امبارح وانا راجع على الدائرى كنت ماشى على الشمال وكنت بعدى مقطوره على اليمين وفجأه لقيت جزء من السور اللى فالنصف متكسر و واقع على الطريق المهم دوست فرامل ولحقت افادية بأعجوبة، الحقيقة انا افتكرت انها حادثة هى اللى كسرت السور .

المهم اللى لفت نظرى ان التكسير ده موجود امام كل جهاز رادار على الطريق ، وده معناه ان كل جهاز بيلقط اللى جاى فى الاتجاه المعاكس مش العربيات اللى ماشية فى نفس اتجاه الرادار ، خدو بالكو من الموضوع ده عشان فى ناس بتجرى وبتهدى عند كل رادار .
اللى انا بقوله ده مجرد استنتاج ولو حد عنده معلومة اكتر ياريت يفيدنا.