ارجو المساعدة عيب غريب جدا

**amoor77** · 30-09-2010 04:23 PM

لو سمحتوا حد يشور عليه اعمل ايه

انا عندي عربية فليشيا 2001 انجكشن , ظهر عيب غريب جدا فيها اني لما باجي ادورها في اي وقت تدور عادي جدا لكن لو بطلتها مثلا بعد عشر دقايق وجيت ادورها تاني ماتدورش بسهولة او ماتدورش خالص لازم احاول معاها جامد وادوسلها بنزين في حين اني لو سيبتها لمدة عشر دقائق على ما تهدا شوية وجيت ادورها تاني تدور عادي جدا بالاضافة الى انها احيانا وانا ماشي احس ان دواسة البنزين تحت رجلي رخت شوية وتقوم العربية نتشة مرة او مرتين زي ما تكون مابتحرقش

مع العلم :

- العربية مابتطفيش لوحدها سواء ماشي بيها او في السلانسيه

- مغيرلها فلتر البنزين والبوجيهات وفيها بطارية جديدة ومنظف الرشاشات والبوابة بالمنظف ولسه نفس العيب فيها

اخر كلام انه الحساس الموجود تحت الغطاء بتاع فتحة الهوا بتاغ غرفة الحرق ( هو جوه حاجة حديد كدة وراكب فيه فيشة ومش عارف اسمه ) بايظ ولازم يتغير وال rpm بحس انه بيرعش ومش مظبوط

ومش عايز اروح بيها التوكيل علشان اكيد هيشمطوني انا نفسي الاقي حل للعيوب ده وياريت لو حد يعرف ميكانيكي يفهم في الفليشيا الانجكشن ويكون عنده جهاز الظبط بتاعها يقولي عليه علشان فعلا انا تعبت من افتكاسات الميكانيكية

وجزاكم الله خيرااا

**amroebraheem** · 01-10-2010 12:32 AM

حبيبى روح للمهندس خالد اسماعيل بتاع توكيل ارتوك اوتو وورشته فى مدينة نصر-الحى العاشر-مدينة الواحة تدخل بعد بنزينة موبيل يمين وتمشى فى الشارع على طول وتسيب اول شارع يمين يقابلك وتدخل من تانى شارع يمين وهو راجل مهندس وطيب جدا جدا واسعاره حنينة وعنده البرنامج بتاع الكمبيوتر اللى بيكشف بيه على العربية ورقم تليفونه هو 0102970564

**amoor77** · 10-10-2010 09:55 AM

انا بشكرك جدا يا amroebraheem بصراحة الراجل زي ما انتى قلت محترم جدا ومش بتاع اشتغالات وصلحلي جزء من المشكله اللى هو دوارة العربية لكن لسة الجزء التاني بتاع التنتيشة هبقى اروحله مرة تانية ان شاء الله والف شكر

**amroebraheem** · 10-12-2010 02:05 AM

المشاركة الأصلية كتبت بواسطة amoor77

انا بشكرك جدا يا amroebraheem بصراحة الراجل زي ما انتى قلت محترم جدا ومش بتاع اشتغالات وصلحلي جزء من المشكله اللى هو دوارة العربية لكن لسة الجزء التاني بتاع التنتيشة هبقى اروحله مرة تانية ان شاء الله والف شكر

لا شكر على واجب اخى الكريم amoor77 واعرف ان الدال على الخير كفاعله
والسلام عليكم ورحمة الله وبركاته