-
أعمل ايه دلوقتى
سلام عليكم
انا باعمل عمرة للموتور عشان الشنابر كانت بتسرب زيت المهم جبت طقم الشنبر و الجوانات من عند الكيلانى بألف حنيه الشنابر ريكامبى أصلى و الجوانات جلاس أسبانى و قعد يحلفلى انهم أحسن من الأصلى (ابراهيم الكيلانى نفسه) المهم خدت الحاجة الشنابر تمام و بعديها ما لقتش الأويل سيلات مش موجودة فى الطقم (حد قاطع حتة صغيرة من السيلوفان و واخدهم) كلمته قاللى تعالى خدهم رحت قعد يدور فى الدرج و طلعلى طقم أويل سيل مالوش ملة خدته و مشيت (بعديها شوفت الطقم بتاع الأسبانى شكله انضف شوية بس مش مشكلة) المهم و الراجل بيقفل قاللى جوان فرن الشكمان مش هوة خدته و رحت الكيلانى دورو شوية جابولى واحد مستعمل متاكل خالص قلتلته ده القديم بتاعى حالته أحسن من كدة قاللى ركبه (ما ينفعش يركب عشان مكانه اتنضف و قاللى مش موجود و راح راميلى 30 جنيه (طلع طقم البرافا ال16 صباب مش البونتو) رحت سألت فى محمد يوسف مش موجود فى البرقان مش موجود كلمت اوماترا قالولى طقم كامل على بعده 450 جنيه ؟ و مش لاقى حد يفصله مخصوص عشان لازم يبقى حديد و جنجريد حد عنده حل نفسى افك الموتور تانى و اخد حاجة الكيلانى ارميها فى وشه و اروح أجيبه من اوماترا و خلاص
-
-
-
ربنا معاك ويكرمك بأمر الله .. قول : لا حول ولا قوة إلا بالله ...
حضرتك في مصر ... ماتستغربش !!
-
الحمد لله العربية خلصت رحت لواحد اكتشاف فى شارع زكى بيفصل و من نفس الخامة الحمد لله العربية صوتها وطى خالص و طلعتها و استجابتها بقت أحسن كتير و التنتيشة راحت و المروحة اللى التوكيل قاللى لازم تتغير (ب1200 غير المصنعية) الراجل فكها و نضفها و بقت الحمد لله تمام و ما خدش حتى مصنعية فيها (حسبى الله و نعم الوكيل) بس الغريب ان برده عداد الار بى ام اول ما اشغل العربية بيفضل يطلع و ينزل بس من غير تنتيش الحمد لله
-
الف مبروك يا دكتور
بس ممكن سؤال برة الموضوع
هوة فى حاجة فى البونتو اسمها speed gear
-
-
ايوة بتفرق فى الموتور (بيبقى 16 صباب 80 حصان) و الفتيس (ستيبترونك 6 سرعات و مارشيدير)
-
الف مبروك يا دكتور وربنا يكفينا شر العمرات
سؤال بس هو مين الميكانيكي اللي عملك العمره
-
واحد جنبى فى الدقى بس شغال اوروبى بس تقريبا هوة أصلا تشخيص أعطال و تكييف و كدة بس قلبه مركز خدمة كامل
Content Relevant URLs by
vBSEO 3.6.0 PL2