عندى صديق ليا معاه بيتلز 78 المانى و كان عايز يعملها كابروليه , ممكن يعمل الموضوع دا فين و يتكلف كام و هل هيبقى فى مشاكل فى ورق المرور و لا الموضوع سهل ؟؟
عرض للطباعة
عندى صديق ليا معاه بيتلز 78 المانى و كان عايز يعملها كابروليه , ممكن يعمل الموضوع دا فين و يتكلف كام و هل هيبقى فى مشاكل فى ورق المرور و لا الموضوع سهل ؟؟
متابع جدا جدا
انا سمعت ان الموضوع بيتكلف حوالى جنيه 1000
قص السقف و الجلد الجديد
بس المرور مش بيرخص العربيات دى
عشان لازم تكون نازله كده اوريجنال
لأ اقل من 1000 شفت ناس فى الحرفيين بتعمل الموضوع دة , بالنسبة للمرور "الله اعلم"
ما فيش مشكلة في المرور انت بتكتب طلب لرئيس الوحدة انك عاوز الموافقة علي تحويل السيارة كابولية ويتم الموافقة وتروح تفحص وتاخد رخصة جديدة ومبروك يا عم بس المشكلة انك لازم تركن في جراج والا هاتنزل الصبح مش هاتلاقي حاجة في العربية
مش هتعرف ترخصها فى واحد عملها وشكلها تحفة ومش عارف يرخصها قالولة رجعها زى ما كانت
الموضوع ده مش مفيد بالمرة و هيخلى العربية تعوم بعد ما يعدى ال100 كم الكابورلية نازل كده من الشركة و معمول حساب عدم وجود سقف لكن المتعدل ده بيأثر سلبا على ثبات العربية و خصوصا على السرعات العالية .......
باشا
لو سمحت قو ل لصاحبك بلاش ... 78 الماني يعني اخر انتاج الماني يعمل فيه كده :)
1- مش ها يعرف يرخص في المرور ..... مستحيل (حت لو معاه واسطه)
2- ألعربيه بتبوظ مش في السرعات العليه بس ده بعد ال 60 لا ن الكابورليه الاصلي بيكون فيها صليبه صلب تحت العربيه علشان تعدل وزن العربيه
ملحوظه عربيتين بيتلز نفس الموديل الكابورليه اتقل في حدود 150 - 200 كجم (علشان الاتزان)
بلاش لو سمحت
سلام
طيب بعد اذن صاحب الموضوع بقى بما انها على سقف البيتلز
طيب ايه رايكوا يبقى بانوراما بس اهم حاجه يكون بيتفتح
يتعمل فين و بكام ؟!!!
وائل باشا دايما منور بكلامك الجامد
وفعلا العربيه لازم تكون كابوربه اصلا ومينفعش ترخص ... مع انه فى ناس بتلعب فى الموضوع ده زى منا قولتلك على العربيه الصفرا
وكمان مفيش حد بيظبط العربيه لما تتعدل واللى بيعمل كده العربيه بتعدى التكلفه دى لان السقف لوحده بيخش فى 1500-2000 جنيه
اما السقف البنوراما لازم ناخد بالنا ان السقف بتاع البيتلز فيه نسبه انحراف عاليه ولو حنجيب زجاج معالج ومعمول مخصوص يبقى التكلفه عاليه جدا لانه ممكن يعدى 3000 جنيه علشان الانتاج محدود وكمان الزجاج بيكون عرضه للكسر بسهوله
والمفاجئه انك ممكن وانت ماشى السقف يطير لان العربيه غير مصصمه لفرق الضغط والازاز متركب
يعنى لزق الازاز على السقف ممكن ميستحملش الضغط ويكسر
فيه ناس بتعمل سق ازاز بس بفريم معدن وشكله (فى رأى) بيبوظ شكل البيتلز جدا
البيتلز بيتعمل فيها اى تعديل يخطر على بالك
بس المشكلة ان التعديل يتعمل صح
علشان تعمل البيتلز كابورليه لازم اللى يعملها يكون عارف الفروق بين العادية والكابورليه
ويعمل تعديلات تعوض الفروق دى
فانتا طبعا صعب انك تلاقي صنايعي فاهم في مصر في الحجات دى
فانتا لازم تتعب وتدور على النت على حد عمل التعديل ده وتشوف عمله ازاى
وتقف على يد الصنايعية وتقولهم يعملوا ايه بالظبط
بس اكيد دا هيتكلف كتير
وبالنسبة للمرور فعلا الواسطة مش هتنفع
اللى هينفعك هو الجنيه
هتدفع مبلغ حلو هيرخصهالك حتى لو شلت البودى كله ومشيت بالشاسيه والكراسي مش السقف بس
انا رأيي ادرس الموضوع كويس لو تقدر عليه نفذه
والنتيجة ان شاء الله هتكون حلوة جدا
-----------------------
محمد سالم
ربنا معاك انا كنت بفكر وعملت موضوع في الكمليات
والردود هيا هيا
بس عندهم حق جدا
اتاكد الاول من المرور روح واسئل
محمد باشا
انابرضه اللي جامد
ماشاء الله عليك حجه في البيتلز :)
اهو حكايه السقف القزاز دي اول مرة اعرفها
عموما رايي للاخ صاحب الموضوع التاني الخاص بالبانوراما ان ما فيش صنايعي فاهم في مصر للدرجه دي - حتى لو شفتها برره معموله
يعني لا قدر الله حتى لو جبت الخامات من برره - هاتكلفك كتير -- بس مين يعملهالك ؟؟ الصنايعي ممكن يعملك افتكاسه كده يبوظلك كل حاجه
و ده عل فكره مش عيب في الصنايعي ذات نفسه كمان - بس للفقر الشديد في المعدات اللي عندهم كمان
ربنا معاك
انا رايى تسيبها زى ماهية احسن
عضويتي راحت ؟؟؟؟؟؟ليه ؟؟؟؟؟؟؟؟؟؟؟