ممكن الخبراء قى اللنسر 2006 يسعدونى؟

انا عربيتى عاملة 58 الف كيلو معملتلهاش صيانة من 40 الف كيلو العربية بيظة حدا كانى راكب 127 ممكن تساعدونى و تفولولى اروح فين و هيتكلف كامممم؟

السلام عليكم
اطلع على التوكيل
هيعملو صيانة كاملة
والتكالبف مرفق بالمندى فى قسم الصيانة

الف شكر يا استاذ طارق بس ممكن تقول لى التكاليف بكل حاجة حتى الضريبة

عمل الصيانة الدورية للعربية بيحافظ عليها ويطول من عمرها الافتراضي
صيانة العشرة آلاف والعشرين والتلاتين بيكون اساسها تغيير زيت المحرك والفلتر بالاضافة الى مراجعة شاملة على العربية وتربيط عفشة والكشف على تيل الفرامل لو محتاج تغيير
اما صيانة الأربعين ألف فهي أول صيانة تقيلة بيتغير فيها حاجات كتير
وتفاصيلها كالتالي

صيانة الأربعين ألف كيلو متر :

زيت موبيل وان 250 ج
فلتر زيت 50 ج
بوجيهات 88 ج
فلتر بنزين 460 ج
فلتر هواء 185 ج
زيت باور للعربيات الأوتوماتيك 350 ج

الصيانة (الزوجية) 175 ج
تغيير زيت باور 40 ج

اذا احتاجت تيل فرامل :
تيل فرامل 385 ج
تركيب تيل فرامل 40 ج

يضاف 10 % ض.م على اجمالي الفاتورة

بعد الصيانة هتحس بفرق هتفرق معاك جامد بالذات البوجهات وفلتر البنزين في سحب العربية

اكيد الصيانة هتفرق ونظف الرشاشات بالاسبراي والفلاتر وكلوا هتحس العربية رجعت زيرو