والله ما عارفة كل إلى بتقولة دة موجود فيها ولا لأ
الأعلان زى ما شوفتة كدة بالنص نقلتة عشان لو حد عايز يوصل لعربيه زيها
بس يا ريت بما أنك معدل شكلها الخارجى تصورها و توريها للأعضاء عشان تستفيد منك
عرض للطباعة
شاكر لحضرتك جدا على نقل عرض بيع العربية
شكلها نضيف من برة جدا
ان شاء الله حصور العربية و ارفع الصور قريبا
عذرا على التاخير
دى صورة العتب الجانبى
http://i45.tinypic.com/347tzmh.jpg
و دى صورة الاكصدام الامامى
http://i47.tinypic.com/3442q1k.jpg
انت متأكد ياباشا ان دة اكصدام شكلة كساحه بلدوزر هههههههههههههه و الله واحشني طمنني عليك اية اخبارك و اخبار ال 4*4 معاك
جميلة العربيات الامريكاني
اتوقع عروض كثيرة للبيع هذه الايام
ادهم باشا
و الله انت الى ليك وحشة ...... فينك من زمان ؟! وحشانا مشاركاتك و ارائك الجميلة و العملية
الاكصدام ده احيانا بيكون مفيد جدا .... و ساعات بيكون نقمة كبيرة .... كان فيه ونش قطر كهرباء .... بس اتسرق
اما عن اخبارى .... اخر ما قمت به ... فك الفتيس ... الغيار التالت كان بينطر لوحده
نزلت الفتيس .... فكيته بنفسى ... وجدت بلية الدرك بايظة .. غيرتها
شيكت على الغوايش و الفول ... وجدتهم كويسين
كبست مجموعة الشجرة تانى و جمعت تانى ... و ركبت الفتيس تانى
و كله تمام
انا كنت شغال لوحدى ... بس ربنا كرمنى ... الحمد لله
ان شاء الله عاوز اروح مشوار لغاية شبين الكوم ... اشوف بتوع قطع الغيار المستعملة
و اسأل على .....
موتور ديزل 8 سلندر ... الكامنز او موتور الجى ام
كارونة لوك ... علشان بفكر اركبها عندى فى العربية لو سعرها كويس
ماكينة زجاج خلفى ... علشان باظت ... التروس تاكلت
و بدور اليومين دول على لاند كروزر الـ 40 سيرز ... موديلات التمانينات ... داخلة دماغى من فترة و عاوز اسال كمان عن قطع غيارها
بس الدنيا برد اوى :duh:
بيعجبنى فى الامريكانى قوة البودى و قوة الموتور .... بس فى المقابل ....
خشونة فى المشى و استهلاك عالى للبنزين
انا بتكلم على عربيتى بس ... العربيات الامريكانى التانية ناعمة جدا و مريحة جدا
و بالنسبة للفترة الجاية !!!! العربيات الامريكانى احتمال تتباع زى اكياس الاريال ....
اشترى عربية و خد عليها عربيتين هدية
ربنا يطمننا عليك ياباشا, انا من سنتين سخنت في دماغي اعمل اكصدام اقيل شفتة في منتدي قرونتيرا استراليا كنت عايز اعملة صاج 3 مملي او اي صاج تخين متاح و يتني عالتناية , حابقى اوريلك صور حلوة من منتدي استراليا , قولي انت عملت دة صاج كام مللي و عملتة فين و كلفك كام ياباشا
بس برافو عليك اللي عرفت تفك الفتيس و تصلحة بنفسك دة انت باشمهندس كبير بقى و احنا مانعرفش
ربنا يعزك
الاكصدام الامامى كنت شاريه جاهز بالونش بتاعه
و اشتريته ب 2000 جنيه
ان شاء الله حعرض صورة للاكصدام الخلفى ... ده عملتو عند واحد حداد .. بس معلم
مينا هو الى اخدنى اليه ... ربنا يكرمه
ده كان من صاج 4 مم و كلفنى 600 جنيه بالقاطرة
و موضوع عمل اكصدام ده موضوع مش سهل زى ما انت كنت فاكر .... الحداد فضل يوم كامل بيشتغل فيه بس
اما عن الفتيس ...
يا باشا ده انا لسة بتعلم .... الموضوع بس انى كنت فاضى شوية ... و الموضوع سخن فى دماغى فرحت فاكك الفتيس و هات يا شغل ...... و ربنا كرمنى ... كان فيه شوية مشاكل كدة فى التركيب ما كنتش اعرف عنها حاجة خالص .... و كنت حبوظ الفتيس كله .. اكتر من مرة