صلاح الدين - حاجة تكسف

**sab3aawy** · 19-03-2008 03:35 PM

قادتنى المناقشة التى دارت خلال الأيام الفائتة عن عهد عبد الناصر الى البحث على الويكيبديا عن معلومات عن صلاح الدين الأيوبى على الويكيبيديا

وكانت هذة هى الصفحه التى وجدتها بالإنجليزية عن بطلنا القومى العربى، وتقريبا هى نفسها مترجمة للفرنسية والألمانية
http://en.wikipedia.org/wiki/Saladin
http://fr.wikipedia.org/wiki/Saladin
http://de.wikipedia.org/wiki/Saladin

اما هذة الصفحة الهزيلة العجفاء الركيكة التى هى فى الغالب منقولة من كتاب تاريخ 3 ابتدائى فكانت هى ما وجدته مكتوبا بالعربية عن بطلنا التاريخى
http://ar.wikipedia.org/wiki/%D8%B5%...88%D8%A8%D9%8A

طب بالذمة دى مش حاجة تزعل؟ كم المعلومات والتاريخ الموجود فى الصفحة الإنجليزية عن البطل العربى الذى لم يكتفى فقط بذكر الكثير عن تفاصيل حياه البطل العربى بكل تفاصيلها ، ولكن تطرق ايضا الى ذكر الأفلام التى قدمت قصة حياه صلاح الدين وروابط لها سواء كان" فيلم الناصر صلاح الدين" المصرى، او فيلم "مملكة الجنة " الأمريكى، او فيلم "الفارس" السويدي ، وتطرق ايضا اللى نسر صلاح الدين شعار جمهورية مصر العربية، ومدرعة انجليزية الصنع تسمى صلاح الدين

امام الموضوع الإنشائى السخيف الذى لا يغنى ولا يسمن من جوع فى الصفحة العربية

دى حاحة تكسف

**MEDO80** · 19-03-2008 03:40 PM

انا اول مره اعرف اية النسر الي عندنا دا

**محمد عز** · 19-03-2008 03:43 PM

هدىء نفسك ، فى بلد وأمة لا تعترف بنجومية الفكر لازم يبقى ده الحال
لكن تبقى نجومية الركل بالاقدام وهز الاوساط والعري هى النجومية الحقيقة لهذا المجتمع
صلاح الدين عمل جليل جدا لا يقل عن فتح وتحرير بيت المقدس
الا وهو اخراج اهل مصر من الشيعه وبدعها وتحويلهم للسنة
رحمه الله

**ecybrarian** · 19-03-2008 03:55 PM

طب دي بقى غلطة مين؟؟ غلطة هشام وخالد وكريم وكل إللي زيهم...إلى طحنين النت شغل ومنتديات ومدونات ومع ذلك مافيش مشاركة إيجابية لصالح التراث الفكري الإنساني العربي..ده على مستوى الأشخاص..أما عن المؤسسات فإيدك منها والقبر...

معذرة لذكر بعض الاسماء

**Ahmed Samy** · 19-03-2008 05:21 PM

دا للأسف في مواقع كتيرةبتتدعى عليه انه شاذ جنسيا و العياذ بالله
و جربوا ابحثوا هاتلاقوا حاجات كتيرة بالمعنى ده
و لما شوفتها زعلت قوي و معرفتش اعمل حاجة
الله يرحمه و يحسن سيرته

**Akram** · 20-03-2008 12:48 AM

الأمة الإسلامية دلوقتي عايزة 100 صلاح الدين لإصلاح حالها :( :( :(

**modux** · 20-03-2008 01:27 AM

طب يا جماعة اللي عايز يحط بيانات عن صلاح الدين يحط !!!

الويكيبديا ده موسوعة مفتوحة للمساركة من جميع النااااااس

جرب و قيد دينك او اسلامك بحاجة
بس اللي يحط معلومة يكون متأكد منها 100000/100

عشان لا قدر الله لو فيها حاجة غلط هيتحمل ذنب اللي هيقراها و ينشرها

**محمد ابراهيم 1** · 20-03-2008 10:38 AM

العنوان يا سبعاوى
أنا افتكرت ان صلاح الدين هو اللى يكسف
قلت ده فكر جديد
أشوف وجهه نظر سبعاوى

**sab3aawy** · 20-03-2008 12:27 PM

المشاركة الأصلية كتبت بواسطة محمد ابراهيم 1

العنوان يا سبعاوى
أنا افتكرت ان صلاح الدين هو اللى يكسف
قلت ده فكر جديد
أشوف وجهه نظر سبعاوى

تصدق ان وجهة نظرك دى جت على بالى وانا بحط العنوان ولذلك كنت عايز اختصره الى "حاجة تكسف" فقط، بس انا مش بحب العناوين المبهمة، لذلك كتبت صلاح الدين، ومرضيتش اكتب الأيوبى، على اساس يعنى ان الموضوع ممكن يكون يخص شارع صلاح الدين او ميدان صلاح الدين او حتى صلاح الدين عاشور-لحد ما يدخلوا ويقروا

**sasasony** · 21-03-2008 03:36 AM

المشاركة الأصلية كتبت بواسطة modux

طب يا جماعة اللي عايز يحط بيانات عن صلاح الدين يحط !!!

الويكيبديا ده موسوعة مفتوحة للمساركة من جميع النااااااس

جرب و قيد دينك او اسلامك بحاجة
بس اللي يحط معلومة يكون متأكد منها 100000/100

عشان لا قدر الله لو فيها حاجة غلط هيتحمل ذنب اللي هيقراها و ينشرها

10/10
اعتقد ان التقصير مننا

الموضوع: صلاح الدين - حاجة تكسف

LinkBack

أدوات الموضوع

عرض

صلاح الدين - حاجة تكسف - انشر الموضوع فى :

-

-

-

-

-

-

المواضيع المتشابهه

قلعة صلاح الدين

شوفوا وصلت لأية... بجد حاجة تكسف تكسف تكسف (فيديو من الـFacebook)

والله حاجة تكسف ياخصارة الشيفورلية

المصريين و جوجل... حاجة تكسف!!

الكلمات الدلالية لهذا الموضوع

المفضلات

المفضلات

ضوابط المشاركة