الموضوع: تقرير استلام سبارك بالصور

ايه يارجاله ماحدش معاه السبارك لايت يقدر يفيدنا ....

المشاركة الأصلية كتبت بواسطة eahmed1981

العربية فى المجمل العام كويسة وهى معايا من شهر 10/2010 وقطع الغيار متوفرة برة التوكيل وجوه التوكيل واسعارها عادية جدا يعنى تيل الفرامل الامامى بتاعها فى التوكيل جبته من سنتين على 150 جنيه وبعد كده غيرت تيل فرامل امامى بره هو نفس تيل الفرامل الامامى للانوس عامل 65 جنيه وتيل الفرامل الخلفى غيرته ب 210 جنيه ده الاصلى من التوكيل وبره التوكيل عامل 95 جنيه
السيور سير الكاتينة عامل 105 جنيه زى بتاع اللانسر سير الباور والتكييف 25 جنيه
فلتر بنزين 25 جنيه مثلا وكل الحاجات دى موجودة برة التوكيل ومنتشر وسعرها كويس
والعربية عملية وكويسة جدا انا عامل بيها 49 الف كم لحد دلوقتى العمر الافتراضى لقطع الغيار مش قادر احدد لك لانى كل اللى انا غيرته فيها تيل فرامل امامى مرتين وتيل فرامل خلفى وطقم بوجيهات وفلتر بنزين مرتين وفلتر هواء وطقم السيور فكلها صيانات عادية
العيب الرئيسى فى العربية الشنطة صغيرة وكمان حوض الماتور صغير ده بيخلى عمل اى صيانة فيه شى من الصعوبة فعايز حد يكون فاهم يعنى انا لما جيت اغير السيور فكيت الكشاف بتاع العربية علشان اقدر اشتغل فيها
وعامة لو فى استفسار تانى انا تحت امرك لان العربية معايا من الزيرو

الف شكر ليك ياباشا .. بس هتقل عليك شويه إستحملني .. أنت معاك المانيوال ال 1000 سي سي ؟ ولا الأوتوماتيك ؟ وثبات العربيه على طرق السفر عامل أيه معاك ؟ وهل قابلك أي مشاكل ميكانيكيه أو كهربا ف العربيه من يوم ماأستلمتها ؟ رأيك أيه ف عفشتها ؟ سامحني هتقل عليك ..

متابع