نادي محبي ومالكي 127.........

**Ahmad_Nawwara** · 20-03-2008 12:15 AM

أحبتي الكرام الأعزاء
بما أنني أصبحت والحمدلله من مالكي السياره الرائعه 127 ... ولأنني أصبحت من عشاقها وأنصارها بعد يومين فقط من شراءها ( مش علشان بتاعتي والله) .. بس لأنها فعلا سياره ماشاء الله رائعه .. أقصد طبعا من حيث سهولة القياده وسهولة الركن وسهولة ايجاد قطع غيار لها وأسعار متطلباتها وحتى أجرة صنايعتها ..حاسس انها بقت بنتي ..هاهاهاهاه
بسبب ذلك كله أقترح أن نقوم نحن مالكي هذا النوع من السيارات بإرساء قواعد نادي محبي ومالكي 127 وتكون مهمته تبادل الخبرات والنصائح ووضع أي معلومه تخص هذا النوع وعرض المواقع التي تهتم وتتناول هذه السيارة البديعه ( سامحوني لتعصبي) .. والتعريف بأماكن بيع قطع غيارها واكسسواراتها وحلول مشاكلها ...يعني بإختصار كل حاجه وأي حاجه تخصها .. يعني وضع مرجع لكل مواضيع الـ 127 وتكون بداية لتجميع محبي ومالكي هذه العملاقه الصغيره ... مارأيكم ؟؟ منتظر ردكم بفارغ الصبر

**hamadaalo2002** · 20-03-2008 12:19 AM

الف الف مبروك عليك يا باشاا ويا ريت تقولنا موديلها اية وتوب ولا فيورا ولا اية ؟؟

**Ahmad_Nawwara** · 20-03-2008 12:22 AM

الله يبارك فيك .. الموديل فيورا 83

**hamadaalo2002** · 20-03-2008 12:24 AM

اللي 900 سي سي ولا 950؟ وكام غيار ؟

ويا ريت تقولنا السعر لو ممكن لاني بدور علي واحدة؟

اية السبب انك جبت فيورا :))؟؟

**msm1st** · 20-03-2008 12:29 AM

المشاركة الأصلية كتبت بواسطة anawwara

الله يبارك فيك .. الموديل فيورا 83

أولا ألف ألف مبروكز
ثانيا أنا من مالكي الفيورا 84
ثالثا أعتقد أن الفيورا في مصر تبدأ من موديل 84 قبل ذلك نصر 127 .أرجو التصحيح ممن لديه معلومات مؤكدة.

**Ahmad_Nawwara** · 20-03-2008 12:30 AM

هيه مكتوب عليها 903 سي سي .. ودي أول مره أشوفها .. أنا أعرف 900 أو 950 انما 903 دي غريبه شويه .. بس مش مشكله .. بالنسبة للغيار 4 .. وفيه منها 5 بس دي بتبقى سوبر فيورا (زي ماتعلمت من الصنايعيه) ههههه ...وسعرها 19500 .. بس لأنها ماشاء الله والحمد لله بحاله جيده .. وعقبالك ياريس ان شاء الله

**msm1st** · 20-03-2008 12:30 AM

المشاركة الأصلية كتبت بواسطة hamadaalo2002

اللي 900 سي سي ولا 950؟ وكام غيار ؟

ويا ريت تقولنا السعر لو ممكن لاني بدور علي واحدة؟

اية السبب انك جبت فيورا :))؟؟

الفيورا كله في مصر 900 ي سي غير كده يبقى الموتور متغير

**hamadaalo2002** · 20-03-2008 12:32 AM

المشاركة الأصلية كتبت بواسطة msm1st

أولا ألف ألف مبروكز
ثانيا أنا من مالكي الفيورا 84
ثالثا أعتقد أن الفيورا في مصر تبدأ من موديل 84 قبل ذلك نصر 127 .أرجو التصحيح ممن لديه معلومات مؤكدة.

فعلا كلامك مظبوط الفيورا موديل 84 و 85

اما السوبر فيورا فدي موديل اخر 85 و 86 و 87
بس يا ريت رائيك يا باشا في العربية ؟

**hamadaalo2002** · 20-03-2008 12:34 AM

المشاركة الأصلية كتبت بواسطة anawwara

هيه مكتوب عليها 903 سي سي .. ودي أول مره أشوفها .. أنا أعرف 900 أو 950 انما 903 دي غريبه شويه .. بس مش مشكله .. بالنسبة للغيار 4 .. وفيه منها 5 بس دي بتبقى سوبر فيورا (زي ماتعلمت من الصنايعيه) ههههه ...وسعرها 19500 .. بس لأنها ماشاء الله والحمد لله بحاله جيده .. وعقبالك ياريس ان شاء الله

يبقي اللي معاك فيورا ربنا يديك خيرها ويكفيك شرها
بس يا ريت رائيك في العربية ؟
واية اللي 19500؟؟

**Ahmad_Nawwara** · 20-03-2008 12:35 AM

مش مشكله في المسميات .. مش هنختلف ..ههههه فيورا .. سوبر ..عاده .. كلها عيله واحده ( 127) .. المهم انها سياره تتحب .. سيبك من الفخامه والرفاهيه والمنظره اللي لاتودي ولاتجيب .. مريحه رغم حجمها وزي العسل