طبعا بنحييك على سرد تجربتك وافادتك لينا وخصوصا فى موضوعك نقطة مهمة وهى صب الفانوس ده ودى حاجة كويسة وموفرة جدا
وبخصوص موضوع التوكيل انا مش متفق معاك , وطبعا دى وجهات نظر
هو فعلا فى التوكيل مصاريف جامدة بيخدوها , ولكن الوضوع بيكون تحت السيطرة ,بمعنى
ان لو فى اى حاجة عيب صناعة ظهر فى العربية اكيد ده حيكون على حسابهم , ممكن يكون الوضع معاك مختلف وبسم الله ماشاء الله العربية معاك تمام , لكن مع غيرك ممكن يكون فى عيوب صناعة , وساعتها التوكيل حينفعه
وخالى بالك انت طالما مش بتعمل صيانتك عندهم يبقا انت كدا طلعت من الضمان
وانت نفسك قولت ان فى الاول ان البوابة كانت بايظة واتغيرت فى التوكيل على حسابهم
يعنى التوكيل مفيد , تخيل بقا لو البوابة دى باظت على 40 الف شوف تمنها حيكون كام لو حتتحملها انت ولو انت بره الضمان
او لو حصل حاجة فى اى قطعة اخرى على اخر سنة فى الضمان من ال3 سنين او اخر ال100الف كيلو
لو مساعد ضرب فى اخر ال3 سنين ضمان مثلا لقدر الله , او على نهاية ال100 الف مثلا حيكون عليهم
فاكيد الضمان مفيد جدا ومهم
هو ممكن لما تروح تعمل الصيانة , تقولهم وتنبه عليهم مثلا لو فلتر الهواء مش عاوز يتغير خالوه يتنظف , وتتحكم انت فيهم شوية , عشان احيانا بيطلعوا الحاجة تتغير وهى احيانا مش محتاجة تغير , فممكن تتعامل معاهم بالمبدا ده
لكن المهم تفضل تحت طوعهم للنهاية , اومال يفرق ايه لما تجيب العربية بضمان الوكيل عن الخليجى
وفى النهاية بحييك مرة اخرى لان موضوعك بردوا مفيد فى بعض النقط اكيد
وجزاك الله خيرا
وتقبل تحياتى
المفضلات