الموضوع: اللى زعلان من النيسان يدخل هنا

صباح الخير انا هاقولكم على تجربتى مع النيسان اى اكس صالون مانيوال وخصوصا كلامى للناس اللى مضايقة من العربية او عندهم وسواس من السيارة

انا معايا صنى ملحق 2010 يعنى اشتريتها فى 8 -2009
طبعا الشكل الجديد الفانوس الكريستال وفوانيس الشبورة الأمامية

انا اخدت العربية دى فى اول 500 كيلو قرفتنى جدا تزيق فى الكراسى تقطيع فى العربية تبطل لوحدها
صبرت عليها تزيق الكراسى اتربطت ودة كان علشان المسامير لسة جديدة
اما تبطيل السيارة كان من عيب فى بوابة الماتور وتم تغيرة على حساب التوكيل
فضلت مشغل العربية تبع التوكيل مودرن موتوز لحد ال 30000 كيلو وبعدين مبئتش بروح التوكيل علشان بئة فى اشتغالات كتير وتحميل مصاريف زيادة انا اولى بالفلوس دى

المهم بئة حدث مالايحمد عقباة الفانوس الخلفى اتكسر دخل فية توكتوك وانا واقف ربنا يكرمة كسرلى الفانوس
روحت التوكيل قالى تمنة 750 جنية قولتلة (.......................)

نزلت التوفيقية لأئيت التيوانى ب 450 جنية ------------الصراحة صعب علية اغير الفانوس الأصلى بفانوس تقليد
وطبعا المصريين مافيش حاجة تستعصى عليهم وصلت لواحد عبقرى فى الطالبية هرم بيعمل وشاش فوانيس كل العربيات عملى وش الفانوس ولا بتاع بلدة و ب 125 جنية بس ولا اجدع فنى يقدر يقول ان الوش دة مش الأصلى ---------------------------

نيجى بئة للعربية انا عامل بيها دلؤتى 42 الف كيلو على سنة وشهرين من وقت مااشتريتها اقسم بالله احترمت العربية دى جدا جدا لأن عربيتى انا بطلعها مشاوير مع سواق خصوصى لأجانب وعرب وموظفين فى اية ار تى

افيو والفيرنا واوبترا وحتى الألنترا كلهم جم مع عربيتى واتعمل فيهم صيانة لقطع غيار وخصوصا الفرنا شكمانها صوتة على غير مساعدين صاجها اطبق من السند علية بس تيل فرامل اتغير على 20 الف كيلو
اوبترا التنبير اتغيرت
النترا غير كبالن الكبلن الشمال طقطق

واقسم بالله النيسان لحد دلؤتى ماغيرت فيها الا بجوهات عند ال 20 الف كيلو وزيت الماتور وبستخدم موبيل وان
وشكرا حتى تيل الفرامل مغيرتوش لسة لأن مفيش صوت صفارة بسمعها فى العربية مع دوسة الفرامل
وعلى ال 50 الف ناوى اغير تيل فرامل امامى وزيت الماتور وزيت الفتيس وماء الريداتير واعمل ريجلاش على الفرامل واربط العفشة
ولا محتاج توكيل ولا غيرة وعربية ماشاء الله ربنا يحميها ممتازة وبتاعت شغل وشقى وماتور ماشاء الله قوة وعزم
ومكيف افضل مافيها ومن افضل المكيفات فى فئتها
يعيبها بس الصالون الضيق واستهلاكها للبنزين العالى شوية بيحسب معايا فى الصفيحة 210 كيلو تقريبا والمكيف شغال

وانا على فكرة بفكر اجيب صنى تانية بس اتوماتيك اللون الأسود لأن فيها تحفة وانا معايا اللون الشامبين

دى تجربتى مع الصنى ومع العلم ان العربية بتاعت شغل يعنى بطلع عنيها بس بتاخد حقها فى الصيانة والمحافظة عليها


فرجاء الناس لازم تعرف ان اعلربية دى ممتازة وبتتحمل وهتعمر معاكم فترات طويلة وعلى ماتفكر تعير فيها حاجة امامك 3 سنين على الأقل
وانا مبرحش التوكيل الحمد لله لثقتى ان العربية هتعدى ال 100 الف كيلو بدون عيوب تصنيع وصيانتها سهلة
حتى السيور بتاعتها سير الكاتينة جنزير يعنى هتغيرة على 100 الف كيلو وممكن يكمل معاك كمان ل 120 الف كيلو --------------

عاوز اية تانى عربية ماتور 2 كامة ----------عفشة اتعدلت تماما فى الشكل الجديد واصبحت العربية ناعمة ومش ناشفة زى الموديلات القديمة ومساعدينها هى نفسها السوبر الصالون فى موديل 2009 وانت طالع

مكيف ولا اروع ثلاجة
تحمل وثبات على الطريق ولا اروع

الصراحة الصنى لو غير بس فى الشكل الخارجى شوية وزود سعرها 10000 ج كمان ولا تقولى بئة النترا ولا سيراتو هتكتسح زى موديلات الخليج كدة

بس يارب يعملوها ويعدلو شكلها هتبئة رقم واحد فى مصـــــــــــــــــــر

اما بخصوص التقفيل المصرى هو ايلى بيقفل فى مصر دة واحد من الهند دة مهندسين يبانيين متخصصين بيقفلها فى مصر علشان ميزيدش سعرها وهى هى نفس الأيد العاملة ايلى شغالة اليابان زى مصر ----------
الصراحة بجد عربية ممتازة وبدأت تنتشر فى مصر الفترة الحالية خصوصا الموديلات الجديدة الشكل الجديد ولو تم تعديل زى ماقولت فى الموديلات 2015 يدينا العمر السيارة دى هتكتسح السوق

واتمنى اكون فدتكم من ايلى مريت بية مع النيسان ومتنسوش ان العربية فى سنة وشهرين 42 الف كيلو وسيارة شغل يعنى شقيانة
وشكرا

------------------------------

يرجى مراعاة الادب فى الحوار وحنكتفى بالتحذير ,وفى حالة التكرار سوف نضاعف العقوبة
ويرجى مراجعة قواعد وقوانين المنتدى
1-10-2010
3 pm

مشرف القسم
19ب

المشاركة الأصلية كتبت بواسطة hossam_gabre

تجربة ممتازة وراى جدير بالاحترام
وعلى فكرة الفانوس التايوانى دلوقتى ب 200 جنية والاصلى فى التوكيل تقريبا 600 او 650 جنية .
يعنى اسعار قطع الغيار رخصت كتير قوى مع انتشار العربية الجامد
وبلالنسبة لتغيير الشكل
اعتقد والله اعلم ان كمان 3 سنين او فترة قريبة من كده ممكن التيدا اللى تتجمع فى مصر بدلا من الصنى

يدينا ويديك طولة العمر ياجميل