الموضوع: أنت ممكن تتجوز واحده مش جامعيه وأنت خريج جامعه؟

للأسف المجتمع بتاعنا بقى مظهري اوي
علشان كده الموضوع مش هايكون سهل وهاتقابل مشاكل كتيييير
بس لو انت متأكد ان في توافق بينك وبينها يستاهل التضحيه (من وجهه نظري) توكل على الله
والعكس صحيح مع البنات طبعا

لسة كان السؤال دة بيردد فى ذهنى

هو التوافق الثقافى مهم جدا بس علشان
1- تكون افكاركم قريبة من بعض
يعنى تكونوا فاهمين بعض كويس و كل واحد عارف التانى عايز اية قبل ما يتكلم
بس التقارب الثقافى هيسهل العملية دى فى الاول بس بعد كدة العشرة هى اللى هتكمل عملية التوافق دى
2-تبقى مطمئن انها بديل كفؤ ليك فى غيابك و قراراتها هى هى قراراتك
يعنى مثلا تروح المدرسة علشان العيال و تتناقش هناك مع المدرسين و كأنك انت اللى كنت بتتناقش طبعا لو فى توافق ثقافى متقارب هيسهل العملية دى
بس لو الحب كان موجود و كل فرد عايز يرضى شريكة و يتقرب منة هيحاول يفهمة و يتطبع بطبعة و هى دى الخلاصة
3-فضل البرستيج و دة بيختلف حسب المستوى الاجتماعي
يعنى المدارس الانترناشونال و البرتش كلها لازم انترفيو للابوين و لازم يكونو خريجين جامعة و مستوى الانجلش عالى و كدة

و فى الاخر الحب و الحنان هو اللى هيقوى علاقة الفردين ببعض مش الشهادات

وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ (21)

طبعا سواء ولد او بنت هيكون في عدم توافق في المستوي الاجتماعي و الفكري و العلمي

ده بيعمل مشاكل طبعا بعد الجواز ااجلا او عاجلا.

محدش قال حاجة طبعا في بنات مش خريجي جامعة و افضل بكتير من بنات خريجي جامعة و العكس برضه لكن ده مش معناه اني اكون مثلا مهندس او دكتور او محامي واتجوز واحدة معاها ثانوية عامة او دبلوم

و لكل قاعدة شواذ يعني ممكن واحد خريج جامعة يتجوز واحدة خريجة جامعة و برضه الجوازة متنجحش بتحصل كتير

ممكن جداً مافيش مشكلة
أعتقد معظم أمهاتنا معاهم شهادات غير جامعية والحمد لله كانوا أفضل أمهات لينا واتعلمنا كويس

لو مش جامعيه بناء على ظروف مفيش مشكله ادام فى توافق ثقافى و اجتماعى و زكيه يقدروا يتواصلوا يعنى و يشوف فيها البنت اللى تقدر تربى عياله بس لو كان لتقصير منها لدلع منها مثلا او انشغالها بامور اخرى فلا