الى ملاك نيسان عامه وصنى خاصه

**abo_anas** · 30-09-2010 02:06 PM

المشاركة الأصلية كتبت بواسطة kamalsalem

مع اني معييش صني بس الموضوع عاجبني... انا كان نفسي ف جيتا أو فلوانس اعلى فئة وانا بشتري الكروز

فعلا زى ماقال الاخ seashark انت تنور اى مكان تدخل فيه

وبعدين ايه حكايه الفلوانس كل الناس زاخده بالها منها وخاصه اعلى فئه ايه الفكره؟ ياريت توضحلنا

**abo_anas** · 30-09-2010 02:10 PM

المشاركة الأصلية كتبت بواسطة محمد ابراهيم 1

الكورولا هى الدرجة الأعلى فى سلم السيارت

قصدك الاعلى فى السلم اليابانى؟
ولا انت حابب الكورولا ومعتبرها الاعلى فى السلم عموما؟
ولا بتتكلم فى حدود امكانيات التغيير؟

**abo_anas** · 30-09-2010 02:15 PM

المشاركة الأصلية كتبت بواسطة mohamedbook

لو كان معايا فلوس الرينو ميجان كنت جبتها بس كنت هتردد عشان قطع الغير والمصنعيات بتعتها اسمع انها ناااااااااااااااااااااااا ااااااااار
لكن العربية كشكل بالنسبالي احسن من التيوتا واي عربية تاني حاسس انها طيارة مش سيارة
من الناحية العملية لم اجد خيار غير الصني

متهيألى ده كان سنه ة2008

دلوقتى الفلوانس مرشحه من اغلب اللى علقوا على الموضوع

**abo_anas** · 30-09-2010 02:23 PM

المشاركة الأصلية كتبت بواسطة SeaShark

ايه العربيه اللى نفسك تكون عربيتك وبتخطط ليها بعد النيسان؟

بعد النيسان (لسة شوية طبعا لاني لسة جايبها) عايز اجيب هوندا سيفيك ان شاء الله بتعجبني اوي العربية دي فعلا الشكل الحالي ليها جميل اوي فخم و رياضي و هوندا اسم في عالم السيارات طبعا و عربية شبابي و عملية و طبعا ثبات و موتور مشكلتها الوحيدة انها اغلي الياباني يعني سعرها دلوقتي يتراوح ما بين 160000 الي 190000 حسب الفئة.

و الله اعلم بءي ساعة ما ااجي اشتري هيكون ايه نزل جديد.

ايه العربيه اللى كنت بتفكر فيها مع النيسان ايام ما كنت بتشترى؟

مكنتش بفكر في حاجة تاني مع النيسان كنت واخد القرار و مقتنع تماما ولا فكرت في اي حاجة تانية في نفس رينج السعر لانها كانت عجباني جدا شكلا و موضوعا و لان كل اللي في رينج السعر ده كوري و انا كنت لسة نازل من كوري فحبيت اركب ياباني.

هوندا سيفيك جباااااااره

**abo_anas** · 30-09-2010 02:30 PM

الصني اكتر عربيه عمليه في مصر بغض النظر عن احلامنا

اولا ربنا يعطيك والحلم يبقى حقيقه

تانيا انا مقصدش الاحلام انا قصدت العربيه اللى كل واحد فينا بيخطط انها تكون عربيته بعد النيسان
وبالتالى تكون عربيه فى المتناول . مش اوفر اوى

**abo_anas** · 30-09-2010 02:34 PM

المشاركة الأصلية كتبت بواسطة mahamedaraby

بعد التيدا نفسى اركب golf 6 1400 turbo
او bmw 318 i

موضوع جميل ومتابع

اعتقد انك جبت من الاخر

**abo_anas** · 30-09-2010 02:38 PM

المشاركة الأصلية كتبت بواسطة eng:mohamed

انا كمان تفكيري كان نفس تفكير بيشوي تماااااام..
انا فاكر كلمه سبعاوي كان قالها...ان النقله المنطقيه..من الصني..هي الكورولا.

انا عندى احساس داخلى ان الكلام ده صح . ليه مش عارف؟
يمكن ثقه فى وجهه نظرك حضرتك انت واستاذ بيشوى والاستاذ سبعاوى

بس بجد ياريت تفهمنى ايه هى النقله المنطقيه اللى هيحسها النازل من الصنى طالع على الكورولا؟

وياسلام لو استاذ سبعاوى وضح لنا اكتر يبقى تمام

متابع

**emelu** · 30-09-2010 05:01 PM

بصراحةت هى حتى الان جيدة وتقدر تقول ان الاوفر فى السعر والامكانيات ووالى بيجيب النسيان ويعرف هى اية ويكفى اقول لك ان النيسان فى السعوديةوالخليج يعشقوها ولها احترمها

**aboamr** · 30-09-2010 07:10 PM

عند البحث عن سياره لم اضع النيسان فى حساباتى بل كان هوندا ثم الكورولا ثم الميتسوبيشى ولكن فى خلال ساعات بسيطه خلصت فى النيسان . بصراحه الحمدلله . لو غيرت برده حغير فى النيسان .اللى اتمنى اقتناءها بصراحه الاوكتافيا بحس انى سايق دبابه ونفاثه . مشكلتها فى قطع غيارها