انا محتار بين العربيتين دول مع الاعلم ان الكورولا جميع الكماليات وحالتها ممتازة وعاملة 37000 الف كيلو
والاتنين سعر واحد وهو مائة الف جنية والكماليات تقريبا زى بعض فى الاتنين.
بس الصنى زيرو والكورولا مستعملة.
وانا محتار لان كل واحدة ليها ممزاتها وعيوبها.
بيشدنى فى الصنى انها زيرو وثابتة على الطريق وفرامل ممتازة وبيضايقنى فيها استهلاك البنزين العالى زى مبيقول اصحابها وضيق الكنبة الخلفية والباور تقيل شوية والعزل بتاعها مش حلو اوى.
وبيشدنى فى الكورولا ان عفشتها ناعمة وباور ناعم واستهلاك بنزين حنين وعالية عن الارض وواسعة وعزلها حلو عن الطريق وبيضايقينى فيها انها مستعملة والمستعمل مهما كان حالتة ممتازة بس بردة يخوف وكمان مش ثابتة على الطرق زى الصنى وفراملها اضعف من الصنى وان بتكلم هنا عن الكورولا 1300 سى سى لان هى دى الى جربتها وسوقتها كذا مرة لكن ال1600 مسقتهاش قبل كدة ومعرفش عنها حاجة.
فافيدونا يا مجربين يا اهل الخبرة.