-
ارجو النصيحه لوجه الله
ارجو من اخواننا اصحاب الخبره داخل المنتدى انهم يفيدونى لانى من كتر مالفيت داخل الحوارات فى المنتدى انا خلاص تعبت انا معايا 60000جنيه وكل ما احط ايدى على عربيه الاقيكوا مطلعين فيها القطط الفاطسه ممكن حد من الاخر يقولى اشترى ايه جديد بس يكون هاتش باك وياريت ماحديش يقولى اشترى مستعمل حتى لو كان بقالو شه واحد وطالب من الله ولا يكتر على الله ان حد يرد عليا
وشكرا مقدما
-
تديني كام و اقولك نصيحه لوجه الله هههههههه
بص يا سيدي .. اولاً انا عدو الجديد .. لأنك كده كده هاتخسر فيها في يوم من الايام .. ألا ان الكورس بتاع الخساره في الجديد هايكون كبير قوي لأنك بتتأثر باسعار العربيات الزيرو و التخفيضات و الجمارك و مش عارف ايه ... انما انت حر .. فلوسك و انت ادري بيها يا ريس .. و اللي يناسبني مايناسبكش ...
ثانياً انا ماعرفش ايه اسعار الجديد ... لكن برضه هاقولك علي اللي ممكن تجيبه ..
انتشوفلك لانسر الشكل القديم او جين تو (مش عارف بقي ال 60 دي هاتجيبهم ولا لاء ) .. و خليك معاهم لان السوق ماشي فيهم .. و انا الصراحه ارشحلك اللانسر علشان عليها طلب (لاحظ .. اللي عليه طلب هاتلاقي قطع غياره و دي اهم نقطه ;) ) ..
ارجع اقولك .. استني الناس و الردود و شوف هايقولولك ايه ..
-
شكرا جدا يا كبير فيه ناس كتير قالتلى على قصة اللانسر ديه بس برده انا المبلغ المشكله انى اتعقدت من الميكانيكيه وممكن لو خدت العربيه وبد شهرين او تلاته عطلت منى لاى سبب تافه وده ممكن يحصل وده لو حصل انا ممكن اولع فى العربيه فانا طالب عربيه حتى لو كانت صغيره مش مشكله لكن على القل فى 4 او 5 سنين انا مش هالمسها وبعدها ربنا يفرجها بحاجه تانيه
ولتانى مره شكرا جدا يا نجم
-
شوف يا باشا مفيش قدامك غير عربيتين
معلش انت السعر حاكمك لو علي حقولك هات ميني كوبر
بس اللي معاك بدوب يجيب
هيونداي اوتس
61500 1100 سي سي تكيف
او سوزوكي التو
55900 1100 سي سي تكيف
انا شخصيا ارشحلك الهيونداي
لان السوزوكي تقغيل هندي خامتها اقل
لو تصبر شويه وتجيب السيريون يبقي افضل
والقرار لك
-
الكبير ربنا يا معلم ..
ما انت تجيب لانسر 2007 تلحقلك واحده من عند التجار .. يأما لو مش فارقه معاك خليك في حاجه من الحاجات الياباني الصغيره دي .. ماروتي و مش عارف ايه .. رخيصه و لو حصل قلبان في السوق مش هاتخسر كتير ..(محدش عارف اللي جاي ايه)
-
-
ممكن تفكر في اسبرانزا A113
-
-
بص انا من راى انت ادام حلين لاتصبر وتكمل وتجيب هيونداى فيرنا 1600 فول اوبشن ب 70.000 او تقسط حاجه كده حلوه ودى على حسب اختيارك والسوق ماليان
لكن بال 60.000 الف دول حرام تدفعهم فى هيونداى اتوس
او خش فى المستعمل انت معاك 60.000 ممكن تجيب لانسر موديل 2001/2002 وهتلاقيها عماله 50.000 الف كليو حاجه زى كده او اقل
وده راى الشخصيى
-
ممكن تجيب شاهين 1400سي سي موديل 2008 بس فاضيه من غير اي اوبشن بس هي العربيه حلوه من ناحيه الاستحمال والقوه وكمان اسعار قطع الغيار رخيصه وعلي فكره انا معايه موديل 2007 والله حلوه
-
ال 60 و هاتش باك أفضل عربية فى رأيى و عن تجربة
البرادوا كليسا و ممكن تقرأ عنها فى القسم الكورى و الماليزى العام فى المنتدى هنا و العربية مانيوال ب 51 و أوتوماتك فول أوبشنز ب 57
توكيلها هاشم باص طريق الإسماعيلية بعد كوبرى الحرفيين مباشرة
الماتور و الفتيس يابانى - دايهاتسو ميرا و التقفيل حلو و تستحق فلوسها
-
Content Relevant URLs by
vBSEO 3.6.0 PL2