صوت حكه في الزجاج الخلفي

**ahmedsaadnassar** · 30-09-2010 03:26 PM

السلام عليكم ..احلي تحيه لاعضاء المنتدي الرائع وخاصة اعضاء قسم نيسان اللي استفادت منهم كتير جدا .... انا لسه مستلم الرائعه الصني من 3 ايام كده ولما انزل الزجاج الخلفي اسمع صوت زي حكه جامده كده فافضل انزل وارفع فيه فيروح الصوت ده ولما اسيبه فتره و انزله بلاقي الصوت موجود ومش عارف ده من ايه وايه الحل لو سمحتو...

**abo_anas** · 30-09-2010 03:36 PM

المشاركة الأصلية كتبت بواسطة ahmedsaadnassar

السلام عليكم ..احلي تحيه لاعضاء المنتدي الرائع وخاصة اعضاء قسم نيسان اللي استفادت منهم كتير جدا .... انا لسه مستلم الرائعه الصني من 3 ايام كده ولما انزل الزجاج الخلفي اسمع صوت زي حكه جامده كده فافضل انزل وارفع فيه فيروح الصوت ده ولما اسيبه فتره و انزله بلاقي الصوت موجود :i_angr1[1]::i_angr1[1]: ومش عارف ده من ايه وايه الحل لو سمحتو...

بصراحه انا مش عارف الصوت ده من ايه

لكن دخلت علشان اقوللك الف مبروك وربنا يحفظك ويعطيك خيرها ويكفيك شرها

**ahmedsaadnassar** · 30-09-2010 03:44 PM

الله يخليك يا استاذ salmay ولله الواحد حاسس انه بين اسرته واهله وشكرا ليك ولكل العضاء المحترمين جدا جدا

**aiman0173** · 30-09-2010 04:15 PM

متقلقش من الصوت ده وقلهم عليه في صيانة الالف فبيرشوا عليه سبراي والصوت بيروح بعدها ان شاء الله

**ahmedsaadnassar** · 30-09-2010 04:25 PM

الف شكر يا باشا وان شاء الله هقولهم عليه في الصيانه بس حضرتك متعرفش الصوت ده ممكن يكون من ايه وشكرا علي النصيحه والمرور الكريم مره تانيه

**atefadel** · 30-09-2010 05:20 PM

الصوت نتيجة ان المسطرة الجلد الي بتبقي علي حرف الشباك
تقريبا جلد مصري
ومع الشمس والتراب وقلة الستخدام بتعمل الصوت دة
انا كانت بتعمل كدة معايا من اول يوم والاخص الزجاج الخلفي
وهما بيروشو فوم علي الجلدة ويفضل رايح جاي عليها ويمسحا فالجلدة بتسخن وتبقي اكتر مرونة
ويبقي شغال زي الفل لسبوع بعد كدة مع التراب والشمس
بترجع تاني
انا عملتة بفوم الحلاقة
ودعكتة كويس وبقي احسن من الاول
يفضل لو محدش بيركب في الخلف انك تحرك الزجاج كزة مرة كل يوم

**MOK3336** · 30-09-2010 07:48 PM

أنا كمان عندي نفس الصوت و ده زى ما قال atefadel من قله الإستخدام مش أكتر

**aymanay32** · 30-09-2010 08:16 PM

و ليه تستنى لحد صيانة ال1000
روح دلوقتى اشتكى منه فى التوكيل فى ابو رواش او الدقى
يعملوهولك و فى صيانة الالف لو لسة موجود اشتكى منه تانى مش عيب صناعة و عدم جودة فى الخامات
لو الجلد ده خامه ذات جودة مناسبة ما كانش عمل كدة

متسكتش على حقك

.

**raedegypt** · 30-09-2010 08:27 PM

ياعمى التقفيل المصرى مشكلته جودة خامات وتقفيل ودة سبب ال بيخلى المستورد افضل واضمن

**ahmedsaadnassar** · 30-09-2010 09:35 PM

المشاركة الأصلية كتبت بواسطة aymanay32

و ليه تستنى لحد صيانة ال1000
روح دلوقتى اشتكى منه فى التوكيل فى ابو رواش او الدقى
يعملوهولك و فى صيانة الالف لو لسة موجود اشتكى منه تانى مش عيب صناعة و عدم جودة فى الخامات
لو الجلد ده خامه ذات جودة مناسبة ما كانش عمل كدة

متسكتش على حقك

.

الف شكر علي اهتمامك وعلي ردك بس المشكله ان انا من اسكندريه وانا عامل دلوقتي 450 ك فممكن استني لحد الصيانه وجايز يتظبط مع الاستعمال وشكرا مره تانيه علي اهتمامك اللي بيدل علي طيب اصلك واخلاقك العاليه