هذه الدعوة لكل من ركب يابانى أو أسيوى وربنا كرمه وركب أوروبى
لنقل التجربة بحلوها ومرها حيث كثر الكلام والمقارنات التى لا تصلح من الأساس بين سيارات أوروبية وأسيوية .
ونظراً لأنى لا أشترى ولن أشترى الأسيوى (لأنى جربته من 10 سنين عن طريق سياره الشغل) فأرجوا نقل التجربة
فكرة جميييييييييلة جدا لكن أبدأ أنت وستجد مشاركة فعالة من الإخوة
بانتظارك
انا بفضل الله جربت كله تقريبا
كوري أفيو سنة ونص
ياباني كورولا 4 سنين
أمريكي فورد 6 سنين
أوروبي لينيا سنه أو أقل سنة بسيطة
كلامي على العربيات الي إمتلكتها فقط يعني ممكن الكوري في الأفيو وحش لكن في حاجات تانيه كويس وكذلك الكورولا والفورد واللينيا
إستهلاك البنزبن مقارنة كل عربيه بفئاتها
إوروبي - ياباني - أمريكي - كوري
الراحة
الأمريكي اليباني الأوروبي الكوري
الثبات
الأوروبي الياباني المريكي الكوري
الإعتماديه
الياباني الأوروبي الكوري الأمريكي
قطع الغيار كأسعار مقابل الجوده
اليباني الأوروبي الكوري الأمريكي
دي أوجة المقارنة الي فاكرها لو فيه حاجة تانيه قولوا
اقتباس:
المشاركة الأصلية كتبت بواسطة yoko
مفيش كلام بعد كده :Ta_clap[1]:
فكرة الموضوع ممتازه
انا كنت راكب سوبارو ليون مو 82 حاله شاذه وكنت بقول لو فاتك الياباني مش هيرجع تاني ...لما غيرت كنت بدور علي كريستاله فربنا رزقني باوبل فيكترا مو99 حسيت اني كنت راكب عجله مش عربيه .
الخلاصه ...
الياباني
ناعم جداوسريع في تجميعه كالحصان وموفر في البنزين وسهل الاصلاح انما مفيش متعه في القياده والثبات قليل .
الاوروبي
بتحس بقوه كانك علي ظهر ثور -مفيش سرعه في التجميع انما عزم قوي جدا علي ار بي ام منخفض -رفاهيه وكماليات عاليه -راحه-متعه في القياده-ثبات طبعا .
حرام يا راجل تقارن سوبارو 82 ب عربيه موديل 99 ... :)
بيجو 504 11 سنة مش فاكر عنها حاجة غير انها كانت بتعطل كتير و الفتيس اللي وراء الدركسيون اللي كان غيظني
كرولا مو 82 4 سنين دي معششه فيا لغاية دلوقتي ( حمالة اسية ) بس قطع غيارها نادرة و تاكل بنزين بغباء بس سحبها كان كويس
لانسر بومة 3 اسابيع جيده علي الفتره اللي سوقتها فيها
فيات بونتو ايفو :colsmil: ( حاليا )
اهلااقتباس:
المشاركة الأصلية كتبت بواسطة m_marwan
هو الباشا شغال فى بارويد ولا ايه؟؟
يعني ايه بارويد يادرش
تجربتى حاحكيها بترتيب شراء السيارات
1- كيا كلاروس 1.6 موديل 2000
سنة ونصف امتلاك(سيارة حلوه قويه خفيفه جسم ضعيف البارومه مسكت فى الابواب من تحت )
2- بى ام 335 موديل 1990 امتلاك 6 اشهر
عربيه جبارة اوبشن عالى 3500 سى سى حوت بنزين امان عالى قويه جدا قطع غيار ناااااااااااااار
3- لانسر 1.3 موديل 2001 امتلاك 5 سنوات
عربيه كويسه اداء ممتاذ قطع غيار اسعاره معقوله اوبشن كويس موتور صغير 1300 اداء للمدينه فوق الممتاذ
4- كامرى 99 -2400 سى سى امتلاك سنه ونصف
اداء عالى امان عالى اوبشن ممتاذ عربيه فوق الممتاذة
5- كورولا 2010 - 1.6 امتلاك 3 اشهر
عربيه ممتاذه ناعمه اوبشن حلو موفرة وقطع غيارها هنا رخيصة جدا
الترتيب بالنسبه للامان والراحه والعزل(bmw-كامرى-كورولا ولانسر-كلاروس)
التوفير(كرولا ولانسر-كلاروس-كامرى -bmw)
قطع الغيار (كرولا- كامرى-لانسر-كلاروس-bmw)
أنا أشتريت
مرسيدس 200 3*3 سنوات مختلفة
رائعين و أقوية و أداء
bmw 750
رائعة و قوية و من ألأخر طيارة على ألأرض
volex caraman
شيك جدا
citroen
رائعة
Toyota Cressida
رائعة و مهرجان كماليات عجيب
Toyota Corolla
رائعة وعملية جدا
fiat arganta
رائعة جدا
Suzuki Vitara
قوية وأداء
zestafa
جميلة فى ألأداء
126
بشعة فى كل شىء
lanos
خفيفة و سريعة
mazda 929
رائعة
fiat ponto
رائعة
volvo
قوية فقط
ركبت كوري ثم صيني ثم أوروبي ثم كوري ثم تشيكي
تحس ان الأسيوي عربيات مافيهاش فخامة الأوروبي وسهلة وسلسة في القيادة والشغل وعملية
131 70' 30 سنة تقريبا - بتاعة العيلة ...مسوقتهاش بس كان واضح عليها الإستحمال..فينيشينج مش كويس..اسعار قطع غيار حلوة ساعتها
نيسان صنني 05' 4 سنين حلوة ونظيفة..قطع غيار غالية نسبيا
أكتافيا 00' سنتين.. معجبتنيش مش عارف ليه..قطع غيار غالية بزيادة..بس فينيشينج نضيف
نوبيرا 03' سنتين ..قطع غير رخيصة نسبيا..فينيشينج عادي مش مميز..متوسطة بس هي اللي معايا دلوقتي ربنا يخليها
محستش بموضوع أماكن الصناعة دي قوي,
يعني طبيعي الكوري يبقى عادي مش مميز عشان ارخصهم ..الياباني و الإوروبي أحسن بس بيبتدوا مثلا من ضعف التمن وهنا في مصر قطع غيرهم مبالغ فيها.. فـاللي معاه يجيب اللي على اده.
الأمريكي عمري ما جربته بس منظره من بره مش داخل دماغي.
اقتباس:
المشاركة الأصلية كتبت بواسطة waelfarid
اصل انا شوفت فى التوقيع حاطط صوره هاليبرتون و كاتب engineering fluid solution فانا قولت انت اكيد بتشتغل mud engineer فى بارويد