من شوية كنت باكلم المدام على الشات (برنامج skype )علشان الاخ اللى بيتهمنى بالكذب يعرف انا ازاى وانا فى السعودية باعرف اللى بيحصل فى مصر شوفت العلم اتقدم ازاى ياأخ ميمى؟
المهم بالرغم من العاصفة الترابية التى عمت القاهرة الا انه المدام نزلت الصبح تجرب العربية وابنى اخد لها صور كتير بالجوال وبعتها لى على النت (ياترى الاخ ميمى سمع عن الموضوع ده قبل كده ؟)
المهم حبيت ابلغكم الانطباع الاول للتجربة الاولى
الايجابيات
1)السيارة ماشاء الله واسعة جدا والغريبة انها اوسع من الكورولا وده كان مفاجأة حقيقة بالنسبة لى والاولاد تركوا نفس الانطباع لامهم
2)سلاسة القيادة والتحكم فى ادواتها مثل نقلات الجير السهلة ولا يوجد بوش ونعومة البور وزاوية الدوران الحادة
3)العفشة ما شاء الله على حسب كلامها اكثر من رائعة ولا تقل عن سيارتى الكورولا
4)سهولة فتح وغلق الابواب والشنطة والريموت يعمل بشكل ممتاز و لاتوجد مشاكل تقفيل(ماشاء الله لاقوة الا بالله)
5)سحب ممتاز وتسارع قوى جدا
6)فرامل ممتازة واليوم تعرضت لموقف اضطرها للضغط بقوة على الفرامل وشعرت بصوت اهتزاز abs
7)الشنطة مساحتها ماشاء الله كبيرة جدا لدرجة انها بتقول انها تمثل ثلث طول السيارة
8)حجم السيارة بشكل عام ضخم ومرتفع عن الارض اذا ما قورن بالصنى والنوبيرا
السلبيات
1)شعرت انه صوت الموتور عالى شوية واظن انه ممكن يتحسن بعد التليين
2)العزل بشكل عام مع قفل الزجاج اقل من المتوقع(بالمقارنة للكورولا)
3)سوء خامة موكيت الارضية وفعلا يحتاج لفرش اضافى
4)استهلاك البنزين موش مريح والسبب انه الاخ اللى احضر لها السيارة من الشركة قال انه وضع ب 40 جنيه بنزين (والله حسيبه فيما يقول) يعنى تقريبا 20 لتر وهو مشى بالسيارة من مصر الجديدة للدراسة ثم لصقر قريش ولما نزلتجربها فوجئت انه التانك شبه فاضى فالموضوع يحتاج اعادة تقييم
المهم اسيبكم مع الصور وده موش علشان الاخ ميمى شكك فى كلامى والله انا كنت ناوى ارفع ليكم بعض الصور كما وعدتكم منذ البداية
[aldl]http://center.jeddahbikers.com/uploads/jb12859608291.jpg[/aldl]
[aldl]http://center.jeddahbikers.com/uploads/jb12859608292.jpg[/aldl]
[aldl]http://center.jeddahbikers.com/uploads/jb12859608293.jpg[/aldl]
[aldl]http://center.jeddahbikers.com/uploads/jb12859608294.jpg[/aldl]
[aldl]http://center.jeddahbikers.com/uploads/jb12859608295.jpg[/aldl]

وتقبلوا تحياتى

تم حذف الصورة الأخيرة بناء على طلب صاحب الموضوع
مشرف عام 4