الحل كل واحد يغير نفسه واللي حواليه,,اصحابه أهله وكده ...أنا حولت وفشلت عشان قالوا عني متخلف وماشي بقانون وحاجات غريبة ...كل ده عشان بقولهم يا جماعة كده غلط استنى وخلي الزبالة في اديك 5 دقايق لحد ماتشوف زبالة ...لا وكمان بقى مثلا إذا معايا حد منهم ومعاه زبالة يرميها مثلا من عربيتي مخصوص عشان يدياني ويقعد يضحك ...حاجة غريبة وشعب غريب,,وواحد صحبي من اللي اقتنعوا وعددهم 2 بس.اتجنن وقال كده لسواق ميكروباص وكان رده "إذا أنا مرمتهاش غيري هيرمي " وكان كل واحد فينا ليه مكان يرمي فيه ذبلتو في الشارع وإذا مرمهاش غيره هيرمي في مكانه وكده طبعا خد حقه..الكلام ده مستحيل بعد تجربة إن البلد تنضف والزبالة منشوفهاش في الشارع.زي بالضبط موضوع إن الواحد يسوق عربيته بشكل ادمي ومحترم ..طلعوني متخلف برده.
ومحدش فيكم يقول اعذار تافهة وغبية زي اللي بسمعها ...الشعب غلبان وفقير ...أولا الفقر مش سبب يبيح التعدي على القانون أو على الناس التانية أو إن الواحد يبقى غير محترم.ثانيا كتير جدا بتشوف ناس راكبة ما شاء الله عربية تقريبا ممكن بتمن غالي جدا ولبسين نضيف جدا وياكل ويرمي من الشباك وبتكون الزبالة قدامه وأنا شفتها كتير وبالذات قدام المطاعم.واللي بيرموا السجاير من العربيات حاجة غريبة وتصرف سخيف ومتخلف ومعدوم المسئولية ...أنا صحبي مرة تانك البنزين بتاعه اتخرم وكان ماشي في الشارع بيحاول يوصل عشان يصلحوا وكان مرعوب من السجاير...ووالدتي مرة اتخرم منها خرطوم بنزين ومكنتش تعرف وعرفنا بعدها بيوم..يعني إذا كان حد منهم وقع قدامه واحد من معدومي المسئولية ورمة سجارته بكل سخافة وقذارة وحد منهم مات كان إيه هيكون عذره ؟
حد هيقولي دي حاجات صعب تحصل ...لأ مش صعب ولا حاجة ..ولما ناخد بالنا من الحاجات الصغيرة و الصعبة هناخد بالنا سعتها من الحاجات التانية كلها.
معلش اتكلمت كتير ..واسف على الكتابة إذا غلط بس معنديش عربي وبكتب ببرنامج مرن .
المفضلات