ياااااااااااااااااااااااه موضوعك جميل جدا ياسلام علي الدينامو لما كان بيشتغل كان بيخلي العجلة تقيلة مووووووت وبيخلي الواحد يقطع النفس علشان اللمبة تنور
رقم العضوية : 14582
تاريخ التسجيل : 11Jul2008
المشاركات : 3,804
النوع : ذكر
الاقامة : Zagazig-Mariotia
السيارة: LANCER 1998
السيارة[2]: MAZDA323-ِALFAROMEO146
دراجة بخارية: لاحول ولا قوه الا بالله
الحالة :
اللى خلانى اكتب هو الموضوع ده http://www.nilemotors.net/Nile/184653-a.html
فكرنى بالعجله اللى عندى ولقيت نفسى بكتب الكلام التالى مع شويه بحث حلوين
=============================
فاكرين ياجماعه العجل ايوه العجل الحديد اللى كنت مبتنمش فى وقفه العيد وتفضل تزين فى العجل بتاعه والجادون والمواسير بتعتها بشويه ورق ملون وشراشيب او شراشير -حسب التنوع الجغرافى- على تزيين الدلايات البلاستيك اللى فيها عواكس حمرا وبرتقالى لزوم الشغل
طيب فاكرين المنفاخ بتاع العجله اللى اول ماتشتريها لازم تشيله علشان هيتسرق وخرطوم الهوا بتاعه اللى بيضرب لوحده
فاكرين تاجير العجل من العجلاتى وتكسر وقتك وتقعد تلف بيها لحد مايجيبك بالمكنه بتاعته ومع الوقت العيال بقوا بيعرفوا صوت الموتسيكل بتاعه من اول الشارع وبيلفوا من اى ناحيه وكان بيدوخ لما يلاقيهم .ساعتها كان اللى معاه عجله خاصه بيه كان فى نعمه ورحمه من قرف العجلاتى بس كان صحابه بيقرفوه(هات لفه هات لفه) انا فاكر ان العجلاتى عندنا كان بياخد الشبشب رهن والعيال كانت بتروحله باعفن شبشب عندهم ولما يتاخروا يربطوا العجل كله بحبل ويرموه قدامه فى اول الشارع ويجروا ومبروك عليك الشبشب ياعم صبرى
فاكرين حركات العجل الشهيره بانك تسوق وانت سايب ايدك وتمشى على الفرده اللى ورا بس والحصان والطلعه الامريكانى خصوصا فى الرمله والطين بتبقى اجمد والفرامل اللفه
كان قمه المزاج وانت بتغسل العجله وتتسلى بالجنزير والترسين-كانوا يدوبك 2 ترس قدام والتانى ورا غير العجل السرعات كان حاجه من الفضا- بالسولار علشان تزيتهم على نضافه بعد كده
الفرامل كانت قصه لوحدها كانوا4 انواع
- حديد وكانت معفنه ومعقده (زى اللى راكبه فى صوره العجله اللى فوق)
-بالبدال وكانت قويه جدا كل اللى تعمله ترجع البدال مره واحده
-بالواير وكانت جامده برضه ودى اللى استمرت
-الفرامل اليابانى وكان طمبوره بتركب على الاكس ورا
اللى كان عنده دينامو بقى كان باشا فاكرين الدينامو ابو فيل اللى باشاره حمرا صغيره ورا وكشاف كبير قدام وكان بييجى بلندتين احتياطى كمان وفيه selector اسود فوق للتحكم بالعالى والواطى كان اختراع وقتها
كانت الاجراس زمان جميله وبسيطه كان معظمها اللى بفص واحد لحد ماجه العملاق ابو فصين وكل السوق اكل
وزى اى حاجه جميله اختفى وبدا يحصل الانهيار عن طريق الجرس اللى ببطاريه وبزرار وبينور
كان يوم المطر بالنسبه للى معاه عجله متعه بس العذاب لما ييجى ينضفها او تصدى منه لو سابها
احلى حاجه ان بسبب الشقاوه زمان كان كل واحد لو عجلته حصل لها حاجه كان يعرف المشكله فين بالظبط ومكنش فيه اشتغالات عجلاتيه:
-الفورش -اللى ماسك العجله الاماميه- اتكسر يادى النيله هدفع 15 جنيه او 20 بالكتير
-الاكس اللى قدام اتقطم والبلى فرط يبقى 3 جنيه لو مصرى او 4 جنيه لو الاسود الصينى كان الصينى فى نظرنا زمان قمه الاتقان
-الجنزير عايز يتشد اعملها انا بمفتاح 15 احل الاكس اللى ورا وارجع الفرده لورا واربط تانى
-سلك الفرامل اتقطع يبقى اجيب واحد بنص جنيه نضيف واشحمه واركبه او ادق ورده وافلطحها فى السلك القديم ومصرفش حاجه
-صباع الفرامل طار واحد مكانه من ابو 75 قرش الصينى النضيف
-العجله عايزه تتوزن اوديها للعجلاتى يوزن سلوكها كلها بالدبله اللى معاه
-العجله اتخرمت اشترى علبه سلسيون ب75 قرش بتكفى 10 خروم على الاقل واى كولاحه واى داخلى قديم اقص منه وافك الخارجى بمفكين واكشف عليها بجردل الميه وبعد ماخلص اتاكد بصابعى ان الخارجى مفهوش مسامير لازم ابقى ناصح
-عايز شحم ومفيش اتسحب على المطبخ وخد من علبه السمنه بس اختراع فاشل وماثبتش جدارته
كان زمان الخير كتير و الماركات كتير ومتنوعه بين هندى وصينى ويابانى بس اليابانى ده كان قديم شويه زى الفوجى والناشيونال والماجنت
حد ينسى العجل الهندى السوبر باور والسندر والنوفا والانرون الممتازه وملوك العجل الهندى الافون والاطلس (كان عملى قوى الاطلس ده وكان طياره والافون كانت سريعه برضه)
حد يقدر ينسى العجل الصينى اللى كان واكل السوق زى الاسد الذهبى والفونيكس طبعا كانت العجله الرسميه للمصريين كانت صناعه العجل وقتها لعبه الصينيين ومكنوش بيستسهلوا ويقلدوا حد فيها حتى شعار الماركات كان جميل ورايق مش تقليد زى كل حاجه دلوقتى
مين فينا مشفش العجل الايطالى والانجليزى والاوروبى النضيف زى الفيلبس
اول ماجت ايام الجامعه اللى عنده عجله ركنها مش عارف ليه علشان خلاص الواد كبر ودخل الجامعه وانت فى مصر وانا كنت من اللى ركنوها ومن ساعتها العجل بقى متدارى فى التراب زى اى حاجه مالهاش لازمه
بقى هى دى العجله اللى كنت ممكن انام جنبها فى وقفه العيد يكون مصيرها بير السلم
او اقرب بياع روبابيكيا للاسف كانت الاجابه اه
صوره العجله بتاعتى اللى كل يوم كانت بتجرى 10 كم على الاقل
كل الحاجات الجميله دى راحت فين؟
راحت مطرح ما اى حاجه جميله
راحت فى طى النسيان وتاهت وسط زحمه العربيات والموتسيكلات الصينى
ياخساره العجل وياخساره الايام الحلوه واهلا بالكسل وبالكرش اللى طلع
جروب مالكى وعاشقى لانسر كريستاله
https://www.facebook.com/groups/lancer.egypt.1996.2000/
رقم العضوية : 48080
تاريخ التسجيل : 28Sep2009
المشاركات : 3,879
النوع : ذكر
الاقامة : 6 اكتوبر
السيارة: مفيش
السيارة[2]: مرسيدس
دراجة بخارية: لا يوجد
الحالة :
ياااااااااااااااااااااااه موضوعك جميل جدا ياسلام علي الدينامو لما كان بيشتغل كان بيخلي العجلة تقيلة مووووووت وبيخلي الواحد يقطع النفس علشان اللمبة تنور
سامح البقري
المحامي
رقم العضوية : 5678
تاريخ التسجيل : 14Feb2008
المشاركات : 957
النوع : ذكر
الاقامة : cairo
السيارة: بيجو 405 ملك الوالد
السيارة[2]: vw passat 2003 2000cc
دراجة بخارية: والله معندى
الحالة :
الله عليك موضوعك جامد
انا كان عندى عجلتين ...بس والله معرف راحه فين
انا كل سنه كنت بغير لون العجلة وكنت عملها كلاكس بالمنفاخ .....فاكر فالعيد بعد صلاه العيد كنت بلف ع كل اصحابى بالكلاكس وصحيهم كلهم .........ونقعد ننلف ونخمس ..............
وكنت بخدها معايا فالمصايف وقبل مسافر كنت بظبطها اخر تظبيط ...........
دلوقتى مبقاش فى حد بيهتم بالعجل حتى فالعيد العجلاتى مبقاش بيزوق العجل زى زمان.
B.R
Mohamed Bisheer
رقم العضوية : 14582
تاريخ التسجيل : 11Jul2008
المشاركات : 3,804
النوع : ذكر
الاقامة : Zagazig-Mariotia
السيارة: LANCER 1998
السيارة[2]: MAZDA323-ِALFAROMEO146
دراجة بخارية: لاحول ولا قوه الا بالله
الحالة :
معاك حق وكان بيقطع فى جنب الكاوتش
كان فيه فكره حلوه بنعملها زمان لو تفتكر كنا بنجيب حته خرطوم وبنحطها فى راس الدينامو وكانت بتخف الاحتكاك شويه
كان الفرن رخيص قوى للعجل مش فاكر 20 جنيه ولا 25 وكان كله بيسترزق من العجل ويوم الوقفه كان العجلاتى بيسهر الليل فى ترويق العجل بتاعه دلوقتى العجل بقى كئييييب فى العيد
جروب مالكى وعاشقى لانسر كريستاله
https://www.facebook.com/groups/lancer.egypt.1996.2000/
رقم العضوية : 66473
تاريخ التسجيل : 29Mar2010
المشاركات : 304
النوع : ذكر
الاقامة : egypt
السيارة: ربنا يبعت
السيارة[2]: 128
دراجة بخارية: لا يوجد
الحالة :
آآآآآآآآآآآآآآآآآآآآآآآآآ آآآه هو انت منهم ده بيصحينى من احلى نومة وبيبقى واحد ماشى بعدينا بتلات شوارع صوته زى صوت التريللا
ده انا بحسبن فى اللى اخترعه وبشوف الاولاد بيبقوا ماشيين من غير ولا صوت وييجوا ورا واحدة ماشيه فحالها وفجأة بيخلوها تركب الهوا ومرة واحد محترم ماشى فى حاله بطبق بيض وفجاة الراجل والبيض فى الهوا والعيال تضحك وتجرى
[img3]http://www.nilemotors.net/Nile/signaturepics/sigpic66473_1.gif[/img3]كان نفسى زمان ....وبعدين بطلت
رقم العضوية : 57297
تاريخ التسجيل : 29Dec2009
المشاركات : 5,411
النوع : ذكر
الاقامة : مدينه نصر
السيارة: 01009779970
السيارة[2]: لانسر كريستاله 2000
دراجة بخارية: قريبا ان شاء الله
الحالة :
ياااااااااه عالعجل
طبعا بما اننا عيله كلها شغاله في العجل
وعيلتنا كلها ساكنه في شارع واحد وعماره واحده
فطبعا بقي اما الاجازه تيجي
كل اب يجيب لابنه هديه نجاحه عجله
وينقيله احلي عجله في المحل
اللي شراشيب واللي طاره بلاسيتك واللي مش عارف رفارف شبح
يلاهوي اما نزلت الرفارف الشبح دي
اوعي
وكنا بقي نلف ييجي 15 عجله ورا بعض
ونقعد بقي نعمل مغامرات ونخش في عمارات لسه بتتبني ورمل بقي واللي يقع واللي يتسحل
وياسلام بقي اما عجله تبوظ
خراب بيوت للابهات
لانك مكنتش بتروح لابوك يصلح
اقرب محل تخش يصلحلك العجله وببلاش
وابوك يتنفخ بالليل
هههههههههههه
ابنك خد كذا كذا كذا
ايام والله
انا فاكر اما كبرت شويه بابا خدني المحل يشغلني
وكان بيقعدني مع الصنايعي بره اتعلم منه شد الطارات والكلام ده
انا فاكر والله كنت خلصت امتحانات اعدادي حاجه كده
وقررت اعمل عجله 26 ليا
وقعدت اجمع حاجتها من المحل
واخترت كدر وجبت الحاجات وقعدت جمب الصنايعي اتعلم منه شد الطارات وشديت طاره منهم وطلعت زي الزفت
والصنايعي قعد يضحك عليا
وخدها شدها تاني
وقعدنا لحد ما خلصناها
متتصوروش بقي فرحتي اد ايه وانا راجع بالعجله البيت بقي وسايقها وانا طاير من الفرحه
ايام متتعوضش والله
رقم العضوية : 57300
تاريخ التسجيل : 29Dec2009
المشاركات : 1,045
النوع : ذكر
الاقامة : alex
السيارة: F16 معدلة لـــF22
السيارة[2]: bmw 316i coupe modified to m3 بأذن الله
دراجة بخارية: yamaha R1 or R6 بأذن الله
الحالة :
يااااااااااااااااه
دا انا لوحدي مبوظ بتاع 20 عجلة
يعني مثلا 18 بتوع العجلاتي من غرق في الترعة لــ حادثة عربية (مقطورة ) نط من فوق الكوبري
غير الــ2 بتوعي واحدة الله يرحمها ماتت من فوق الكوبري ع الترعة عدل هههههههه
والتانية موجودة (سرعات ) بنزل اكروز بيها ع البحر الساعة 4 فجراااااااا
كانت ايام جميلة كلها ضرب و جري وشتيمة
ههههههههههههههههه
[img2]http://www.zercustoms.com/news/images/BMW/2008-HR-BMW-M3-Coupe-3.jpg[/img2]
soooooooooooooon
رقم العضوية : 14582
تاريخ التسجيل : 11Jul2008
المشاركات : 3,804
النوع : ذكر
الاقامة : Zagazig-Mariotia
السيارة: LANCER 1998
السيارة[2]: MAZDA323-ِALFAROMEO146
دراجة بخارية: لاحول ولا قوه الا بالله
الحالة :
الرفارف الشبح دى انقلاب لما نزلت مع انى كنت بكرهها قوى
وشد الطاره له اسلوبه وعايز فن لما تحط صابعك على الطاره وتحس العالى والواطى انا مره اشتريت الدبله وقلت اجرب زى العجلاتى وربطت كل السلوك على الاخر وطبعا منفعتش ورحتله وودانى مدلدله واديته الدبله وقلت له انت اولى بيها :b4_611:
جروب مالكى وعاشقى لانسر كريستاله
https://www.facebook.com/groups/lancer.egypt.1996.2000/
رقم العضوية : 14582
تاريخ التسجيل : 11Jul2008
المشاركات : 3,804
النوع : ذكر
الاقامة : Zagazig-Mariotia
السيارة: LANCER 1998
السيارة[2]: MAZDA323-ِALFAROMEO146
دراجة بخارية: لاحول ولا قوه الا بالله
الحالة :
رقم العضوية : 55956
تاريخ التسجيل : 16Dec2009
المشاركات : 3,827
النوع : ذكر
الاقامة : EGYPT
السيارة: BMW
السيارة[2]: LANCER
دراجة بخارية: ISA
الحالة :
ياااااااااااااااااااااااا ااااااااااااااااااااااااا ااااااااااه والله تسلم ايدك عالموضوع انا عمال اقرا الموضوع والصور وعمال اقول يانهار ابيض علي الدينامو اللي بنفس الشكل والكشاف والعجلة الصيني اللي كانت وقتها ب 350 جنيه وكانت تقيلة جدااااااااااااااااااااا ( كوزن) لكن اخف عجلة ممكن تركبها فالجري عشان بدالها خفيف.
بس نسيت العجلة ام دريكسيون (قصدي جدون) مقلوب لتحت (السبق) واللي عجلها رفيع اللي كان راكبها كانه راكب ريسنج. والعجل ( الجبلي ) او ال (bmx) تقريبا اسوة بالعربية ال bmw ام عجل تخييييييييييييين لزوم المشي في اي مكان وتنزل من عالرصيف.
واحد صاحبي لسة من كام شهر مكتشفين ان عجلته (بيجو) وعليها علامة بيجو ومنحوت عليها made in france في كل مكان ومن غير مانعرف الحوار ده كنا عارفين انها اسرع عجلة في العجل بتاعنا. وطبعا بعد ماعرفنا عرفنا انه راكب الاسد الفرنسي بيجو.
تسلم ايدك بجد فعلا عالذكرايات اللي مش هنفتكرها غير هنا ولما حد يفكرك بيها
المفضلات