قدر الله وما شاء فعل

**BOOGIE** · 01-10-2010 10:36 AM

يا جماعة امبارح العاصفة وقعت شجرة على العربية جابت الشنطة و الاكسدام الحمد لله
دلوقتى انا عاوز اصلحها و انا مأمن فى مصر للتامين هل اعملها دلوقتى ولا اسبها اخر السنة التامينية ؟
هل التوكيل هيغير الشنطة ولا هيصلحها بس ؟

**A.Saad** · 01-10-2010 10:46 AM

قدر الله وماشاء فعل
اولا
انا مأمن زيك فى مصر للتأمين
تشوف الاول هتصلح العربية فين
تاخد من المكان ده مقايسة
تعمل اخطار حادث للشركة وتبلغهم بمكان وجود العربية
هييجى معاين يعاينها ويناقش مكان الاصلاح فة التفاصيل والمبلغ وممكن يقللوا منه
بعد الموافقة هتبتدى تصلح
بعد الاصلاح تاخد الفاتورة الضريبية والعربية وتعاين تانى ويبتدوا ياخدوا اجراءات صرف الشيك
ما نصحش انك تسيها لاخر السنة
لان ليك ميعاد محدد 72 ساعة لللابلاغ ولو اتسابت واتعرف بعدين ان الحادث قديم ممكن ما يردوش يدفعوا اصلاحه

**M.ABDEEN** · 01-10-2010 10:57 AM

حمد الله على سلامتك وفداك ...
بس لازم تخطر بتوع التامين

**mido** · 01-10-2010 10:58 AM

بس اسأل الاول لو التأمين بيغطى الحاجات دى علشان دى مش حادثه عاديه فهتحتاج تتكلم معاهم بالراحه

**BOOGIE** · 01-10-2010 11:08 AM

الف شكر لحضرتكم على مسعدتكم ليا انا هكلم الشركة بكرة ان شاء الله و اشوف اية الى هيتم

**ALSHARIEF** · 01-10-2010 11:16 AM

قدر الله و ماشاء الله فعل حبيبى فى الله .. إننا لله و إننا إليه راجعون ... أللهم أجر أخى فى مصيبته و أخلف له خيرا منها ...

أما بالنسبة لدعاء هبوب الريح الشديدة أو العاصفة ( أللهم إنى أسألك خيرها و خير ما فيها و خير ما أرسلت به و أعوذ بك من شرها و شر ما فيها و شر ما أرسلت به )

أصبر أخى فى الله و أحتسب و أسأل الله الخير دائما ............. تقبل مرورى

**shod90** · 01-10-2010 12:02 PM

المشاركة الأصلية كتبت بواسطة alsharief

قدر الله و ماشاء الله فعل حبيبى فى الله .. إننا لله و إننا إليه راجعون ... أللهم أجر أخى فى مصيبته و أخلف له خيرا منها ...

أما بالنسبة لدعاء هبوب الريح الشديدة أو العاصفة ( أللهم إنى أسألك خيرها و خير ما فيها و خير ما أرسلت به و أعوذ بك من شرها و شر ما فيها و شر ما أرسلت به )

أصبر أخى فى الله و أحتسب و أسأل الله الخير دائما ............. تقبل مرورى

ما شاء الله عليك اخى alsharief شوية ادعية تفتح النفس .. و قدر الله ماشاء فعل يا boogie بردو امبارح فى يافطة اعلانات بحالها وقعت على 3 عربيات فى التحرير و الشارع وقف و الحمدلله بس الحمدلله كانوا راكنين و محدش فيهم .. كلها مسألت اقدار و ربنا يصبرك و تصلحها ب أقل التكاليف و ترجع احسن من الاول :)