طبعا عربياتنا الفيات العفية_المشهورة بجودة التصنيع_والمواتير المعمرة_عايزين نعرف عربية كل فياتاوى_عملت كام كيلو_وعمرت ولا لسة_وقلبت عداد كام مرة.
طبعا عربياتنا الفيات العفية_المشهورة بجودة التصنيع_والمواتير المعمرة_عايزين نعرف عربية كل فياتاوى_عملت كام كيلو_وعمرت ولا لسة_وقلبت عداد كام مرة.
ابتدي انا العربية عاملة 50200
انا 150,000 و عمرت مرة واحدة من كام اسبوع و كل حاجة في الموتور زي ما هي و لكن عمرت علشان الجوان ساح و كمان كان في ازرق خفيف اوي بيطلع فا قلت بالمرة
ما شاء الله
فياتاوي و افتخر
باليو_على اسم عربيتى_ههههه
صحيح هو يعنى ايه باليو.
اقتباس:
المشاركة الأصلية كتبت بواسطة semsem_uno
حبيب قلبى يا كبير:
بس انت استعجلت فى العمرة ياسمسم.
بس انا متهيألى موتور لولا حوار السخونة دة كان عملة 50 تانى ولا حاجة.ولو كنت انت اللى بتركبها من الزيرو_كانت وصلت معاك_ل250000.
170000 كيلو و عملت عمرة من شهرين بسبب قطع سير الكاتينة و المكانيكى الى عملها الله يسامحه ملوش فيها
55000 كم :)
96240 كم .. لسة ماعمرتش والحمد لله :)
بالمناسبة .. الموتور بيحتاج عمرة بعد كام كيلو؟ (في المتوسط مع استهلاك معتدل) ؟
وبعدين يا عم الأسطورة انت عملت كام بالباليو؟ وفيروز كانت عاملة كام؟ انت المفروض أول واحد تجاوب ع السؤال :)
حبيب قلبى انت عارف قصة حياتى بقى_فيروز بتسلم عليكم على فكرة_انا زرتها من اسبوع_صحتها حلوة والحمد لله_فيروز انا من ساعة ما جبتها_لحد ما بعتها_عملت بيها_10000 كيلو_وباليو عملت بيها_3500كيلو فى 4 شهور_والحمد لله زى الفل_مع زيت فيسكو_الحياة بيييس_وعدادها عامل 73 الف كيلو دلوقتى.اقتباس:
المشاركة الأصلية كتبت بواسطة taotao
73 ألف؟؟؟ !!! ماشاء الله .. بس كدة ماشية قليل على الموديل .. ع العموم ربنا يبارك لك فيها وعقبال البرافو :)
هاحسبها و هاقلكم
انا عامله 120000 و قلبت عداد مره واحده و عمرت مرة عشان المكنه خفت
palio يعني جائزة.......وأنا عملت 59987 و ميكانيكي تيييييييييييييت ركب السير غلط عند ال 40 فا اضطريت أغير طقم صبابات في التوكيل....غير كده فابريكة ما شاء الله بحالة المصنع.
ال128 معرفش عاملة كام ولا قلبت كام مرة بس كتييييير موديل 76 بقى وهي غيرت موتور مرة واحده بسبب حادثة جامده
أما اللينيا فلسه 21,385 بس
الحمد لله
العربية فيات 131 موديل 1979 الماني الصنع 1600 سي سي 2 كامه
لحد الان على ما اعتقد ان العربية قلبت العداد مره واحده او بالاكثر مرتين (صاحب العربية الاصلي اشتراها سنه 1980 و نزلها مصر لتكون عربية تنقلات له عند نزوله مصر وكان رافعها وبينزلها ان نزل مصر لحد ما اشترناها منه عام 1999-2000 و كان والدي بيستخدمها على خفيف برضه معايا دفاتر صيانة السيارة الخاصه بالضمان و مكتوب فيها معدل استهلاكها داخل المانيا كام و هيا نزلت مصر امتى وكده ان شاء الله لما اروح هشوفها تاني)
العربية قلبت معايا مره معرفش هيا دي اول مره ولا تاني قلبه ليها ودلوقت عامله 22644 كيلو بعد قلبه العداد اللى حصلت معايا
والموتور لسه علي حاله مش اتفتح ولسه بفكر افتحه ولا لا لان الميكانيكه بيقولوا عاوزه طقم شنبر والسبب انها بتاكل زيت والزيت بينزل ناقص مع كل غيارة مع العلم ان مفيش دخنه من الشكمان والدخنه بس من الفايظ
إلحقونى يا جدعان_انا_اتصلت بصاحب العربية_وقالى ان عددها ما قلبش ولا مرة_والموتور ماتعمرش من ساعة ما نزل!!!!!انا مش مصدقة.وهو بيحلفلى.
حكاية قلب العداد دي مفيش حد يقدر يقول فيها اي كلام الا صاحب العربية فمفيش مرجعيه للكلام فى الحته دي
اما الماتور معرفش ينفع يتعرف انه اتفك ولا لا يعني لو ميكانيكي كويس هل يقدر يعرف الماتور اتفك ولا لا؟
يمكن انا اللى مخليني واثق فى كلامي عن العربية شوية ان الراجل صاحبها كان بيحب يسجل كل حاجه عنها ولما باعها لينا ادانا معاها كل حاجه
على العموم ربنا يبارك لك ويكفيك شرها
يا جماعة انتو بتخافو والله من فك الموتور اوي
الموتور لو واحد فاهم والله بيرجعو زي الأول
ما المشكله فى مصر كله بيقول انا فاهم وفى الاخر لما يتزنق بيقول قطع الغيار مضروبة