السلام عليكم,,,
انا الحمد لله لسه حالا راجع من القاهرة للاسماعيلية كنت في توكيل عز العرب اللي على طريق مصر اسكندرية...
بصراحة انا عجباني اوي ال Gen2 و ان شاء الله هجيبها بس والدي مقلق من موضوع توكيل العربية دا بس انا اول ماروحت استقبلني الاستاذ محسن صالح هوا الحقيقة ماكنش فاضي اوي بس قالنا ممكن تتفرجوا على جي جي المعروضة برا..
طلعنا اتفرجنا عليها برا و بابا قعد يفليها و بصراحة لما ركبتها عجبتني اكتر بس ادعولي بابا يوافق أصلو هوا اللي هيكع...
قولت لاستاذ محسن انا عاوز اشوف استاذ امر الكوفي(الراجل دا انا حبيتو من غير ماشوفو)استغرب كدا و قالي بس دا مدير خدمة ما بعد البيع قولتلو أصلا انا عضو في نايل موتورز و كنت عاوز اسلم عليه و كدا و بالمرة أشوف الخصم لاعضاء نايل موتورز ...
اول لما قولتلو نايل موتورز حسيت انو اتبسط كدا فقالي اكيد هيكون لييك خصم و قالي استاذ امر ورا في مركز الصيانة روحنا لفيين ورا بس للاسف مالقينهوش بس شفنا العربيات اللي في الصيانة و بالمرة الالوان عشان ماكنش معروض غير الازرق هوا جمييل بس النحاسي عجبني أكتر...
في مهندسة هناك قالتلنا نروح لآنسة وسام فوق روحنالها بعد ماكنا خلاص ماشيين طلعنا استقبلنا بحفاوة (حلوة بحفاوة دي)طلعت ما شاء الله مؤسسة لنادي Gen2 و معاها Gen2 و personna بس آنسة فوق الزوووق بمراحل ما شاء الله
كلمتنا بكل مصداقية أكييد زي ماتكلم معانا استاذ محسن(عشان محدش يفهمني غلط) وبابا و انا دردشنا معاها شوية عن الصيانة و قطع الغيار و كدة...
فاضل بس الاستخارة اللي هيا اهم حاجة و موافقة الاب يا رب عشان هوا بيقارن بينها و بين ال FRV اللي هيا مش عجباني اوي بس مركز الخدمة قريب و سعرها اقل
و ربنا يوفق,,,,دعواتكوا
كنت عاوز الفت انتباهكوا بس لحاجة ان بروتون مدايقة او آنسة وسام :H_angry[1]:(اللي هيا قبل ما تكون شغالة في بروتون هيا بتحب العربية اساسا هيا على فكرة شغالة هناك من 3 شهور بس)عشان نايل موتورز او قسم بروتون خصوصا بقي بيفتري على العربية(هوا أكيييييد مش كل الاعضاء)بس دا مديقهم على الآخر و بتقول ان موقف نايل موتورز بقى حرج...
فعلا زي ما قال الاخ momopersonna لازم القسم يرجع زي الاول و أحسن و الدسائس تتطلع برا خالص وانا اول واحد اوافق علي ما قالهmomopersonna
تحياتي:Oc_sun1[1]: