطة ramy87

بصراحة العربية دي ممتازة و كويسة جدا و تعتبر زي النيو أكسنت و طبعا افضل من الأفيو بس ماظنش افضل من التويوتا ياريس و ده رأيي
سعر العربية مبالغ فيه شوية بس تستحق
انا حاططها ضمن اختيارات الشراء ان شاء الله
بس اللي مخليها مش منتشرة ان اللي بيفكر يجيبها بيقول ازود عليها شوية و اشتري السيراتو و خلاص

رايك يحترم يا باشا بس فيه نقطتين
الياريس برده سعرها مبالغ فيه برده
الريو اكثر ثبات من الياريس

**engayman2006** · 30-09-2010 10:26 PM

انا متشكر جدا يا شباب علي الردود الجميلة دي

وبجد انا اقتنعت بالريو جدا عن الاكسنت حتي لو حد عمل بحث عن الريو والاكسنت برا مصر هيلاقي ان سعر الريو تقريبا مماثل لسعرها في مصر مع اختلاف شوية امكانيات انا بصيت علي سعرها في موقع new cars

انما الاكسنت فعلا سعرها مبالغ فيه جدا بالنسبة علي اسعار برا وكمان مع نقص في الكماليات

شكرا جزيلا ليكوا يا شباب

**M.ABDEEN** · 30-09-2010 11:49 PM

من غير حلفان انا كنت ناوي اجيبها وقارنت بينها وبين الاكسنت ولو لاحظت جودة التقفيل لصالح الريو وكمان الريو اوسع نسبيا ومش تحيز لكيا بس ممكن تحس عموما بالمتانة شوية في كيا عن الهيونداي