ايه قياس كبس الموتور ده ؟؟؟

**keko** · 30-09-2010 04:13 AM

السلام عليكم
انا بسمع عن قياس كبس الموتور و 70% وبتاع كنت عايز اعرف بيتعمل فين وازاى بيعملوا ايه ويوصلوا ايه وبكام وهل فعلا النتيجة دى حقيقية والاهم مين فى اسكندرية بيعمل الحوار ده ؟؟؟

**heshamzaky** · 30-09-2010 04:48 AM

فى محطة بنزين كويسة ممكن موبيل و كالتكس و بيبقى ب 40 جنية تقريبا او 45 جنية و طبعا نتيجة مظبوطة لانة بالكمبيوتر و بيقيس العادم و بيرك فيش و يلوك على سلوك البوجيهات بس معرفش فى الاسكندرية فين لانى من القاهرة

**رزق** · 30-09-2010 06:16 AM

و هو فين في القاهرة ياريت برده؟

**keko** · 30-09-2010 06:20 AM

يعنى النتيجة مظبوطه مع العربيات القديمة برضه ولا ايه
وبعدين هما بيعملوا ايه بالظبط بياخدوا عينة من العادم ولا ايه يا ريت تفاصيل

**heshamzaky** · 30-09-2010 11:50 AM

بص فى محطة كالتكس أخر شارع عباس العقاد دى مشهورة جدا جدا لانها قريبة نسبيا من سوق السيارات و كالتكس الى فى مساكن الشيراتون بداية طريق المطار و موبيل الطريق الدائرى بين مساكن الشيراتون و مدينة نصر و القصة ببساطة بيركب أسلاك الكمبيوتر الكبير على سلوك البوجيهات و بيضع حاجة شبه مضرب البيص السلك فى الشمان من الخلف و بيزود بنزين و الكمبيوتر باخد القراءات دى و بيطلع تقرير بيها بس الراجل بيكتبة يدويا مش بيطبعة بالكمبيوتر انا كشفت هلى سيارة قبل الشراء فى كالتكس اول طريق المطار

**dr.amr** · 30-09-2010 12:36 PM

وفي محطه عند نادي السكه

**تامر.محمد** · 30-09-2010 03:21 PM

طب حد يعرف الأرقام دي دلالاتها ازاي ؟
يعني من كام لكام كويس ؟
من كام لكام نص نص ؟
من كام لكام تعبان ؟

كده يعني

و هل حالة البوجيهات بتفرق في اختبار زي ده ؟