اشارة اليمين و الشمال في ال 128 باظت

**dr_abooody** · 01-10-2010 03:18 PM

السلام عليكم

هو الاشارة اليمين والشمال ليها علاقة بالكتاوت بتاعت الانتظار

و اية ممكن يكون السبب انا شوفت الفوزات كلها مفيش حاجة محروقة و الانتظار شغال مفيهوش مشاكل لكن يمين و شمال مفيش

**khaled_bibo** · 01-10-2010 10:39 PM

فلاشر الاشارات يا باشا هوا اللي عامل كده هتلاقيه قي حدود 10 الى 15 جنيه و تغييره سهل هتلاقيه بتاعه اسطوانيه كده فوق دواسات او احيانا بيبقى ورا العدادات و لازم تفكها عشان توصلوا

**karimfahmy99** · 02-10-2010 06:14 AM

اول حاجة انت كشفت ع الفيوزات تمام . دور على مكان المكنة تحت التابلوة المفروض فيها 3 سلوك داخلين عليها ارضى و كهربا و التالت اللى رايح للمبات . ملكش دعوة بالسلك الارضى . امسك السلك الكهربا و وصلة مع سلك اللمبات مباشر و هات مفتاح الاشارات على اى اتجاة المفروض لو العيب من مكنة الاشارات انك هتلاقى نور الاشارات منور علاطول و كذا لو عملت ع الناحية التانية نفس الموضوع . يبقى غير المكنة و هات واحد جديدة . لو لقيت مفيش اى نور منور يبقى العيب فى مفتاح الاشارات نفسة

و يفضل كهربائى يشوف الموضوع دا احسن بدل ما تلمس حاجة غلط و تعمل مشكلة مش هياخد اكتر من 20 جنية فى الموضوع دا