ايهما افضل الأكسنت ام السيفيا !!

**tarek_cobra** · 02-10-2010 04:29 AM

يا جماعه ارجو الأفاده ده اول موضوع ليا فى المنتدى و ارجوكم بلاش تكسفونى

انا بعد ما بعت الفيات 124 الله لا يرجعها ايام بقى معايا 40 الف و محتار بين الأكسنت 1500 موديل 2000 ولا السيفيا 2002 وانا بصراحه ممكن ازود و اجيب السيفيا اوتوماتيك و ده حلم حياتى بس واحد صاحبى و بصراحه بثق فى رأيه جدا جدا لخبرته الجباره فى العربيات ما شاء الله قالى ابعد عن اى كورى اوتوماتيك علشان عيوب الفتيس كتييير و هاضطر انى اغيره او اغير فى حاجات كل فتره !! انا بصراحه كل اللى اتمناه منكوا تقولولى رأيكو عن تجربه لو سمحتوا علشان انا مش اقادر اتنازل عن السيفيا الأوتوماتيك بصراحه شايفه هاترايحنى جدا و ياريت تركزوا على نقطه مهمه انى عاوز عربيه تكون معمره و رخيصه فى قطع الغيار و تستحمل السفر و مش كل يومين اروح لميكانيكى بيها !!

ارجو الرد للأهميه !

**ahmad--ezzat** · 02-10-2010 05:01 AM

هات سيفيا مانيول

**tarek_cobra** · 02-10-2010 05:42 AM

طيب ياريت تقولى المزايا اللى تخلينى اختارها بدل الأكسنت !!!

**tarek_cobra** · 02-10-2010 03:30 PM

ايه يا خبراااااااء المنتدى مفيش حد يقولى تجربته مع السيفيا او الأكسنت ولا ايه !!
انا بصراحه لغاية دلوقتى مستقر على السيفيا مانيوال بس مفيش اى افاده من حد مجرب !!!!!

**ahmedteam** · 02-10-2010 04:08 PM

انا لو مكانك اختار الاكسنت علشان

منتشره و محبوبه
سهله البيع
قطع غيار متوفره و رخيصه

**mr_sameh** · 02-10-2010 04:17 PM

الاكسنت عربية ممتازه

**molla** · 02-10-2010 04:41 PM

انا ارشحلك السيفيا مانيوال بصراحة عربية محترمة و تقفليها حلو و سحبها كمان جامد فهتريحك فالسفر و مع التكييف كمان اما الهيونداى انا راكب اكسيل العربية حلوة و كل حاجة بس ثبات منعدم و لازم ايدك فيها عشان متعملش معاك مواقف بايخة اما بصراحة قطع الغيار فالكورى كلو رخيص جدا و موجود ف كل حتى بس الاكسنت قطع غيارها ارخص من السيفيا بس السيفيا انا شيفها ركوبة احلى و برستيج اعلى من الاكسنت و نصيحة بلاش الاوتو فالكورى التسعينات و اوائل الالفينات كلو عيوب الا ما رحم ربى زى النوبيرا كدا و مشاكل الاوتو بتاعها

**molla** · 02-10-2010 04:45 PM

نسيت اقولك لو فى امكانية تزود من 5 الى 10 هات لانسر كرستيالة
بدون تفكير فيها كل اللى انتا عايزو قطع غيار رخيصة - حمارة شغل - كلو بيفهم فيها - بتبيع نفسها - ثابتة و مريحة فالسواقة احسن بكتير من السفيا اوتوماتيك

**ahmad--ezzat** · 02-10-2010 04:57 PM

سيفيا طبعا...اكبر احسن شكل افضل وثابته عن الاكسنت

**tarek_cobra** · 03-10-2010 05:02 AM

طيب انا كده شايف ان كل الناس اجمعت على السيفيا المانيوال و انا بصراحه مقتنع بيها جدا بس يا رب تطلع حماره شغل علشان انا خايف من النقطه دى و ربنا يكريمنى