الموضوع: الى كل من ينكر حقوق الزوجة المسلمة في المودة و الرحمة ...ياريت تتفرجواعلى الفيديو دة

مش عارف تقصدي أي موضوع تحديداً ولكن انا مشفتش رأي حد من الرجال هنا قال أن مش لازم نعامل النساء بمودة ورحمة أنا مش متابع أوي المواضيع اللي بيبقى فيها مشاحنات مابين الرجل والمرأة ولكن أعتقد أن الرأي الغالب هو معاملة الزوجات معاملة طيبة وحسنة .

بالنسبة لرأيي أكيد الرجل ليه حقوق وأكيد المرأة ليها حقوق مين بقى اللي يحدد الحقوق والواجبات ومين يقول دة الصح ودة الغلط الشريعة الأسلامية وفي كمان الحب والمودة والعشرة آه صحيح انا لسة لم أتزوج ولكن أنا هعامل مراتي بحب و بالمودة والرحمة يا أخواننا دة حتى اللي مش بيبحب مراته لازم يعاملها بمودة ورحمة ويتقي الله فيها .

الرأى الغالب المعاملة الحسنة ! فين ده
ارجوك تشاور لى على المواضيع دى هو موضوع واحد اللى قريته من سنتين تقريبا

امال الناس اللى بتقول لو رأيت رجل يفتح لزوجته باب السيارة اما ان تكون السيارة جديدة او الزوجة جديدة

والناس اللى بتقول على الرجل اللى يعمل لرأى مراته قيمة حتى لو كان صح جدا ده شورتها

والناس اللى بتقول سيبها وانزل من البيت افرح انت واتفسح وسيبها تتربى وتتعلم الأدب

والناس اللى بتقول اقولها شكرا انها طبخت ليه ومستحيل يفكر مجرد تفكير انه يساعدها

هتلاقى اللى يقول اما تبقوا زى الصحابيات الأول نبقى نعاملكو زى الصحابة واللى يقول اصل ستات اليومين دول .........

ربنا سبحانه وتعالى بعث الرسل بشر مش ملايكة عشان يكونوا قدوة
و الحقيقة ان اى زوج لو حاول مجرد محاولة ولمس قلبه فعلا الفيديو السابق ده هتفرق كتير معاه وبدل معمال يشتكى يعمل خطوة ايجابية يمكن تحول حياته للأفضل والأكيد انه مش هيخسر حاجة