على ما اظن حضرتك الاستاذ بيشوى ولا انا غلطان؟
انت من الناس اللى اقل مايقال عنهم انه محترم جدا
ربنا يوفقك للخير وتجيب الكورولا بس الواحد لو حابب يجبها من الامارات زى ما حضرتك ذكرت ايه هى الخطوات المطلوبه؟
مع العلم انى ماليش حد فى الامارات.
عرض للطباعة
ايوه يا استاذ salmay انا بيشوي
حضرتك اللي انسان محترم و زوق و شكرا علي محبتك الغالية
هي النقطة ان فعلا في ناس في الامارات ممكن يبعتولي العربية عشان كده ده اللي مشجعني بس الموضوع مستبعد شوية لأن البلد مفيهاش فلوس اصلا فغالبا لما اسافر ممكن ابقي اجيبها انا :)
مع اني معييش صني بس الموضوع عاجبني... انا كان نفسي ف جيتا أو فلوانس اعلى فئة وانا بشتري الكروز
الكورولا هى الدرجة الأعلى فى سلم السيارت
لو كان معايا فلوس الرينو ميجان كنت جبتها بس كنت هتردد عشان قطع الغير والمصنعيات بتعتها اسمع انها ناااااااااااااااااااااااا ااااااااار
لكن العربية كشكل بالنسبالي احسن من التيوتا واي عربية تاني حاسس انها طيارة مش سيارة
من الناحية العملية لم اجد خيار غير الصني
ايه العربيه اللى نفسك تكون عربيتك وبتخطط ليها بعد النيسان؟
بعد النيسان (لسة شوية طبعا لاني لسة جايبها) عايز اجيب هوندا سيفيك ان شاء الله بتعجبني اوي العربية دي فعلا الشكل الحالي ليها جميل اوي فخم و رياضي و هوندا اسم في عالم السيارات طبعا و عربية شبابي و عملية و طبعا ثبات و موتور مشكلتها الوحيدة انها اغلي الياباني يعني سعرها دلوقتي يتراوح ما بين 160000 الي 190000 حسب الفئة.
و الله اعلم بءي ساعة ما ااجي اشتري هيكون ايه نزل جديد.
ايه العربيه اللى كنت بتفكر فيها مع النيسان ايام ما كنت بتشترى؟
مكنتش بفكر في حاجة تاني مع النيسان كنت واخد القرار و مقتنع تماما ولا فكرت في اي حاجة تانية في نفس رينج السعر لانها كانت عجباني جدا شكلا و موضوعا و لان كل اللي في رينج السعر ده كوري و انا كنت لسة نازل من كوري فحبيت اركب ياباني.
انا معايا صني 2008 اشتريتها مستعمله وكنت بقارن بينها وبين كيا كارينز لكن الحمد لله ربنا كرمني بالصني لانب كنت هاشتري الكترينز قسط وكمان انا غيرت رائي في الكارينز فكنت هابقي مخنوق وانا راكبها
اما العربيه الي نفسي اجيبها لو معايا فلوسها فولكس توران عربيه تحفه موتور 1400 سي سي 140 حصان العزم 220 نيوتن وبتعمل 300 ك لكل 20 لتر تقريبا
انا قريت مره ان الموتور ده اخد احسن موتور في العالم في 2010 ( مش عارف التصنيف ده كان علي اي اساس ) لكن اعرف ان الموتور ده هو الموجود هي الجيتا وكمان العربيه 8 راكب وتقفيلها تحفه لكن توكيل فولكس في مصر مقرف وقطع الغيار غاليه
المهم
الصني اكتر عربيه عمليه في مصر بغض النظر عن احلامنا
بعد التيدا نفسى اركب golf 6 1400 turbo
او bmw 318 i
موضوع جميل ومتابع