الحقونى يا اخوانى الزجاج اتسرطن و فرقع لوحده

**ahmed_2010** · 29-09-2010 11:50 PM

السلام عليكم و رحمة الله و بركاته
اليوم كان زى الفل الصبح المدام راحت الشغل بالعربيه علشان كنا رايحين ناخد النمر الجديدة انهارده فقولت بدل ما اروح الشغل و ارجع اخدها و نروح المرور اخلى العربيه معاها و ابقى اقابلها فى المرور على طول
انا شارى العربية يوم 3/8/2010 و رخصت بعدها بحوالى اسبوع و بعدين مفيش نمر جديدة فاخدت نمره مؤقته و كان اخر يوم انهارده
المهم ما عرفتش اخرج من الشغل و كلمت والدتى و راحوا المرور مع بعض و حصل الاتى
اولا العربية اتخبطت فى المرور وهى واقفه فى الباب و الرفرف اللى ورا يمين ( انا قولت الحمد لله انها جت على اد كده )
ثانيا استلمنا النمر انهارده طبعا بعد ما كلمت ناس كتير علشان انتو عارفين طبعا بهدلة المرور و كمان المدام و والدتى لوحدهم و الحمد لله اخيرا استلمنا النمر
ثالثا المدام خلصت و رجعت شغلها على الساعة 3 عصرا و قعدت تخلص شغلها و كلمتنى على الساعة 7 مساءا قالتلى انا خلصت يلا نروح المهم انا كنت فى الشغل لسه و قولتلها روحى و انا جاى على البيت
رابعا مفيش 25 دقيقة لقتها بتكلمنى الحقنى الزجاج فرقع لوحده و انا مش عارفة اتصرف و وقفت بالعربية طبعا كنت عندها فى حوالى 15 دقيقة و الحمد لله برضه على كل شىء لقيت العربية شكلها وحش اوى مخبوطه من الجنب اليمين و الزجاج مفرقع و مبهدل العربيه من جوه الصالون
معلش طولت عليكم بس انا مش عارف اعمل ايه كل اللى عملته وقفت العربيه فى جراج بتاع واحد معرفت لحد بكره
انتوا ايه رايكو ممكن يتغير تبع الضمان ولا اغيره بره و خلاص و شكرا

**zkralla** · 29-09-2010 11:57 PM

اولا متزعلش نفسك قدر الله وما شاء فعل الرضى لمن يرضى
هو الزجاج الامامى ولا الخلفى
أن شاء الله يتغير فى الضمان

**ahmed_2010** · 30-09-2010 12:10 AM

المشاركة الأصلية كتبت بواسطة zkralla

اولا متزعلش نفسك قدر الله وما شاء فعل الرضى لمن يرضى
هو الزجاج الامامى ولا الخلفى
أن شاء الله يتغير فى الضمان

الحمد لله على كل شيء هو الزجاج الخلفى

**alrazy** · 30-09-2010 12:36 AM

السلام عليكم

فى واحد حصلت معاه كده و يلريت تتعب شوية و تدخل على اللينك بتاعه .... معلش اصلى مش فاكره ..... بس الناس نصحوه هنا انه ما ينضفش العربية من الزجاج و يسيبها زى ماهى و كمان يصور الزجاج ..... ويروح على التوكيل ...... بصراحه ده اللى فاكره ... الحمد لله ..... واعلم ان ما اصابك لم يكن ليخطأك

**hugan** · 30-09-2010 12:51 AM

سؤا ل
زجاج الوجان تربلكس ولا سيكوريت
المفروض ان كل السيارات في الوقت الحالي الزجاج تربلكس
يعني مفيش سرطان الزجاج ممكن يتكسر عن طريق انه يتشرخ بس لكن ما بيتفتتش
الشاهين علشان تقفيل مصري زجاجها من النوع العادي واظن اللادا
لكن الوجان غريبه

**hobby10** · 30-09-2010 12:57 AM

قدر الله وما شاء فعل ... ربنا معاك

**ahmed_2010** · 30-09-2010 01:03 AM

للاسف انا مش مأمن و لكن انا هنزل اصور الزجاج بكره الصبك قبل ما اروح التوكيل
و انا كلمت واحد فى التوكيل قالى ممن يتغير فى الضمان و لكن لازم الاول المهندس يعمل معاينة
و الحمد لله طبعا كل اللى يجبه ربنا كويس