الموضوع ده كان لازم اكتبه من اكتر من شهرين لكن اعتذر للاعضاء
كنت بغير سيراميك بايظ في الشقة وكانت ايام زرقا قعدت شهر مبدخلش على المنتدى
ثانيا كنت عايز اتاكد تماما من موضوع العازل وانه مش موضوع نفسي او مش مستاهل

[sor2]http://img838.imageshack.us/img838/9268/77120941.jpg[/sor2]

[sor2]http://img716.imageshack.us/img716/3559/65228070.jpg[/sor2]

من زمان وانا نفسي اركب موضوع العازل الحراري بس كان مانعني سعره اللي كنت بعتبره غالي بس حسبتها بطريقة ثانية:
1. انا اشتريت عربية فول اوبشن يعني حطيت بتاع 10 الاف عشان اخد تكييف وشوية حاجات طب ليه ما امنعش الشمس بفلوس اقل

2. التكييف في التوكيل اعتقد لو حتغيره بيعمل من 4-6 الاف في اي عربية فيها تكييف يبقى ليه مدفعش الفلوس دي دلوقتي واحميه لفترة اطول

3. بنتي الصغيرة اللي بتتضايق من الشمس خصوصا واننا لما بنروح لجدتها في المعادي كل اسبوع الدائري بيبقى الله ينور صفيحة من الحرارة خصوصا اني دكتور وعارف ان اشعة الUV مسرطنة وبتعمل بلاوي في الجلد (والنقطة دي بصراحة كفاية بعد طبعا ما تحول جلد ذراعي الشمال للون الاسود) (اصل محسوبكم اسمر اصلا)

ترجع العربية تحس انك داخل فرن

يا سلام بقى لو لابس هدوم شيك

وغصب عني لو لابس بدلة يبقى رايح الشغل
تطلع منها وانت شوربة لو مشغلتش التكييف

لما شفت المواضيع اللي عاملها الاعضاء القدامى وانهم بيشكروا في العازل جدا

قررت تركيب العازل في لحظة تهور عشان نبطل نتشوي في الشمس


اتصلت بالمهندس سامر شركة ارماشيلد لتحديد ميعاد

مشكلة الشركة الوحيدة هي الضغط الرهيب عليهم لانهم بيركبوا عوازل للعمارات والسفارات والبلدان العربية كذلك

بتصل مرة بالمهندس بيتر مسئول التركيبات بيقولي اصل انا راجع من ليبيا شوية اصل عندي شغل في السفارة الامريكية !!!!

المهم اخدت ميعاد الساعة 10 بس رحت لهم الساعة 11ونص !!! (مصري أبا عن جد) لقيتهم مشيوا !!! (ليه هو انا اتأخرت ولا حاجه؟)

قالوا لي بعد كده ان من كتر شغلهم مع الاجانب الساعة 9 يعني تسعة عشرة يعني عشرة من 2 :

المهم قابلت المهندس بيتر مسئول التركيبات وطلعنا على جراج الشركة

لقيت كمان مجموعة يخوت راكنة في الجراج اصلهم كمان شغالين في المراكب !!!
ما علينا الصورة لو حد عايز يشتري !

[img2]http://img291.imageshack.us/img291/2967/82430015.jpg[/img2]


الشغل تم باحترافية عالية وبادوات خاصة مش الادوات العادية بتاعة الفيميه

[sor2]http://img541.imageshack.us/img541/5407/91695639.jpg[/sor2]

التركيب تم بدون خلع اي كاوتشات من الباب او الازاز

[sor2]http://img36.imageshack.us/img36/3550/41549223.jpg[/sor2]

فقط تم خلع اي استيكر زي بتاع بوابات الرحاب واستيكر نايل موتورز
(بعد التركيب لقيت الاستيكر بقى ب 50 جنيه معلهش بقى)

[sor2]http://img841.imageshack.us/img841/5480/22609951.jpg[/sor2]

التركيب اخد حوالي 3 ساعات (رائع جدا لاني اعرف ان التركيب بياخد حوالي 4 ساعات)

[sor2]http://img834.imageshack.us/img834/330/83351837.jpg[/sor2]

قام بالتركيب المهندس بيتر ومعاه المهندس ميلاد
شغل متناسق وفوري وده عارف ايه الادوات اللي حيحتاجها الثاني كمان دقيقة كأنهم في اوضة عمليات
الشغل تم في سرعة وهدوء عشان التراب ممكن يبوظ الشغل (اصلي كنت عمال احوم وادور حوالين العربية)

[sor2]http://img191.imageshack.us/img191/8225/90637141.jpg[/sor2]

بعد التركيب طلعنا على الشركة دفعت 2000 جنيه واخدت ضمان عشر سنين ضدعيوب الصناعة متسجلين على الرخصة مع التنبيه بعدم غسل العربية باي مادة كيميائية (دلوقتي بصرخ للناس لما بغسل العربية عشان ميمسحوش الازاز من جوا الا بفوطة ناعمة مندية من غير صابون

[sor2]http://img715.imageshack.us/img715/6725/53543812.jpg[/sor2]


التقييم بعد التركيب :
اخدت العربية وركنتها ادام جامع في مدينة نصر مفيش حواليه ولا عمارة ولا شجرة مضلله على العربية ودخلت صليت العصر

خرجت بعد ثلث ساعة في عز الشمس
بركب العربية ؟؟؟؟

ايه ده؟؟؟؟
* لما كنت بركب قبل كده في موقف زي ده كنت باخد صدمة حرارية اول ما اقعد على الكرسي دلوقتي لأ

* عنيا كانت بتوجعني لان عندي حساسية من الشمس الآن لأ

* التابلوه اللي كان بيبقى نار في الشمس ومتعرفش تلمسه دلوقتي بيبقى دافي او سخن بسيط لو راكن العربية كذا ساعة في الشمس بتبقى العربية ايوه سخنه من جوا بس مش مولعة


* الرؤية في منتهى الوضوح واي واحد بيركب معايا مش بيعرف اصلا اني مركب حاجه

* ساعات كتير دلوقتي مش بلبس نظارة الشمس لان العربية مبيدخلهاش اصلا uv انا الي عندي حساسية وبهرش في عيني لو وقفت في اي حته مشمسة وبالتالي بقيت اسوق من غير النظارة (بقيت البسها بس عشان الضوء من الشمس)

* بعد التجربة لاكتر من شهرين والسفر الى الساحل الشمالي (وطبعا اللي سافر الساحل يعرف الشمس الحارقة ادام البحر)

* التكييف اصبح رائع طبعا (اللي هو اصلا حلو جدا في اللوجان) بس اصبح بيفصل بسرعة ويستريح وبقيت بشغله على 1 او 2 بالكتير اول ما ادخل العربية

* بنتي عندها سنة واحدة بتبقى قاعدة والشمس جايه عليها ومش متضايقة على الاقل من الحرارة


ودي فزورة مين اللي قبل التركيب ومين اللي بعد التركيب
اللي حيعرف الحل حبعت له ورقة عازل يلزقها على مرايا العربية!!



انهي فيهم قبل وانهي فيهم بعد ؟؟؟


بعد مرور اسبوع لاحظت وجود خدش في العازل على الازار الوراني بتاع الباب وكلمت المهندس سامر
على طول قالي تشرفني يتغير

وتم التغيير بمنتهى الهدوء (طبعا بعد ما استنيت المهندس بيتر يرجع من بره) !!!
[sor2]http://img155.imageshack.us/img155/6426/23663067.jpg[/sor2]


شكرا مهندس سامر
شكرا ارماشيلد


[sor2]http://img339.imageshack.us/img339/96/88022622.jpg[/sor2]

شكرا كريم منير ونايل موتورز
(مش لاقي صورة احطهالك يا كبير )

دعواتكم لي بالبركة وان الازاز ميحصلوش حاجه من الدائري الجميل بتاعنا
: