الموضوع باختصار شديد كده المراية الجانبية الشمال واحد خبطها بمرايته كان جاى فى وشى راحت اتقفلت والوش الازاز اتفك منها طار دخل جوا العربية والازاز بتاع المراية اتكسر وعورنى فى ايدى بس حاجة بسيطة وطبعا البيه جرى ولا اعرف عنه حاجة وقفت الم فى الازاز اللى اتكسر ولاقيت حته من التابلوه اتقطعت ودى صورتها
http://img411.imageshack.us/img411/7...062010024s.jpg
http://img821.imageshack.us/img821/253/23062010021.jpg
هى مش واضحة اوى بس حاجة تضايق بصراحة وبعدين انا مش عارف ازاى اتقطعت كده والكلام ده كله حصل فى جزأ من الثانية بس الحمد لله انها ماجاتش فى وشى ولا حته من الازاز دخلت فى عينى ربنا ستر الحمد لله
ايه بقا علاج التابلوه ده عشان انا خايف تزيد والتابلوه شكله يبوظ