عرض للطباعة
السلام عليكم
من حوالى اسبوع كدا وانا رايح الشغل صدمت كلب كبير وانا ماشى بسرعه والحمد لله نتيجة علو العربيه عن الارض
الردياتير والسربنتينه والشبكه محصللهمش حاجه انما الفقيد :-) نزل تحت العربيه والله اعلم فينه دلوئتى
الحاجه الوحيده اللى اتكسرت حاجه بلاستيك بين التصفيح المعدن تحت العربيه وبين الاكصدام تقريبا عشان تحمى الكبالن
حد ممكن يقوللى دى تتغير بكام ؟
الحمد لله قدر الله وماشاء فعل ان شاء الله يطلع سعرها رخيص
هو حضرتك حاطط صورة ولا ايه؟ لأني في الشغل ممكن يكون عاملين بلوك لحاجات معينة
لاخالص مش حاتت اى صور
هى القطعه اللى بتكللم عنها بلاستيك مربعه بتتربط ب 3 مسامير اتنين فالاكصدام وواحده فتصفيح العربيه
فيه صورة للجزأ؟؟
مش غالية بس السعر كام تحديدا مش عارف بس لو مش مكسورة قوى ممكن تتلحم بأمير :)
لو الأجزاء المكسوره معاك ممكن تتلحم زي ما بيشوى قال. لكن الحقيقه معرفش ممكن تلاقيها فين خارج التوكيل و عموما ممكن تتصل ب 16202 و تسألهم ممكن حد يدلك. و الحمد لله إنها جت على آد كده.
الحاجات الى زى ديه بيبقى وجودها نادر عشان مبتبقاش من المستهلكات معتقدش حتى انك هتلاقيها فى التوكيل
حاول تلحمها بأمير وهتبقى بتقضى الغرض
او توفق عليها قطعه بلاستيك تانيه وفيه شركه اسمها الاهرام ( فى الظاهر ش متفرع مش ش رمسيس ) ممكن تعملك حاجه شبهها
انا للاسف مش عارف شكلها عشان كده باتكلم فى العموم
شكرا لمشاركتكم جميعا
هى غالبا مش هينفع تتلحم لان اماكن المسامير نفسها مقطومه
الحل الاسلم انى احاول اوفقلها قطعه بلاستيك شبهها
شكرا مره تانيه
ربنا يكرمك يارب