سيارة 131 للبيع مو 1978 فى حلوان

**ashohdy** · 02-10-2010 05:04 AM

السلام عليكم توجد سيارة فيات 131 للبيع فى حلوان ودى المواصفات : اللون ازرق بترولى / 2000سى سى / موتور sl المانى / عمرة موتور كاملة وحديثة جدا من شهر ونصف تقريبا / استخدام بنزين 92 من بعد العمرة / رادياتير جديد / شكمان جديد / 4 كاوتش تيوبليس جديد / جنوط اسبور ماليزى / مكيفة / باور / سنتر / وحدة رفع زجاج / زجاج كهرباء امامى / فتحة سقف كهرباء / زجاج ملون اخضر / كراسى bmw / تارة اسبور / فرش جلد / السيارة فابريكة دواخل / عفشة بحالة جيدة جدا / ولعدم تضييع وقتى ووقتكم السيارة فى حلوان والسعر النهائى المطلوب بما يرضى الله هو 27 الف جنيه لكل ماذكرته اعلاه / ولكن يمكن التفاوض البسيط جدا جدا / مرور الاميرية / رخصة سارية / والبيع لان الاولاد عاوزين شكل جديد او انا هااحقق امنيتى القديمة فى شراء بيجو 504 .. بمنتهى الامانة اللى هاياخدها مجرد هايشحن التكييف وهايعدل الفانوسين الاماميين بالشبكة او يغيرهم / الاتصال من فضلكم لظروف العمل يكون بعد 7 م او ترك رسالة فى النهار وانا ساقوم بتحديد موعد // ياجماعة من فضلكم ارجو الجدية فى الاتصال وعدم الاستغراب من سعرها العالى لان العربية بالفعل تساوى هذا المبلغ واكثر / محمد سعد : 0122449396

**ashohdy** · 02-10-2010 05:25 PM

عاوز اعرف السعر مناسب ولا لأ؟

**zizo_egypt** · 02-10-2010 07:06 PM

باشا السعر عالي ومبالغ فية

فية شاهين موديل 96 حالتها ممتازة جدا وسعرها 25 الف ............تشتريها ؟؟؟

**ahmed88hassan** · 02-10-2010 07:15 PM

استأذنك في صور

**hotboja** · 02-10-2010 10:20 PM

بالسعر دة ممكن نزود 5 الف وتجيب اكسنت ولا لانوس
السعر هيكون من 15 الى 18 ولو حد دفعلك اكتير يبقى مصلحة وربنا يبركلة ويبركلك

**ashohdy** · 03-10-2010 12:49 AM

شكرا لردودكم والاستاذ احمد حسن هااحاول اجيبلك صورها قريب .. المشكلة انها عربية جوز اختى وهو مالوش تعامل مع النت والصور وموكلنى انا اتابعله الموضوع ده المشكلة بس انى بارجع من الشغل بالليل لكن ان شاء الله يوم الاربعاء 6 اكتوبر هايكون اجازة وهااحاول اصورهالك بالنهار وارفع الصور

**ashohdy** · 03-10-2010 01:01 AM

هوت باشا بوجا اوافقك على نص كلامك الاول واختلف معاك فى التانى لان فيه ناس غاوية ال 131 وانا مش منهم ، بس نحسبها بالعقل انزل هات عربية 131 ب 18 الف وهاتكون 1300 سى سى مش 2000 واصرف عليها كل المواصفات اللى انا قلتلهالك دى واحسبها .. العربية النضيفة غالية وبتصرف احسب التكييف بكام .. والازاز الكهربا ووحدات الرفع وفتحة السقف .. الجنوط الاسبور والكاوتش الجديد والعمرة بتاخد كام .. اخويا معاه 131 وكنا شارينها من حوالى سنة وكانت اول يد 1600 سى سى مو 83 العمرة واخدة مننا 3000 جم لوحدها الاسبوع ده .. اعتقد ان حضرتك اخطات التقييم فى السعر واطلب منك تقرا المواصفات تانى وهااستنى ردك

**ahmed88hassan** · 03-10-2010 12:46 PM

المشاركة الأصلية كتبت بواسطة ashohdy

شكرا لردودكم والاستاذ احمد حسن هااحاول اجيبلك صورها قريب .. المشكلة انها عربية جوز اختى وهو مالوش تعامل مع النت والصور وموكلنى انا اتابعله الموضوع ده المشكلة بس انى بارجع من الشغل بالليل لكن ان شاء الله يوم الاربعاء 6 اكتوبر هايكون اجازة وهااحاول اصورهالك بالنهار وارفع الصور

شكرا يا باشا علي الرد
ونا مستنيك بس اوعي تنساني

**peposupervisor** · 03-10-2010 05:44 PM

المشاركة الأصلية كتبت بواسطة zizo_egypt

باشا السعر عالي ومبالغ فية

فية شاهين موديل 96 حالتها ممتازة جدا وسعرها 25 الف ............تشتريها ؟؟؟

بعد اذن صاحب الموضوع
واحترامي الشديد له
ممكن اسال صاحب التعليق ده فين العربية دي وممكن تليفونك للتواصل

**ashohdy** · 03-10-2010 07:48 PM

الاخ بيبو سوبرفايزر اعتقد ان العربية الشاهين دى فى الاحلام ولو هى سليمة مية فى المية اكيد محتاجة حوالى من 6 الاف ل 8 الاف جنيه مابين عمرة وسمكرة ودوكو وازالة بارومة او كارونة وحكاية حالة ممتازة دى بتفرق من شخص لاخر يعنى مثلا لو انا رايح اشترى عربية ولقيت صاحبها مهمل فى تركيب اوكرة الازاز هااسيبها وامشى !!! شخصية صاحب العربية وعمله بتفرق فى البيع والشراء فعلا ولو تلاحظ انا ماعلقتش اساسا على حكاية الشاهين دى..معلش اذا كانت عربيتنا ظروفها خلت سعرها عالى فا الامور واضحة ليه سعرها عالى ؟؟ لكن السؤال الاهم ايه هى الظروف اللى تخلى فيه عربية شاهين ( ممتازة ) ب 25 الف !!!!!!