السلام عليكم
انا زهقت من الشغل و النزول فى اسكندريه و عايز افصل شويه طبعا زى ماكل المنتدى هنا عايز يفصل شوية :E_braces[1]: فبفكر انا و صحابى نطلع سيوه فى اجازة 6 اكتوبر الى جاية دى انا رحت سيوه قبل كدة بس فى شهر 1 لو رحت حتبقى حرررر ولا اية ياريت لو حد جرب او عنده معلومات عن الجو هيناك اية او راح فى شهر 10 يقول يارجالة
شكرااااااااا
انا معنديش معلومات عن سيوة خااااااااااااالص
فا ممكن تقولى هى سيوة دى هنطلع تعمل فيها ايه يعنى ايه الأماكن الحلوة فيها ايه طبيعتها كدة
سيوه هى عباره عن مدينة فى الصحراء اللى ممكن يتعمل هناك سفارى بكل مشتقاتة من عربية جيب و skitting على الرمله و نزول فى العيون ( عيون مياه ) سخنة و بارده و بيات فى الصحراء فى خيم من النهايه استجماااااااااااااااااااا ااام
أكيد طبعا حتبقى حر دلوقتى،أحسن وقت تروح فيه هناك فى الشتا الجو بيبقى تحفه هناك.
واااااااااااااااااو
نفسى بجد فحاجة زى دى
بص بقى نتفق من دلوقتى على اتفاق لو معندكش مانع طبعا تصور كدة كام صورة لللأماكن عشان اشوف المكان هناك شكلة ايه
حاضر ان شاء الله حصور اكيداقتباس:
المشاركة الأصلية كتبت بواسطة soma_sooma
شكرا ياباشا اصرف نظر يعنى طب اروح فين انا حتجناقتباس:
المشاركة الأصلية كتبت بواسطة a_samy
انا ممكن اجي معاك واسيب اللانسر هنا واخد الشيروكي بتاعت ابن خالتي
ونطلع من طريق مرسي مطروح ايه رايك؟؟؟؟؟؟؟؟؟؟
بس حجيب سلاحي الشخصي معايا عشان احنا حنبات في صحراء يا معلم وممكن ديب يطلع علينا
لو اكيد كلمني علي الخاص
حر بس
دي جهنم :8954[1]:
هي مش مدينة قوي يعني :O_stupid[1]:اقتباس:
المشاركة الأصلية كتبت بواسطة twinsrashed
بس انا بقالي يجي 5 سنين نفسي استجم في الصحرا
هو انت بترتب مع شركة سياحة وفندق وكده ولا ايه الحوار وممكن اطلع مع العيلة ولا عايزة شباب وكده
والله أنا نفسي أطبع سيوه من زمان بس دي لازم تترتب صح ويفضل لو تبع شركه في عربيات 4*4
أنا رحتها مرة فى الشتا و مرة فى الصيف بس ده كان من مدة طويلة.
الاتنين حر بس فى الشتا أرحم شويه
و فى الصيف حر مش قاتل الجو هناك جاف بس متلفش فى الشمس كتير عشان متدوخش...
سيوة عبارة عن قرية صغيرة و هى بتنقسم لناحيتين..الناحية الشرقية و الناحية الغربية و تقدر تقول كده ان كل ناحية زي قبيلة هناك. يعنى فى 2 تجمع سكنى هناك. و المستوي المادي بيختلف بين الناحيتين ..يعنى على ما أتذكر الناحية الغربية أغنى من بتوع الناحية الشرقية.
كان ليا زمااان واحد معرفة من سيوة كان قايلنا على التفاصيل دي.
سيوة لها لغة خاصة بيهم غير اللغة العربية و هى لغة أهل الصحرا.
سيوة السياحة فيها ممكن تاخد كذا وجه
أولا: المعالم الأثرية : فى أثار فرعونية هناك...على ما أتذكر معبد اسمه أمون و ده مش معبد ضخم و تماثيل و كده ده حاجة بسيطة..كمان فى أطلال فى منطقتين تانيين.
ثانيا: الأماكن الطبيعية..فى هناك عيون بتنزل فيها . انا مرة نزلت أستحمى فى عين و كان الموضوع ظريف المياه شفافة و مش مالحة و دافية فالأحساس كان مختلف.
فى كمان جبل هناك مشهور السياح بيطلعوه اسمه جبل الدكروري بس ده مطلعتوش ده غير رحلات السافاري و مرحتهاش برضه.
ثالثا: فى هناك أماكن العلاج و العلاج هناك بالدفن فى الرمل. الموضوع فكرته زي الساونا فى ناس متخصصين هناك فى الموضوع ده بتروح هناك خيمة و بتدفن نفسك - جسمك بس طبعا - فى الرملة السخنة هناك و بتنزل عرق كتير طبعا على اساس انها تسحب الرطوبة اللى فى جسمك للناس اللى بيشتكوا من أوجاع الروماتزم و المفاصل.
الفنادق هناك مستويات من ناحية الفلوس بس من ناحية الأناقة ضعيفة جدا بالمقارنة بالفنادق اللى فى بالكم.
بمعنى انك ممكن تلاقى فندق اسعاره مرتفعة بس تعبان من جوا و الأوض مش نضيفة و الأكل مش واو. انا قضيت ليلة فى فندق كان سعره غالى و الناموس بهدلنى فى الليلة دي لدرجة انى لما زهقت بدأت اضربه و الحيطة بعد ما كان لونها أبيض عملتلهم نقط حمرا فى كل حتة :C_laugh[1]:
هتلاقى برضه هناك بحيرات الملح بس الفيو هناك حلو أوي ..حاجة شبه لملاحات فى اسكندرية و دي على ما أتذكر كانت فى الطريق بين البلد و مصانع الميه المعدنية.
فى برضه هناك فنادق معموله من الطبيعة يعنى مش بتبات فى أوضة لأ فى غرفة مبنية من الطين و خامات طبيعية ...و سمعت انها برضه سعرها مش رخيص بس مش عارف بكام.
البلد نفسها فقيرة لو هى زي ما زرتها أخر مرة من كذا سنة. يعنى محدش يقولى عايزين نروح كنتاكى و لا ماكدونالدز فرع سيوة. المحلات هناك صغيرة جدا و بتبيع حاجات بسيطة أغلبها سياحية كالمعتاد.