شكلي بقي مشبوه وقربت ابقي من النوع المألوف.

**محمد محمد** · 01-10-2010 11:41 PM

السلام عليكم ورحمة الله وبركاته

الأيام دي حاسس اني مشبوه والأنظار بتبص وتحوم عليا بقالي اسبوعين علي الحال ده خاصة لما ببقي ماشي في سوق او مكان تجاري وماسك ورقة في ايدي....الورقة دي لو اتمسكت بيها ممكن يضيع مستقبلي بس مضطر اعمل كده وياريت المهمة تخلص ده كل يوم زن علي وداني علشان اخلص العملية وللأسف الطرف التاني كل مرة بيدي ميعاد وغالبا بيخلف او انا اللى مش بنفذ لدرجة اني النهاردة دماعي لفت علشان المكان الموصوفلي غير اسمه علشان هو كمان العين عليه وريحنه فاحت ...ربنا ييسر والموضوع يخلص علي خير ومحدش يتأذي علشان ده مستقبل امة وحسبي الله ونعم الوكيل.

[caution] علشان دماغك متروحش لبعيد[/caution]
انا ليا 3 اخوات في مراحل تعليمية مختلفة بقالي اسبوعين بدورلهم علي سلاح التلميذ ومش عارف لو كنت عايز بانجو كان يبقي اسهل وعلشان تشتري بطريقة صحيحة لازم تكتب اللى انت عايزه في ورقة وتديه للمكتبة ووسطهم شوية حاجات انت مش محتاجها علشان متمشيش فاضي وحد يشك فيك وصاحب المكتبه بيبصلك بعين الشك قبل مايجاوبك الحاجة موجودة ولا لأ ممكن يقولك مافيش خالص ولو ضغطت عليه يقولك تعالى يوم كذا و طبعا الكل مرعوب بعض ما قبضوا علي مدير مبيعات سلاح التلميذ..مش عارف اعمل ايه العيال مش فاهمين حاجة خالص من كتاب المدرسة.....حسبي الله ونعم الوكيل.

**MoHaMed HaMeD** · 01-10-2010 11:46 PM

هههههههههههههههههههه
انا قولت ف ايه

كل ده علشان الكتب الخارجيه يمان هات الاضواء نزل رسمى خلاص

**icehearted girl** · 02-10-2010 12:07 AM

ههههههههههههههههههههههههه هههههههههههههههههههههه

ههههههههههههههههههههههههه ههههههههههههههههههههههههه

طب والله انا قلبي كان هيقف.. قلت يا اما في حاجة غلط

يا اما حد سرق اكاونتك وبيعمل فيك مقلب

الله يسامحك بقي علخضة دي