تحديد قيمة التصالح الفورى
السلام عليكم
معلش انا كان ليا استفسار بخصوص الغرامة الفورية لمخالفة اى بند من بنود القانون المرورى الجديد لان فى كل مرة ادفع غرامة شكل على نفس المخالفة
-دلواتى انا الحمد لله من النوع المخالف دايما و دة طبعا بدون قصد لان معظم شغلى حاليا سفر و عشان اسافر لازم مثلا اسافر الفجر و اروح اعمل شغلى وارجع فى نفس اليوم فبكون هلكاان و اضطر انى اجرى بدل ما انام وانا سايق
-خلال الشهر دة دفعت 7 مخالفات فورية منهم 3 رادار
-المشكلة ان فيه مرتين دفعت 150 جنيه و مرة 75 جنيه مع انها نفس المخالفة وهى تجاوز السرعة المكررة
الاربع مخالفات الباقية كانوا مرتين حزام مرة 50 جنيه و 3 مرات 25 جنية والاتنين كانوا نفس المخالفة برضه
المهم امبارح بعد الصلاة وانا سايق كنت بتكلم فى الموبايل و طبعا عشان حظى الزى الفل لقيت لجنة وطبعا وقفت و قالى الرخص.
نزلت واتكلمت مع الظابط قولتله كام المخالفة يا كابتن...قالى 50 جنيه عشان الحزام...مع انى لابس الحزام والمخالفة تحدث فى الموبايل...قولت مش مشكلة يمكن ظابط يعانى من الحول ولا حاجة...فقولتله بس انا كل جمعة بدفع 25 جنيه بس...اشمعنى الجمعه دى...قالى بنفس اللفظ الاوفر (offer) خلص...قولتله ليه بس دة كان اوفر حلو ما ترجعوه تانى و قعدت اهزر...المهم طبعا اتخنق منى لان انا مكنتش واقف لوحدى و كان موقف تقريبا 6 عربيات غيرى و كلهم بيبصولى و يبصوله و كان هاين عليه يقطع الرخص...قولتله متزعلش انا هدفع 25 مخالفة و25 جنيه اكرامية ليك عشان كلامك الحلو دة......وحرقت دمه و مشيت
انا بجد عاوز اعرف مين البيحدد الغرامة الفورية
وعاوز اعرف قيمة التصالح الفورى لكل مخالفة لان كدة تقريبا الظباط هم البيحددوها
وشكرا لردودكم مقدما