عاوزين حل نهائي لموضوع المخدع الامامي للالنترا
السلام عليكم ورحمة الله
انا شوفت قبل كده هنا في المنتدى ان واحد سأل على سعر المخدع الامامي او الكونسول كامل بتاع النيو لنترا وقال انه ب900 جنيه, طبعا مبلغ كبير بس خبطت في دماغي وقولت هجيبه وامري لله وارتاح. رايح ابو رواش بقى وكلي ثقه وبسأل الراجل كونسول النترا 2010 بكام ؟ ... هو كمان بكل ثقه قالي 1500 !!!!!!
قولتله شكرااااا ومشيت. قولت اشتريه من السعوديه ولفيت هناك لما تعبت و عرفت اني لازم اروح التوكيل هناك وطبعا انا اول واحد يسألهم على حاجه زي كده. حسيت اني جاي من المريخ ولا حاجه. المهم قالولي ده في منه شكلين و لازم تسأل المهندس فلان في الصيانه ينفع ولا لأ خاصة انك هتاخده بلد تانيه. بابا قالي لأ خلاص ركبه في مصر اضمن بدل ماتجيبه من هنا وتتورط. يمين شمال اقنع فيه ان مبلغ كبير حرام ماعرفتش اقنعه.
رايح بقى اخر مره بسأل الراجل بكل ثقه زي كل مره كونسول النترا 2010 بكام ؟
قالي ب1500 و 10% تركيب وروح قسم الهياكل اسأل المصنعيه كام . المهم طلع سعر المصنعيه 100 جنيه والموضوع وقف على 1750. طبعا ماركبتش وخدت بعضي ومشيت.
عاوزين بقى حل للموضوع ده. حد من بورسعيد يعرفلنا في جديد ولا لأ ؟
ولو كان حد عنده نفس مشكلتي وقدر يوصل لحل ياريت يشاركنا.
انا مش عاوز مستعمل. واكيد ناس كتير عندها نفس المشكله بتاعتي.