-
شوفو ياجماعة انا اخدت بنصيحة amroebraheem اللي قاللي روح للمهندس /خالد اسماعيل
المهم انا روحتله وبصراحة الراجل ماشاء الله كل اللي عنده عربيات اوكتافيا لدرجة اني قلت انه مش هيرضى يشتغل في العربية او يركني على ما يخلص شغلهم.
الحقيقة الراجل طلع ذوق جدا وسمع مني شكوتي وحطها على الكمبيوتر اللي عنده وقعد فيها من الساعة 4 العصر لغاية الساعة 9 بالليل بيشتغل فيها بنفسه والحمد لله قدر انه يحل جزء من المشكلة اللي هي انها لما كانت بتسخن ما بتدورش لازم اسيبها تبرد وبعدين تدور والجزء التاني قاللي مرة تانية علشان الوقت اتاخر
المهم انا عايز اقول كذا حاجة:
- اولا احب اني اشكر amroebraheem اللي دلني عليه وقوله الله يباركلك.
- الراجل طلع فعلا قمة في الاحترام وحنين في اسعاره ومش بتاع اشتغالات.
-واخيرا احب اقول لاخواني في المنتدى على حل العيب الغريب ده يمكن ينفعهم في المستقل ويارب يحصل عنده المشكله ده اصلا.
المشكله طلعت في حساس اسمه حساس الحرارة ( مش ترموستات الحرارة ) طبعا انا استغربت جدا لانه ملهوش اي علاقة بموضوع ان العربية تدور وماتدورش خصوصا ان العربية ما كانتش بتسخن مني هو بصراحة شرحلي علاقة الحساس بالمشكله بس بصراحة انا مافهمتش حاجة المهم انها ظبطت لما احب ابطل العربية وادورها في اي وقت بقت زي الفل والحمد لله
بالنسبه للعيب الثاني وهو النتشة والعربية ماشية مع اني مغيرلها البوجيهات وفلتر البنزين ومنضف البوابة والرشاشات ده هبقى اروحله تاني وابقى احكيلكم ساعتها عن النتيجة ومعلش على التطويل
-
ممكن اعرف اية الاخبار دلوقتى؟؟
هل الراجل حل ليك كل المشاكل؟؟؟
Content Relevant URLs by
vBSEO 3.6.0 PL2