-
شوفتوا اللي حصلي يارجاله
النهارده الاربعاء 29-9-2010
حادث لن انساه ابدا
عملت حادثه بالموتوسيكل الصيني بتاعي
كنت لسه جاي من الزقازيق بالعربيه النيسان وبعدين والدي قلي اروح فاقوس ضروري قلتله بلاش النهارده انا تعبان قلي لازم تروح وقلت ماشي مش مشكله رحت راكب العربيه ومشيت 100 متر ورجعت تاني وقلت لالالالالالالالالالالالال ا انا هاروح عالموتوسيكل اسرع ركبت ومشيت 2 كيلو والطريق كان اسفلت وكله تمام والسرعه 60 كيلو او اقل
وفجأه تلاته راكبين برضو موتوسيكل كانوا واقفين عالشمال راحوا قاطعين الطريق بالعرض
فرامل وسرينه لمسافة 15 متر وبعدين تشششششششششششششششششششششششش ششش
وعينك ماتشوف الا النور
انا طرت من عالموتوسيكل وخبط براسي في راس اخر واحد عالموتوسيكل التاني وهم وقعوا علي جنبهم
النتائج:
ورم فوق عيني اليمين كبير وكبير قوي ممتد لعيني نفسها
الموتوسيكل المساعدين الامامين اتلوحوا والعداد التكسر والرفرف...........
الناس التانيه الراجل اللي سايق كان بيبص في الاتجاه العكسي بيكلم واحد وتفاجأ بيه وبالسرينه اتخض وقف مكانه في عرض الطريق لما وقع اغمي عليه اما اللي في النص كان واد شباب صغير نط من عالمكنه وماحصلوش حاجه الاخير دا اللي انا دخلت فيه بدماغي في دماغه وده كان فايق بس مش متزن
الحمد لله الجميع الان بخير واستردوا وعيهم واعترفوا بخطاهم
ودي كانت تجربتي مع الموووووووووووت سيكل
اسف لاني نصحتك ياسعدني انك تجيبه بلاش منه احسن هو منفعته كبيره بس اذاه اكبر
اسف للاطاله بس انا حبيت اشاركم او كنت محتاج اتكلم مع حد:120105~352:
-
الف سلامة عليك و الحمد لله انك بخير
-
حمدالله على سلامة حضرتك
العربية اكثر امان بلاها مووووووت سيكلات
-
-
الله يسلمكوا يارجاله
والحمد لله علي كل شيئ
-
فى ستين داهية الموتسيكل المهم انت
والف حمد لله على السلامة
ولو محتاج منى اي حاجة انا تحت امرك و هبعتلك رقم موبايلى على الخاص
اوعا تزعل على الموتسيكل اكيد فدى حاجة المهم هو انك بخير و صحة
-
موتوسيكل ايه بس ياعمده
دا الخضه اللي شوفتها في عين ابويه ساعة ماشافني بالدنيا ومافيها وماسكتش غيرلما قعدت اتنطط قدامه واقله انا كويس
وعمر الشقي بقي ومايقع الا الشاطر
والحمد لله وشكرا ليكوا جميعا
-
ألف ألف ألف سلامه عليك يا باشا ، والحمد لله إنك بخير .
-
-
قدر الله وماشاء فعل
فداك والحمد لله انك كويس
-
-
الله يسلمكوا يارجاله وقدر الله وماشاء فعل
انا نزلت الشغل النهرده 3 ساعات كده
عيني لسه وارمه واسودت خالص:36_7_4[1]:
-
طيب حاول تروح لدكتور علشان تتطمن عليها وتطمنا معاك .
-
ما انا عملت امبارح اشعه عالجمجمه وطلعت تمام
انا ليه 2 اخوات دكاتره قاموا بالازم
انا كويس بس انا بحبكوا في الله وبحب اتكلم معاكوا مش اكتر
معلش شغلتكوا معايه
وشكرا ليكوا جميعا
-
الف مليون سلامه عليك يا كبير
والله انا لسه شايف الموضوع دلوقتي عشان كنت مشغول اوي اليومين اللي فاتوا المهم لنت بخير دلوقتي طمني عليك
والله انا كنت متردد بس انت كدا قطعتلي الشورت في البسين ههههههههههه
خلاص انا بجد صرفت نظر تماما عن الموتوسيكل والمهم ان انت بخير و في داهيه الموتوسيكل
وربنا يطمنا عليك
-
الف حمد الله على السلامه يازعيم واحنا بردو بنحبك فى الله وفداهيه الموتوسيكل (وخلى بالك دا انظار فبالله عليك بلاش موتوسيكل
والله بتاع البوفيه عندنا جايب الموتوسيكل الصينى وكل يوم احزره منو وكل اسبوعين يجى متخرشم مره اتزحلق ومره وقع فى حفره قولتلوه لو عربيه دخلت فيك يبقى الله يرحمك وبرده مفيش فيده والادهى السواق فى الشركة عندنا برده جاب واحد وبرده بيوقع وتخرشم ومفيش فايده
لا وايه الاتنين مشمرخصين ولا عملين رخص سواقت موتوسيكلات وبيمشو على طريق هيبر وان والمحور وميدان لبنان والتانى بيمشى على الصحراوى وصباح الهبل طبعا ربنا سترها معاهم بس برده لا يصح الا الصحيح فى النهايه
-
الف الحمد لله على سلامتك يا باشا
-
بما اننا من الزقازيق زى بعض أحب اقولك ألف سلامة عليك
وقدر الله وماشاء فعل
تقبل تحياتى
-
1000 حمد الله علي السلامة.
الخوذة لابد منها بتنفع جامد ...........ربنا يسترها علي الجميع.
-
ياجماعه انا ماستهلش كل ده وشكرا ليكم جميعا
امنت بالله وانا عارف انه خطر بس بالنسبه ليه لا غني عنه ان شاء الله بعد كده في اضيق الحدود
بس والله ياجماعه انا مش عليه اي خطأ
كان في تلاته راكبين موتوسيكل وواقفين علي جني الطريق الشمال وانا جاي من ورا سريع حوالي 60 كلم فجأه طلعت في دماغه الا يقطق الطريق بالعرض انا ضربت فرامل ورا وفرامل قدام كمان مع ان ده خطر استخدام الفرامل الامامي ماعلينا
المسافه حوالي 10-15 متر فرامل وسرينه مع بعض الراجل اتخض راح متربس في وسط الطريق بس
انا قمت روحت عالبيت وهم راحوا الجامعه بس الحمد الله كلنا تمام دلوقتي
الحمد لله اللي نجاني من هذا الحادث
خلي بالك من الشورت ياسعدني (يخرب بيت خفت دمك يابني ايه المصطلاحات دي بجبوها منين)ههههههههه
شكرا للجميع
-
ااااااااااااااااالف مليون سلامه......
-
ولا زال مسلسل الحوادث شغال معايه
للمره التانيه حادثه بالعربيه النيسان صني
انا مش عارف ايه اللي بيحصلي
دول اول حدثتين يحصلولي في حياتي كلها
مع العلم انه في كلا الحدثتين لم اكن انا المخطأ
قدر الله وماشاء فعل وانا لله وانا اليه لراجعون:ask:
بس المهم ان طلعت منها انا واللي معايه علي خير الحمد الله بدون اي اصابات للطرفين
-
لا حول ولا قوة الا بالله
هاقول لحضرتك على حاجة تعملها
حدد مبلغ حتى ولو بسيط تقدر تطلعة كل شهر و لما يزيد دخلك زودة و تبقى نيتك انك هاتثبت خروج المبلغ دة طالما انك تستطيع
حطة فى اي حاجة خيرية ( دار ايتام مثلا )
و ربنا يعفو عنك و يعطيك الصحة
و الحق اعمل اعتزار عن اللون الاحمر فى الكتابة لان استعمالة فية وقف عن النتدى
-
-
ألف سلامه عليك وعلى النيسان يا خالد بك ، والحمد لله على كل شيئ .
-
لا حول ولا قوه الا بالله
في ايه يا بوب حاول تبخر نفسك ولا حاجه انت حرمتنا نركب موتوسيكلات هتحرمنا كمان نركب عربيات هههههههههه
حاول تعمل زي ما ايمن باشا قالك وهتحس بفرق والله بجد دي نصيحه غاليه جدا جدا
وربنا يسترها معاك والمهم تكون انت واللي كانوا معاك بخير دي اهم حاجه
-
-
الحلقه التالته من المسلسل
يوم الثلاثاء الصبح اتصل عليه واحد وقلي
انت الاستاذ خالد
مين حضرتك
حضرتك الاستاذ خالد عبد البديع
ايوه ياسيدي انت مين
حضرتك عندك استدعاء للجيش
اهلا والمطلوب
تحضر حالا لمكتب التجنيد
لالا مش فاضي النهارده بكره ان شاء الله
بكره اجازه
طب والحل
تعاله باليل
ان شاء الله ربنا يسهل
بس كده انا هاروح الخميس الضهر ان شاء الله
ايه رايكوا بقي
ادعولي
-
ياجماعه الاستدعاء طلع غلط
الحمد لله طلع تشابه اسماء
-
اسمع كلامى و اعمل الى قلت لك علية
-
شكرا عالنصيحه الغاليه ياعمده
بس الحمد الله انا مش مقصر في الموضوع ده
انا مؤمن انها ابتلاات من الله واختبارات والحمد لله وشكر لله علي كل شيئ
-
انا وديت العربيه لسمكري كويس واشتريت اكصدام خلفي وفانوسين والراجل بدا فيها من يوم الاربعاء وماشاء الله عليه ايده تتلف في حرير
في يوم واحد كان مرجع الرفرف اللي ورا زي الاول وبيقول هاخلص عالاتنين والصوره اهه[IMG]http://img535.imageshack.us/img535/8152/07102010.jpg Uploaded with ImageShack.us[/IMG]
Content Relevant URLs by
vBSEO 3.6.0 PL2