السلام عليكم لو سمحتم يا شباب انا محتار جدا جدا جدا في الاختيار مابين proton gen2 و brilliance fsv وسمعت كلام كتير قوي عن العربيتين مابن ان البروتون فيها عيوب تقفيل وانها بتسخن ومابين ان brilliance موتورها ضعيف نسبيا ناهيك عن انها صيني وشاكر جدا ليكو :ask:
انا بصراحة مش هقدر افيدك اوي عشان انا في نفس الحيرة دي(او بمعنى اصح والدي عشان هوا اللي هيدفع)بس انا اتفرجت على الاتنين و عجبتني ال Gen2 اكتر بكتيير...
خللي بالك ان fsv سيدان فشنطتها اكبر بكتيير من البروتون فدا هيكون على حسب احتياجاتك...
متنساش الاستخارة بس رأيي المتواضع ال Gen2
لو حاططتها في المقارنات كانت الاستفادة تكون اكبر اسمحلي...
جديده بتسخن ده !!! :11:
ده لسه حد زميل فاتح توبك ان الجين2 منتشره بالسعوديه والى بتنزل مصر مواصفات خليجى اصلا يبقى ازاى بتسخن :36_1_50[1]:
استخير ربنا
ربنا يوفق
و كمان إضافة لكلام الناس السابق لو عايز شنطة كبيرة أنصحك بالبرسونا و البروتون عموما ماشاء الله عربيات جميلة جدا صاج قوى الحمد لله و ثبات خرافى و شكل رائع احلى من fsv من وجهة نظرى و كماليات تحفة و عوامل امان أعلى بكتير من فئتها و فى الآخر على رأيك مش صينى مع كامل احترامى للبريليانس و البافارية
انا مش حاسس ان فيه مقارنة خالص بصراحة , و ان كنت ما اعرفش البريليانس ايه بس متوقع يعني
بس خلي المقارنة مع البرسونا عشان يبقوا عربيتين سيدان زي بعض
اتوكل على الله وهات الجين 2 علشان هيه ماتتقارنش بالصينى ابدا وعيوب التقيل بسيطة جدا وبتتحل كلها فى التوكيل وموضوع السخونة ده اول مرة اسمع عنه انا معايا العربيه من سنتين والحمد لله حتى مع التكيف مفيش سخونة
+1111111111111اقتباس:
المشاركة الأصلية كتبت بواسطة khpopo
كل يوم بنسمع حاجة جديدة بعد كدا ممكن حد يقولك بتاكل زيت :8954[1]:
البرسونا عربيه عائلية وشبابيه فى نفس الوقت ولسه راجع بيها من الغردقة صرحه ثبات وسرعة وتكييف ممتازه
يا جماعة الراجل سمع ......هوا لسه بيسأل
وعلى فكرة كان فى كام اشاعة كده طلعوا على الجين اول منزلت منها انها بتسخن لكن العربية الحمد لله زى الفل مع اتنين صاحبى
ال FSV بلاش عشان لما تعوذ تجيب قطعة غيار هتلاقي ال gen 2 مرميه استراد في الحرفيين و في شارع دمشق و الجيزة و المعادي و في كل حته و غير كده انا مع صاحبي ال FRV بيحطولها قطع غيار لانسر و شغل عك
استخير و ان شاء الله هتلاقي الخير
اولا نصيحه مني بلاش صيني صاج تعبان جدا هوه اوبشن جميل و شكل بردوا تقدر تقول كويس ايلا حد ما بس عمرها ما هتكون زي الجين 2 لا في الشكل ولا الموتور ولا الثبات ولا الصاج ولا قطع الغيار لو عاوز شنطه اوسع بحرررررر يعني يبقي هات بيرسونا و هيه هيه نفس الامكانيات بالظبط .
تاني حاجه انا اول مره اسمع ان البروتون بتسخن لأ جديده ديه انا نفسي افهم الناس بتفتي ليييييييييييييييييييييييي يه علي رأيك يا اسلام شويه و هيقولوا بتاكل بنزين لأ و الغريب واحد من كام يوم شوفتلوا موضوع بيقولك مفيهاش ثبات كويس هههههههههههههههه شويه شويه هيقولك شكلها بيئه اوي و عربيه مش رياضيه خالص و موتورها تعبان
انصحك بالجين 2 او البرسونا بجد نصيحه اخويه و لك الاختيار
انا حقول موضوع حصل معايا مفيش من خمسة عشر يوما وانا ماشي علي الصحراوي متجة للقاهرة حصلي حادثة بسيارتي الجين 2 والسبب بقعة زيت في الارض وكلنا عارفين ان العربية لا تقدر علي التحكم فيها بسبب الزيت ال موجود في الارض وكنت ماشي علي سرعة 130 كيلو الي عربية اخري كانت ممكن تتقلب اكثر من مرة لكن ثبات الجين 2 ليس له مثل وطبعا مش حقول ان محصلش حاجه العربية الوجهة الامامية للعربية كلها انتهت بالماتور بسبب الجدار الجانبي علي الطريق وللعلم انت مع الهواء لانك متجة للقاهرة يعني مع السرعة ال كانت 130 كيلو كان لابد ان العربية تتقلب اكثر من مرة لكن الحمدالله هذا لم يحدث وده ايضا يرجع لثبات العربية والحمدالله خرجت منها سليم غير جرح في الساق الايسر بسبب الزجاج الجانبي للسائق وايضا عملية جراحية في القدم الايمن الانكل بسبب دواسة البنزين وده يرجه لاني عطمي صعيف يعني الخبطة دي لا قدر الله لو حصلت مع حد ثاني كانت ممكن تعدي وده من كلام الطبيب المعالج وتم تركيب عدد 2 مسمار بها والحمدالله باقي خمسة عشر يوم وافك الجبس وللعلم انا مأمن علي العربية والتأمين حيدفعلي القيمه التامينة للعربية بسعرها السوقي الان لان التكلفة اكثر من القيمه التامينيه وكنت في حيرة اني حركب ايه تاني وقعدت افكر الكام يوم دول ولقيت ان مافيش افضل من الجين 2 حاليا لاني مقدرش ابعد عنها اسف علي الاطاله وشكرا
الف حمد الله على سلامتك يا استاذ محمد وتقوم بالسلامة ان شاء الله قدر ولطفاقتباس:
المشاركة الأصلية كتبت بواسطة elmadawy
ربنا يكرمك يا mido_soliman وشكرا علي الكلام الجميل ده انا حبيت احكي موضوع علشان فكرة الحيرة في اختيار او شراء سيارة اخري
السلام عليكم ورحمة الله وبركاته في البداية احب ان اشكر كل من شارك برأيه وخبرته حتى يعطيني المعلومة الحقيقية عن تجربة واشكر كل من اهتم بالرد على سؤالي ثانيا انا لا اعلم الكثير عن البروتون وكل ما اعلمه هو عبارة عن السمع فقط من بعض الناس الغير موثوق في رأيهم ولهذا دخلت الى هذا المنتدى المحترم حتى احصل على المعلومة الصحيحة وتساعدوني في ازالة حيرتي ثالثا لدي بعض الاسئلة ارجو ان تجاوبوني هل توكيل السيارة بروتون جيد ويهتمون بالعملاء ,هل توجد اعطال شائعة لهذه السيارة ولا كل اللي في هذه السيارة عيوب التقفيل التي يتم اصلاحها في التوكيل ,وما هو سعرها الان , ومن هو الوكيل و ما الفارق بين gen 2 و البرسونا (انا اول مرة اسمع عنها) وهل هي سيارة يمكن مقارنتها بالكوري واسف على الاطالة وفي النهاية احب ان اقول للاستاذ محمد الف سلامة عليك وربنا يتم شفاك على خير ويباركلك في السيارة الجديدة ان شاء اللله
تحياتىاقتباس:
المشاركة الأصلية كتبت بواسطة oehabo
اقتباس:
المشاركة الأصلية كتبت بواسطة oehabo
من الاخر
البرسونا معايا احسن من السبلندور الي ب 110 الف ....
بصراحة البريليناس دي منظر عالفاضي بجد و سعرها عالي عليها اوي
في حاجتين ياشباب انا حابب اقولهم
بالرغم اني من اشد انصار الجين 2 وبحلم اني اجيب واحدة منها
الا انا ركبت البريليانس اللي هيا بحاجة وتسعين الف دي تقريبا ال السبلندور
والله والله كنا ماشين بيها علي 180 وفاتحين التكييف وانا -- اللي بخاف نوعا ما من السرعة بس في حالة لما اكون مش انا اللي سايق -- كنت نايم علي الكنبة ورا وكل شوية افتح عين ابص علي العداد وابص اشوف فاضلنا كام كيلو ونوصل اسكندرية
ثبات البريليانس السبلندور خرافي خرافي بمعني الكلمة طيب والله زي ثبات الكورولا 2008 ويمكن اكتر !!!! تصدقوا بقي
وكل ده وانا من انصار الجين 2 مع اني عمري ماركبتها
ومش عايز اقولكم كمان الغريب في كده ان صاحبي دي كان ممشيها بغاز طبيعي !!!!!!!! ولما يخلص في جهاز بيحولها لبنزين اتوماتيك بدون ماتحس !!!!!
انا في الاول كنت بعايب علي الواد عربية زيرو يامفتري تمشيها بغاز !!!!
بس محستش بفرق
تاني حاجة حابب اقولها عن البريليانس ان المصنع بتاعهم اللي في الصين اللي فاتحهولهم هو شركة BMW وفي شفت تاني بيعملوا فيها BMW اللي هيا بتنزل الشرق الاوسط علشان يرخص ثمنها وبيشرف علي الاثنين في الصناعة الالمان بنفسهم !!!!!
موتور السبلندور الماني والعفشة ياباني والكراش تست سئ السمعة اللي اتعمل علي اليوتيوب ده تم تعديل العربية بالكامل خلال 78 يوم واعادو الكراش تست وخدت تقريبا 3 نجوم في euro ncap في حالة غياب الكراش تست بتاع الجين 2 تمممممممممماما
توكيل البريليانس هو توكيل البافارية اللي بتنزل ال BMW مصر
انا معاك ال FRV حلوة بس مش قوي انما السبلندور فظيييييييييييييعة
بس انا لا اعلم اي شئ عن موضوع توافر قطع الغيار بتاعتها لأن صاحبي اللي معاه العربية ابوه تاجر قطع غيار اساسا فمش فارقة معاه
يعني لو عايز يبعت يجيبلها موتور هيجيب
وعلشان كده ركب الغاز لأنه ضامنه وجهاز الغاز كان من عنده في المحل
السبلندور شنطة اكبر + سيدان + سعر اغلي اللي يقدر علي الاغلي ممكن يجيبه
بس في نفس الوقت في حاجات بتبقي ارخص وكويسة جداااا زي الجين 2 من كلام كل الناس هنا
يعيب البريليانس الدبرياج غريب نوعا ما
تحس انك بتدوس علي سوسته ولا علي بطن قطة !! هو مش تقيل انا بقول غريب ( بتكلم طبعا عن السبلندور)
من الاخر البيريانس السبلندور عربية صيني بس لاتمت للعربيات الصيني في مساؤها بتاتا ( لانها بالطبع تتبع البافارية ) وهي لن تسئ لنفسها
وانا اعتبرها BMW صيني ( رأي شخصي ) ولو معايا فلوس اجيب العربية السبلندور الفل اوبشن لم اكن اتردد اذا توجد جميع الكماليات الموجودة في الجين 2
آسف للاطالة
استاذي solgof
مساء الخير
معلش انا اختلف معاك 100%
اولا السبب الوحيد ان العربية ثابتة انك كنت نايم :)) , العربية ثباتها متوسط علي عربية ب 110 الف
سحبها كويس .... مش وحش
تكييفها سيء جدا علي فكرة
التقفيل الداخلي مأساوي " اسوا من بروتون " مثلا..... انا ركبت العربية مع واحد اعرفه و زعلت جدا من مستوي الصالون
العربية الميزة الوحيدة انها ناعمة جدااااااااااااااااااااااا ا زي الالنترا كدا ,, و توكيلها محترم جدا
الخلاصة السبلندور كتير جدا عليها 110 و حرام كمان.... دا رأيي .
و طبعا مفيش حاجة اسمها bmw صيني ,,, مفيش اي مقارنة بين العربيتين خالص محالا بتاتا !
تقبل تحياتي :)
هي طبعا كلمة bmw صيني دي كناية عن الثبات المرضي علي الاقل بالنسبة لي للسيارة :E_braces[1]:اقتباس:
المشاركة الأصلية كتبت بواسطة M.almaghraby
حلوة كناية دي
وانا لو تلاحظ في ردي اني اساسا بحب الجين 2 اكتر ( شكلها من برة عاجبني اكتر وكماليتها كتير ) :B4_007:
بس لو كنت اقدر ادفع اكتر في سيارة فيها علي الاقل نفس الكماليات الي في الجين 2 ونفس توافر قطع الغيار وبالحجم الفاره ده ماكنتش اترددت في شرائها ( ده اساسا لو فيها الكماليات دي اللي مع صاحبي كانت فاضية تكييف واي بي اس ومش فاكر الباقي )
بس فعلا والله العربية ثابتة ثبات لا يصدق !!! جايز اللي مع صاحبك يكون مهمل فيها حبتين ( اقصد تضبيط الزوايا او العفشة )
او جايز يكون اختلاف الموديل فرق
واللي مغليها ان موتورها الماني ( ده اللي سمعته الله اعلم بس فعلا موتور قوي جدااااا )
والاختلاف في الرأي لا يفسد للود قضية
وشكرا لإبداء رأيك :B4_007: :E_braces[1]:
جين 2 او بيرسونا
بروتون من غير مقارنات
+111111111111111111111اقتباس:
المشاركة الأصلية كتبت بواسطة jollyboy
جيسو 82 استفسار بسيط ياجميل
800 فى الصيانة والمصنعية 233 جنية كتير اوى بص انا معايا نيسان صنى ومريحانى وبرضة مقتنع بالجين تو بس تيل ب 1000 جنية لية مش كتير شوية لأ قوى يعنى كل 20 الف اغير تيل ب 1000 جنية ع العلم ان الصنى ماشى بيها 40000 دلؤتى ولسة مغيرتش تيل وتمنة الأصلى فى الصنى 300 جنية
دانت لسة بئة هيحسبلك سير الكاتينة بكام فى الصنى السير جنزير وبيتغير كل 100 الف كيلو
بص انا مقتنع بالبيرسونا وشكلها وقوتها بس قلقان جدا من قطع الغيار والصيانة ومصاريفهاا انا ال 10000 كيلو دول ممكن ميكملوش معايا شهرين يعنى كل شهرين هاكع 800 جنية مش كتير
وبعدين بصراحة يعنى هو لازم اعمل الصيانة فى التوكيل علشان احمى نفسى من عيوب الصناعة -----ماهو عيوب الصناعة اى وكيل ملزم يصلحهاا لأن دة عيب جاى فى العربية -----------------
المهم ياريت تكملنا اكثر عن توافر قطع الغيار واسعارها برة التوكيل طبعا -----------------وربنا يباركلك فيها ويمكن احصلك فى شهر 12 واشترى البيرسونا لو على حسباتى لئيتها هتوفر معايا انما لو حسيت انى قطع الغيار غالية هاشترى صنى تانى اتوماتيك ان شاء الله
وشكرا ليك وتحياتى لبروتون الماليزية وعربيتها الجميلة
بص يا باشا أولا عز العرب ماسك توكيلات إيه (bmw و كرايسلر و دودج) و أخير ا بعد بروتون أخد فولفو فمشكلته إن سياسته التسويقة من ناحية قطع الغيار و المصنعية معتمدة شوية على خبرته القديمة بمقارنة غير منطقية بالمرة مع موديلات تانية زى بالظبط لو حضرتك شفت قطع غيار و مصنعيات سبيرانزا مع أبو الفتوح هتلاقى إنه لسه معتقد إنه معاه توكيل bmw على الرغم من رخص العربية نفسها و ده من كلام أصحاب العربية مش كلامى. ثانيا التيل الللى ب1000 جنيه ده تيل بوش ألمانى و ماركة معروفة و سعره غالى عشان كده لكن فيه برده لاين b ماليزى اللى أنا ركبته بعد كده ماشاء الله زى الفل و لا يقل كفاءة و تمنه 300 جنيه بس.اقتباس:
المشاركة الأصلية كتبت بواسطة elkomi15
و بعدين بالنسبة لأنك لازم تعمل الصيانات فى التوكيل هو مسموحلك تعمل صيانتين ورا بعض بره التوكيل و مراكزه المعتمدة بس مش 3 صيانات متتالية و طبعا ما تقربش من صيانة ال20000 و لا ال40000 و لا ال60000 لأنهم لهم قدسيتهم فى التوكيل و بالنسبة لقطع الغيار أكيد لو غير التيل بره و انت لسه فى الضمان و حصل حاجة للطنابير طبعا مش هيغيروهالك تبع الضمان بس بعد انتهاء الضمان التيل موجود بره ب120 جنيه تقريبا و أى قطعة غيار مش هيبقى فيها مشكلة
و قطع الغيار حسب كلام الأعضاء موجودة بره ماشاء و متوفرة و أسعارها أفضل بكتير من التوكيل بس مش هقدر أفتى لك فيها دلوقتى لأنى لسه ما جبتش حاجة من بره للحظة دى.