أنت ممكن تتجوز واحده مش جامعيه وأنت خريج جامعه؟

**n_i_t_e** · 30-09-2010 12:04 PM

زي المشاركات ما قالت...
طالما انا و هى نفس الطبع و الثقافة و أهلى هيندمجوا مع أهلها
أصلا انا مش شايف فارقة لو دكتورة أو خريجة معهد .... هو مين المفروض اللى يصرف عالبيت؟

**bishoy02010** · 30-09-2010 12:11 PM

ممكن جدا مفيش أى مشكلة

**Sherif Khalifa** · 30-09-2010 12:15 PM

لو المستوى الثقافى و الاجتماعى متقارب مفيش مشكلة

انا كدة كدة مش همشى معلق شهادة البكالوريوس على صدرها

**Soma_Sooma** · 30-09-2010 12:27 PM

فوجهة نظرى الشهادة مبقتش مقياس ابدا لأى شئ

ولكن ممكن تكون البنت دى او الولد دة لما تتكلم معاه تلاقية مثقف اكتر من اى حد معاه شهادة

لأن عدم اكمال تعليمة بيديلة الحافذ انة ميكنش اقل من حد فا بيطور و يثقف من نفسة

واهم صفات لازم تكون موجودة فى الشخص دة من ناحية التعليم

هى حبة للمعرفة

طريقة التحدث مع الناس

طريقة التعامل مع الأهل (ودى اهم حاجة)

لأن فى لو اتكلمت على انت البنت هى اللى مش متعلمة تعليم جامعى فا لو هى مش مثقفة او بتحب تطور نفسها هيبقى متعب جدا جدا جدا فى تربية الأولاد (من ناحية الفاظ معينة، تصرفات، عادات)

اما الرجل فا دة بردة ليه مشكلة تانية فى بعض الرجالة بعد مايتجوز بينفسنو قوى من زوجاتهم انهم تعليم عالى فدة بيأثر بردة عالأطفال و على العلاقة نفسها و اعتقد ان عدم تكملة تعليم الرجل اخطر كتير قوى من عدم تكملة المرأه تعليمها
لأنة بيكون صعب قوى السيطرة على تصرفاتة ...

**م. عصام مهنى** · 30-09-2010 12:56 PM

الجامعة مش ثقافة بس دى بتفتح مدارك الانسان باحتكاك الطلبة مع بعض تلاقى واحد من الصعيد مع واحد من القاهرة مع واحد من اسكندرية دا بتفتح مدارك الطالب ويعرفوا على عادات وتقاليد ناس جديدة وبالتالى لما يروح لاى مكان يعرف يتكلم ويتعامل مع الناس غير لما تكون فى ثانوى حتى فى المعلومة فى الجامعة انت بدور عليها وبالتالى فمرحلة الجامعة مرحلة مهمة فى تكوين الشخصية مش موضوع شهادة .

وزى الاخ العضو الفاضل ما قال :
تبقى مطمئن انها بديل كفؤ ليك فى غيابك و قراراتها هى هى قراراتك
يعنى مثلا تروح المدرسة علشان العيال و تتناقش هناك مع المدرسين و كأنك انت اللى كنت بتتناقش طبعا لو فى توافق ثقافى متقارب هيسهل العملية دى
من الاخر بتبقى انسانة فاهمة ومدركة لانها احتكت بزميلاتها فى الجامعة وعرفت الكويس والوحش عكس تماما اللى قعدت بعد ثانوى او معاها دبلوم بتبقى محدودة فى تعاملاتها وتصرفاتها

انا مش بتكلم عن الراجل لان الراجل اللى بيبقى تعليمه ااقل من زوجته دا مشكلة لوحده والبنت الى توافق على انها تاخد واحد تعليمه متوسط وهى جامعية دى برضوا مشكلة كبيرة وهيكون عواقبها بعد الزواج

**heshamzaky** · 30-09-2010 01:18 PM

و الله يا جماعة انا استغربت لية يعنى انا مش ببص لمكتب تنسيق فية حاجات مهمة كتير جدا يعنى ممكن البيئة و النشأة اهم من الكلام دة و بعدين الشهادة و معلش عاوز اقول حاجة هل تعتبر ان التعليم الجامعى دة مقياس اسمحولى اقولكم لآ لو واحد خريج كلية هندسة اول ما بيتخرج بيبقى خام و ابيض و ما يعرفش الا قليل القليل بس احنا فى مصر عندنا حساسية و شوية خاجات و مفاهيم غلط و غير مبررة معلش يعنى تلاقى طالب لسة فى كلية الهندسة و لا الطب و كاتب مهندس او دكتور فلان لية ههههههههههههههههههههه هى دى ميزة ممكن جدا لما يزاول المهنة تلاقية مش ناجح و مش شاطر مجرد كان بيذاكر و بينجح و بس و بالنسبة ل باقى الكليات طب المتحرج من كلية تجترة او اداب او زراعة و بتقدير مقبول دة معاه مءهل عالى و الى متخرج ب امتياز و جيد جدا معاه مؤهل عالى برضو الجياة بعد الكلية مختلفة تماما و الله فى الشغل بشوف شباب حديثة التخرج و الله ما يعرف حاجة كاملة على بعضها و يعرف يعملها . بس أنا مع ان الراجل يكون مؤهلة الدراسى أعلى من البنت الى حا يتجوزها و ليس العكس او يكونو متساوين و انا لما بقول ان الراجل يكون مؤهلة اعلى مش معنى كلامى انة معاة مؤهل عالى و يتجوز واحدة مش بتعرف تفك الخط لا متعلمة بس مش لازم مؤهل عالى على الاقل تعرف تذاكر للأولاد و تتابعهم دراسيا

**heshamzaky** · 30-09-2010 01:21 PM

المشاركة الأصلية كتبت بواسطة Soma_Sooma

اما الرجل فا دة بردة ليه مشكلة تانية فى بعض الرجالة بعد مايتجوز بينفسنو قوى من زوجاتهم انهم تعليم عالى فدة بيأثر بردة عالأطفال و على العلاقة نفسها و اعتقد ان عدم تكملة تعليم الرجل اخطر كتير قوى من عدم تكملة المرأه تعليمها
لأنة بيكون صعب قوى السيطرة على تصرفاتة ...

هههههههههه ازيك يا سومة اية هى الست دى جامعية و اتجوزت السباك

هههههههههههههههههه ازيك عاملة اية

**abo_hosni** · 30-09-2010 01:29 PM

لا يمكن طبعاً عشانك انت و أولادك مش عشان المجتمع
لازم يكون تفيكر و ثقافة الاثنين بمستوى متقارب

**shaddadfalcon1** · 30-09-2010 01:38 PM

انا عن نفسي شوفت بنات كتيير جامعيين ومتوجوزين ناس مش جامعيين
مش شرط اللي تدخل جامعه او اللي يدخل جامعه يبقي مثقف ويختلط بالناس

انا عندي زملاء وزميلات لما بشوفهم دلوقتي بحس انهم لسه في الثانوي لانهم كانو منعزلين تماما ومع نفسهم يروحو الكليه مع نفسهم ويجيبو مع نفسهم

انا عن نفسي بصراحه مش متخيل ازاي انا كنت عايش كده ايام الثانوي
الكليه علمتني حاجات كتييييييييييير وخصوصا ان كليتنا كان فيها من كل حته في مصر ومن بره مصر(اليمن - الهند - ايران - سودان وغيره

**Soma_Sooma** · 30-09-2010 01:38 PM

المشاركة الأصلية كتبت بواسطة heshamzaky

هههههههههه ازيك يا سومة اية هى الست دى جامعية و اتجوزت السباك

هههههههههههههههههه ازيك عاملة اية

ازيك يا هشام باشا عامل ايه انا الحمد لله بخير وانت ازيك و ازى الأولاد ؟

ههههههههههههههههههههههههه هههههه اصل فى حاجة زى كدة حصلت و شفتها و نتيجتها واضحة

بس دة مكنش سباك دة دبلوم تقريبا و كمل جامعة مفتوحة

بس النفسنة شغالة بردة هههههههههههههههههههههه

الموضوع: أنت ممكن تتجوز واحده مش جامعيه وأنت خريج جامعه؟

LinkBack

أدوات الموضوع

عرض

-

-

-

-

-

-

-

المواضيع المتشابهه

كده يبقي البنزين ها يترفع بس واحده واحده

البطارية ممكن تموت مرة واحده

ياترى لو واحده ست خبطط عربيتك ايه ممكن يحصل

ممكن المساعده في جامعه مصر للعلوم والتكنولوجيا

اوعى تتجوز انا بحزرك

الكلمات الدلالية لهذا الموضوع

المفضلات

المفضلات

ضوابط المشاركة