السيناو ده تليفون منزلي اصلاً؟ انا اعرف شركة سيناو دي زي موتورولا كده بيعملو اجهزة للتطبيقات التجارية زي شركات البترول وكده.. وله رخصة
عرض للطباعة
السيناو ده تليفون منزلي اصلاً؟ انا اعرف شركة سيناو دي زي موتورولا كده بيعملو اجهزة للتطبيقات التجارية زي شركات البترول وكده.. وله رخصة
دة مداة 100 -150 متر و زية زي الباناسونيك و الماركات التانية اللي في السوق
[
2-3 كم دة مش حاجة بالنسبة للسيناو
السيناو فية منة 15 و 40 و 60 كيلو متر و اكتر كمان بس دة محظور بيعه من امن الدولة و بيتباع في الخباثة , و سعرة بيبقى غالي يعني بالوف الجنيهات و لية ايريال بيركب فوق السطح و العدة المتنقلة مابتبقاش صغيرة بيبقى زي اللاسلكي بتاع المباحث
يعني مفيش فايده يعني
هههههههههههههههه انت عارف بقى اللعبة دى دة مظبوط بس هو بيبقى حوالى 50 كيليو كدة و العدة زى اليليفون الاسلكى القديم و الاريال طولة حوالى 5 متر و السعر زمان كان 5000 جنية دة اول ما الموبيلات نزلت دلوقتى معرفش بكام بس دة مشكلة شوية و الى بيفهم فى الحاجات دى بيعرفة من الاريال الى فوق السطوح
يا جماعه يعني مفيش اي حل تاني غير سيناو ده
السيناو كان زمان ممتوع بس دولقتى محدش بيدقق عليه يعنى حتلاقى اسطح كثيرة فى القاهرة عليها هوائيات تليفون السيناو و له شكلان شكل منه بيبقى عمود طالع منه افرع لتحت و شكل تانى للهوائى بيبقى عامل زى لمبة الفلورسنت الطويلة و و تبقى متعلقة فى الهوائى بشكل رأسى
المكان المشهور لبيع هواتف السيناو هو راديو طلعت المحل الجديد و لكن يوجد بعض التجار الاخرين يعروض نماذج جديدة منه و ان كان فيه تقليد منه منتشر ايضا .
يوجد منه على شكل قاعدة تليفون و معاها التليفون اللاسلكى الخاص بها للعمل داخل المنزل
و يوجد منه على شكل رسيفر و يتم ربطه بهاند كبيرة نسبية و يتم العمل به خارج المنزل
و يوجد رسيفر معاه جهاز على شكل الموبايل و فى حجمه بس انا اعتقد ان هذا هو التقليد و الله اعلم فى الوقت انه هذا الحل الاخير هو المناسب لك
و يوجد ايضا منه جهازان واحد تحطه فى ا لمنزل اللى فيه خط التليفون و الاخر فى السيارة او فى منزل اخر و كل منهم له ايريال خاص و تقوم انت بتوصيل عدة هاتف عادية على القطعة الثانية
ابحث على الاعلانات فى مصرواى او اعلانات الوسيط بجانب راديو طلعت و ان شاء الله تلاقى
السعر يبدا من 750 جنيه
المدى الى انت طالبه (2-3) كيلو هيبقى صعب اوى تلاقيه ولو لقيته السعر هيكون مرتفع جدا بالنسبه للاسلكى يعنى دا كان زمان فى دول الخليج بيستخدموه تلفون للعربيه بس سوقه تقريبا انتهى بعد الموبايل
انا مش عايز 2-3 كيلو بالظبط
اانا قصدي لا يقل عن 2-3 كيلو يعني ل 100 قشطه يعني مفيش مشكله
يعني دلوقتي كله بيقول ان مفيش غير الاخ سيناو
عند راديو طلعت
طيب فين بقه راديو طلعت ده يا جدعان اخوكم من الدقهليه ومبطقش انزل القاهره اصلا فعايز مكانيه بالظبط عشان انزل على العنوان واخد ديلي في سناني واهرب
طيب محدش قالي ممكن راديو شاك يبقى عنده برده ؟؟
راديو طلعت في ميدان العتبة في الحتة اللي بين شارع عبد العزيز و شارع الازهر
بس شوف الوسيط الاول ممكن تلاقي حد جنبك في الدقهلية
راديو شاك عندة العادي اللي هوة 60 - 100 متر و بس
و اصلا بيبيعه بضعف تمنة اللي في السوق يعني ممكن تجيب الباناسونيك اللي عندة من اي حد باقل كتير من سعرة في راديو شاك
بس راديو شاك بيبيع ووكي توكي مداة 5 ميل في الخباثة لو انت ميلت على حد من البياعين و قلتلة عايز ووكي توكي موتوروللا و انك اشتريتة منهم قبل كدة و عاوزة لقرية سياحية علشان الامن حايطلعهولك بيبقوا مخبيينة تحت الكاونترات
دة مداة 5 ميل يعني 8 كيلو متر و تمنة 1300 جنية تقريباً
و ينفع لو كل غرضك حديث بين اتنين بينهم مسافة كبيرة