موقف غريب حصل لي

**Eng_AmrAllam** · 01-10-2010 04:02 AM

موقف غريب حصل لي وقولت اقول لكوا عليه

كنت مع واحد صاحبي وكنا قاعدين في كافيه وبعد ما خلصنا

قولنا نروح مشي وخصوصا كان الجو دلوقتي جميل جدااا وبعد العاصفه اللي

حصلت دي واحنا ماشين بنبص لقينا واقع جنب عربية محفظة

صاحبي خدها وقولنا نشوف فيها اية طبعا الاحتمال اللي جه في بالنا علطول ان المحفظة دي اتسرقت

واللي سارقها خد الفلوس اللي فيها ورماها بصينا فيها لقينا البطاقه بتاع صاحبها ومجموعه صور شخصية

وكروت قولتله تعالا نرجع لاقرب محل فاتح بقي وندهاله يمكن عارف صاحبها

واحنا بحط البطاقه ببص فيها لقيت مبلغ 180 جنية قولت لا بقي دي اكيد واقعه منه

قولتله طلع البطاقه بقي ونشوف الكروت لقينا الاخ دة مواليد 1993 يعني ممكن يكون في 3 ثانوي

المهم شفنا اسمه والحمد لله لقينا اول كارت بتاع والده اتصلنا بيه وقولناله احنا واقفين في الحته دي

وابعت حد ياخدها المفاجأه ان صاحبها مكنش يعرف انها وقعت منه

وسبحان الله ربنا جعلنا سبب ان احنا نلاقيها ونرجعهاله خصوصا

اننا مش متعودين نمشي من الطريق دة خااالص

المهم جه فعلا بعد 2 دقيقة وفعلا طلع ف 3 ثانوي وقال معلش انا تقريبا بقي

وانا بغطي العربية مع والدي وقعت مني

بس الغريب ازاي واحد في سنه كدة شايل مبلغ زي دة وهو خارج مع ابوة

واللي اتعظته من الموضوع دة اني بعد ما مشي فتحت محفظتي

وقعدت ادور علي اي حاجة تدل علي رقم تليفوني او اي حاجة ملقتش
فقولت بقي لازم اكتبها ولو حتي في ورقه

عشان الكارنيهات وخصوصا البطاقه والرخصة لو لقدر الله المحفظة اتسرقت ولا ضاعت

**A7MED_PHARMA** · 01-10-2010 04:08 AM

هما الــ 180 جنيه مبلغ يابشمهندس(كابتن) عمرو
ممكن يكونوا فلوس الدروس
أو مصاريف الشهر
أو فلوس كتب أو حاجة
أو أي حاجة تانية.....
وفعلا عندك حق في موضوع إنك لازم تسيب حاجة في المحفظة تدل على صاحبها

أنا عمري ماحطيت فلوس في محفظة..
المحفظة فيها الكارنيهات +البطاقة+رخصتي ورخصة العربية+وشوية كروت بتاعت محلات عربيات وأكسسوار ومندوبين
لكن عمري ماحطيت في المحفظة فلوس

**Mzeid** · 01-10-2010 05:45 AM

أنا مرة واحد صاحبي ضاعت منه محفظته في إسكندرية
و صلته بعدها بسنة :)

**abokoko** · 01-10-2010 10:51 PM

المشاركة الأصلية كتبت بواسطة a7med_pharma

هما الــ 180 جنيه مبلغ ....

===

احيانا بيكونوا لى مبلغ ...ومبلغ كبير اقول الحمد لله عليه

**Soma_Sooma** · 02-10-2010 12:17 AM

ممم الموضوع دة يعلمنى انى اخلى فى بيانات ليا فمحفظتى

ميرسى انك نبهتنا لنقطة زى دى

ومش عارفة لية فكرتفى الموضوع دة دلوقتى ..
انى لو مت وكان عليا دين لحد اوحدشايل فلوس معايا

اهلى يعرفو ازاى ؟؟؟

لازم يكون فة اندكس صغير فيها بيانات ليا عشان لو مت يبقو عارفين ايه ليا و ايه عليا ....

**kar!m** · 02-10-2010 12:26 AM

المشاركة الأصلية كتبت بواسطة a7med_pharma

هما الــ 180 جنيه مبلغ يابشمهندس(كابتن) عمرو
ممكن يكونوا فلوس الدروس
أو مصاريف الشهر
أو فلوس كتب أو حاجة
أو أي حاجة تانية.....
وفعلا عندك حق في موضوع إنك لازم تسيب حاجة في المحفظة تدل على صاحبها

أنا عمري ماحطيت فلوس في محفظة..
المحفظة فيها الكارنيهات +البطاقة+رخصتي ورخصة العربية+وشوية كروت بتاعت محلات عربيات وأكسسوار ومندوبين
لكن عمري ماحطيت في المحفظة فلوس

أمال بتحط فلوسك فين؟

**shaddadfalcon1** · 02-10-2010 12:51 AM

المشاركة الأصلية كتبت بواسطة kareemz

أمال بتحط فلوسك فين؟

انا برده كنت عايز اسال نفس السوال
انا دايما بقول لو محفظتي اتسرقت كل اللي معايا هيتسرق لاني مش بخلي في جيبي غير شوية فكه اقل من 50 جنيه

بستغرب قوي لما اشوف حد بيطلع فلوس كتير من جيبه

**mr_vampire** · 02-10-2010 02:44 AM

المشاركة الأصلية كتبت بواسطة Eng_AmrAllam

مش حكاية فلوس

حكاية انه ازاي يسيب اي فلوس في المحفظة

وخصوصا كمان انه هو كان رايح فرح مع والده والدته

وميعرفش كمان ازا كانت المحفظة معاه ولا لا

دي اللي غظيتني انه مكتشفش اصلا انها ضايعه منه

انتا كمان عرفت انهم كانو رايحين فرح. طب مادام بقيتو اناتيم كدة ماكنت تنكشه يمكن يعترف وكنت تقوله ايه يامعلم السيولة اللي معاك ده كلها جايبهم منين ولا كنت رايح تعمل دماغ فين قولي ووعد وعد وعد مش هتصل بوالدك اللي رقمه متسيف عندي عالديال. كان هيعترف ووووووووووووووقتي ويقولك استر عليا يسترك ربنا

**misoalex** · 02-10-2010 03:53 AM

المشاركة الأصلية كتبت بواسطة mr_vampire

انتا كمان عرفت انهم كانو رايحين فرح. طب مادام بقيتو اناتيم كدة ماكنت تنكشه يمكن يعترف وكنت تقوله ايه يامعلم السيولة اللي معاك ده كلها جايبهم منين ولا كنت رايح تعمل دماغ فين قولي ووعد وعد وعد مش هتصل بوالدك اللي رقمه متسيف عندي عالديال. كان هيعترف ووووووووووووووقتي ويقولك استر عليا يسترك ربنا

ههههههههههه شرير انت يا مان

الموضوع: موقف غريب حصل لي

LinkBack

أدوات الموضوع

عرض

-

-

-

-

-

-

المواضيع المتشابهه

موقف غريب جدا

موقف غريب جدا علية

موقف غريب مع ال rpm

موقف غريب بتوكيل العبور

موقف غريب فى لجنة على الطريق!!

الكلمات الدلالية لهذا الموضوع

المفضلات

المفضلات

ضوابط المشاركة