صباح الفل
كنت بسال على المشايات المانيوال (من غير موتور)
اجيبها منين و انواعها اية الكويسة اللى تستحمل اوزان ظريفة (120 على الاقل)
عرض للطباعة
صباح الفل
كنت بسال على المشايات المانيوال (من غير موتور)
اجيبها منين و انواعها اية الكويسة اللى تستحمل اوزان ظريفة (120 على الاقل)
عندنا انواع كويسه وجميله وحلوه وظريفه
وسعرها كمان كويس
فوايدها
1- اسرع طريقه للحصول علي الخشونه في الركبه
2- مجهود خطير بدون فائده
3- تساعد علي زياده الوزن حيث انها لامنها ولا كفايه شرها
4- لا تصلح للاوزان الثقيله ولا للاعمار فوق ال40
5- بعد فتره لا تزيد عن 6 شهور بتتقل جدا وملهاش علاج حتي لو جبتها امريكي
6- لو مبسوط وحياتك جميله حتجيبلك اكتئاب عشان اما بتتقل كل ماانتا تحاول تزود المجهود هيا تتقل
انتا تزود وهيا تتقل ومش حتوصل لحاجه في الاخر
7- اغلي شماعه هدوم في التاريخ حيث ان ده مثواها الاخير عند اي واحد في بيته واسأل
لو تحب تشتريها موجوده في اي حته ما عدا عندنا لاني اصلا لو جتلي مش حبيعهالك عشان بحبك وخايف عليك
والله حتندم انا بقولك اهو
خليك في الكهرباء
او اي حاجه غير المشايه المانيوال
يا ريت بقه تقولنا بخبرتك نجيب نجيب ايه ومنين فى حدود الف جنيه بس ياريت تكون حاجه تتحمل وتعيش وفى حدود 100 كيلوجرام
ممكن تجيب عجله ممكن اوربت تراك
اي حاجه من دول مش مقرفه
ومانيوال ومش حتعدي الالف جنيه
والافضل لوزن تقيل العجله
واهم حاجه انك تستمر
مش تلعب اسبوع وتبطل
المشايه الكهربا احسن حاجه بس بتكون غاليه
العجله مفيده جدا بس عاوزه استمرار وبتقوي عضله الرجل
والعجله سعرها من اول 380 ووزن 90 ك
550 - 780 وزن 100- 110
1200 الي 5800 وزن 120 - 150
وكله صيني متقلقش مفيش حاجه غير الصيني ماعدا الاوزان التقيله اوي تيواني
لما دورت تانى لقيت حاجة اسمها اوبتراك
ايهما افضل؟
مانا بقولك اوربت
باشا هوا انتا فين متجيلنا المعرض نقعد نرغي سوا كده
واخليك تجرب كل حاجه موجوده
انا عندى المشاية المانيوال العادية و ما بتتقلش ولا حاجة
بس انته تبقى تحط ليها زيت
انا كل فترة بحط ليها شوية زيت لما بغير زيت العربية بسرنجة حقنة عادية
و مع العلم انى جايبها مستعملة من محل بيبيع المستعمل ب 400 جنية
و بها كمان التويست و العداد الديجيتال بتاع المسافة اللى مشيتها و الوقت و السرعة و ضغط الدم و القلب و دقاته و شوية حاجات مش عارفها لسه
و زى الفل و حطيت عليها اكثر من 100 كيلو و مشيت تمام
سيك من اللى عايز يبيع و خلاص
لو عندك اطفال صغيرين زيى ماتجيبش الكهرباء لان العيال هيقعوا من عليها و يعيطوا و ميرضوش يطلعوا عليها ابدا
انا بنتى فى اولى حضانة و بتلعب بيها و بتمشى عليها و فرحانة بيها و عاملينها لعبة و انا سايبهم يلعبوا بيها
بس خلى بالك ما تمشيش عليها و انته واكل يعنى ممنوع استعمالها بعد الاكل مباشرة
لازم تفوت ساعتين و تمشى او تجرى عليها
الكلام دة بتاع الدكتورة اقبال اللى قالتلى كدة علشان المعدة تكون قدرت تهضم و القلب ما يجهدش فى توفير دم للمعدة و العضلات
و الراى رايك فى الاول و الاخر انته صاحب الفلوس
انا مش هابيعلك و اكسب منك انا بحكى لك تجربتى فقط
.
اقتباس:
7- اغلي شماعه هدوم في التاريخ حيث ان ده مثواها الاخير عند اي واحد في بيته واسأل
انت راجل تمام