هى الساعة كام

**aymanmaly** · 01-10-2010 02:01 AM

حد فاكر الساعة كام دلوقتى
انا بسأل عن الساعة الحقيقية
يعنى بعد ما غيرنا الساعة النهاردة دة التوقيت الفعلى و الحقيقي لمصر ولا امبارح التوقيت الي صح
زمان لما اتعمل التوقيت الصيفى و الشتوى كان فية مواعيد اغلاق للمحلات و بالطريقة دى يحصل توفير كهرباء لان فتح المحلات فى الظلام لوقت قصير
طب اية الغرض دلوقتى ؟

**amir** · 01-10-2010 02:21 AM

المشاركة الأصلية كتبت بواسطة aymanmaly

حد فاكر الساعة كام دلوقتى
انا بسأل عن الساعة الحقيقية
يعنى بعد ما غيرنا الساعة النهاردة دة التوقيت الفعلى و الحقيقي لمصر ولا امبارح التوقيت الي صح
زمان لما اتعمل التوقيت الصيفى و الشتوى كان فية مواعيد اغلاق للمحلات و بالطريقة دى يحصل توفير كهرباء لان فتح المحلات فى الظلام لوقت قصير
طب اية الغرض دلوقتى ؟

و حاطط صوره الراجل بتاع النظريه النسبيه في الفول و الطعميه؟!!!
اقولك انا ايه الغرض
الغرض انك بدل ما تمشي بتوقيت واحد و تدي مواعيد و ناس تسافر و رحلات طيران و بدنجان كده
الفكره انك عمرك ما تحس بالملل و انت عايش في مصر
زهقان من تمثال رمسيس نشيله و نوديه حته تانيه و برضو اسمه ميدان رمسيس
زهقان من التكييف خليك قاعد في مطرحك لا ريموت ولا زفت خلي عنك هما بيقطعو الكهربا و برضو في اوقات مفأجه علشان عمرك ما تزهق
عندك امتحان و قلقان منه و انت رايح؟! ولا يهمك المرور يقف لجنه تشريفه او اي اختراع و خليك بلاش تكدر اعصابك امتحان ايه اللي يسوي قلقك
روق كده بس و بلاش كلام في السياسه

**جمال** · 01-10-2010 04:16 PM

التوقيت الحقيقى و الاصلى لمصر هو اللى رجع اليوم ( اللى بيسموه الشتوى )
مصر توقيتها جرينتش + 2 , يعنى بعد توقيت جرينتش بساعتين
هم نجحو فى لخبطت الناس علشان متعرفش توقيتها
يعنى لما يكتبو ( بدأ التوقيت الشتوى ) ده غلط لان المفروض يكتبو العودة الى التوقيت الاصلى وانتهاء التوقيت الصيفى
وطبعا لاتوجد اى لازمة لتغيير التوقيت ولا له اى فايدة غير ان الحكومة تقول انها بتعمل حاجة , اثبات وجود يعنى
الكلام يطول ولكن لاحياة لمن تنادى

**amir** · 01-10-2010 05:04 PM

المشاركة الأصلية كتبت بواسطة aymanmaly

انا ححطيت اينشتين كرتونى
و المعنى فى بطن الشاعر
على العموم
حسب كلامك احنا فى نعمة هاهاها
بس برضة الساعة كام ؟

طبعا يا باشا احنا في نعمه :b4_237: و نحمد ربنا الذي لا يحمد علي مكروه سواه
و بصراحه انا بقيت تايه في موضوع الساعه بس نتوجه بالشكر للسيد الاستاذ الدكتور الاخ العقيد معرفش مين انهم مفكروش يلعبو في الايام كمان