ياريت اللى عنده تجربة قول يا جماعة
مشاكله ومميزاته
ياريت اللى عنده تجربة قول يا جماعة
مشاكله ومميزاته
والله يا استاذ انا مأمن مع بنك قناة السويس وهو من شركات التأمين الجيدة جدا في مكانها وعملية جدا وجيدة جدا وانا بنصحك بيها وزي ما انا شايف انو لو مع حضرتك بروتون ساجا ها تكون التكلفة حوالي 2590 جينيه بالضبط بس انا واخد خصم 10% عشان ليا عربية تانية عندهم ...
أنا مأمن مع الشركة اللى تبع التوكيل يا باشا و أنا عموما مش مقتنع بالتأمين أصلا بس حاجتين خللونى أأمن و مع الشركة دى بالذات
- أولا إنها شركة إسلامية بافتراض يعنى إنها بتطبق ده فى تعاملاتها و لكن هى على الأقل كانت المتاح زى فتوى البنوك الإسلامية كده بالظبط.
- ثانيا و دى ميزة قوية جدا إن التأمين بيكون لصالح عز العرب و ده معناه إن لو لا قدر الله حصل حاجة للعربية انت بترميها فى التوكيل و تنام و هما يخبطوا مع بعض مش تدفع كل الفلوس و بعدين ترجع تلمها من الشركة و دى ميزة قوية جدا فى رأيى و مرجحة لحد كبير
أما بقى عن العيوب فإجراءاتهم بطيئة جدا و معاينة العربية بتاخد وقت و الموافقة على المقايسة و بعدين بتدفع فى السنة الأولى فى حالة حادثة 10% من قيمة قطع الغيار و ده باعتبار إن أى قطعة غيار قابلة للاستهلاك و بتزيد النسبة كل سنة و تبقى 20% للسنة التانية و 30% للسنة التالتة و هكذا ده غير المخبرين اللى بيعينوهم هتضحك عليهم لما يفاصلوا معاك عشان كلمة مش مقنعة فى المحضر مثلا
آه صحيح بمناسبة المحضر لو قدرت الخساير بعد المقايسة أقل من 5000 جنيه مش يتحتاج محضر لكن لو طلعت أعلى من 5000 لازم محضر