يا أهل الخير أرجو الإهتمام

**inspiron** · 02-10-2010 01:38 PM

السلام عليكم يا أهل الخير.طبعا أنا كنت موقوف لمدة أسبوع ( وحسبي الله ونعم الوكيل ) علي كم الضرر اللي إتعرضت ليه في الوقف ده...مش وقته الكلام دلوقتي لأن موضوع الوقف اللي حصل محتاج ( وقفه ) بجد وهعمل عنه موضوع إن شاء الله.

- ندخل في المهم..دلوقتي أنا عربيتي ( اللي قرفت منها ) 523 موديل 2001 وعاملة 127700 كم..وعارفين طبعا المشكلة اللي كنت بعاني منها في الأداء...من 4 أيام كنت في مشوار الصبح.ورجعت وبطلت العربية وبشيل المفتاح لقيت رسالة ( check oil level ) ظهرت علي الشاشة..طبعا خرجت عن شعوري ونزلت ضربت الباب برجلي وطلعت البيت.نزلت بليل خدتها وطلعت علي محطة شيل جنب البيت الزيت طلع ناقص كيلو. المهم مفيش أيييييي تسريب في الموتور.ومفيش نقطة زيت لقيتها تحت العربية.وصوت الموتور طبيعي..ولما حاولت أسأل الناس قالولي متقدرش تعرف إذا كان في تسريب في بطن العربية ولا لا إلا إذا شيلت المصفحة اللي تحت. فأنا لسه هشوف الموضوع ده إن شاء الله بكره. ( أنا مغير زيت من 2800 كم بالظبط )

إستفساراتي :-
-----------------

1- أنا لما غيرت زيت عملت reset للخمس لمبات بتوع الزيت..ومعلوماتي بتقول إن كل 2000 كم لمبة منهم تطفي.وأنا من بعدها مشيت 2800 كم ولحد دلوقتي مفيش لمة طفت !!

2- أنا حاطط فيها زيت شيل 10000 كم..هل يجوز في الغيار القادم أحط زيت فيسكو بدل شيل ولا في مشكلة بالنسبة لزيت فيسكو في الموتور بتاع العربية دي؟

3- أنا خلاص قررت أغير زيت الفتيس والفيلتر بتوعها بس مش عارف أجيب إيه وإيه المطلوب للخطوة الصعبة دي لأني سمعت أراء كتير بأسعار كتير..يعني مثلا :-

* واحد بيقولي الفتيس بياخد 9 لتر زيت واللتر بيعمل 165 جنيه يعني هتحتاج بـ 1485 جنيه زيت + 600 جنيه فيلتر زيت فتيس ( عشان عربيتي double vanos ). يعني تكلفه إجمالية 2085 جنيه ( يا نهار إسود..إزاي بس )

* والتاني يقولي الفتيس بياخد 6 أو 7 لتر زيت والزيت بتاعه إسمه زيت كهربة وسعره 125 جنيه يعني هتحتاج حوالي 750 جنيه زيت فتيس + 250 جنيه فيلتر زيت فتيس.يعني تكلفه إجمالية 1000 جنيه ( شايفين الفرق,برده إزاي الرقم ده )

* والتالت بقي تحفه..قالي متغيرش زيت الفتيس لأنك لو غيرته وحطيت زيت جديد ممكن الفتيس يبوظ ومينقلش خالص.. ( هل ده يعقل ؟! )

يا إخونا أنا عاوز القول الفصل في الموضوع المهبب ده لأني تعبت بجد. إيه نوع زيت الفتيس اللي أجيبه وسعره كام ومنين والفلتر كذلك. أرجوكم متتأخروش في الرد عليا..

أنا عربيتي التسارع بتاعها من 0-100 في 11 ثانية وده مش طبيعي بالمرة. أرجو أخذ الموضوع علي محمل الجد..وشكرا

وأكرر حسبي الله ونعم الوكيل فيما وقع عليا من ضرر حيال الوقف.

**inspiron** · 02-10-2010 09:13 PM

متشكر يا باشا علي ردك وربنا يبارك فيك..ويا ريت زي ما بتقول حد يعبرني هنا بكلمة.لأن هنا لازم أفضل أزن عشان حد يرد عليا.بالنسبة لموضوع الإيقاف هعمل عنه موضوع مستقل إن شاء الله

**inspiron** · 02-10-2010 11:01 PM

المشاركة الأصلية كتبت بواسطة ahmedsadek82

السلام عليكم ورحمة الله وبركاته , عامل ايه يا inspiron , وحشتنا يا جدع , بص انا دورت في ال owners manual بتاع ال e46 و ال e90 لقيت مكتوب ان زيت الفتيس المانوال و الاوتوماتيك و زيت الكرونة lifetime يعني مش بيتغيروا خالص. مين اللي اقترح فكرة التغيير ؟ ,

روحت لواحد ميكانيكي شاطر أعرفه يعني..كشف علي زيت الفتيس وحط منه عينه علي دراعه وقالي الزيت ده محتاج يتغير لأنه بقي إسود.وأنا شوفته بعيني..لونه غامق كده تحس إنه مخضر شوية علي مسود كده.المهم إنه بيقول ده مش لون الزيت الطبيعي.

- طيب وإن كان الزيت مش بيتغير إييييييييه اللي يخلي الأداء سئ كده؟؟؟

حضرتك عارف يعني إيه سيارة تسارعها في أصعب الظروف بيكون في 8 ثواني فقط..وأصبح 11 ثانية؟؟

- الحاجة التانية اللي مشككني جامد في الزيت إن الفتيس أحيانا بيطول في النقلة.بالذات في التالت.وساعات عشان ينقل لازم أخف رجلي من علي الدواسة

**M.almaghraby** · 03-10-2010 04:27 AM

المشكلة الحقيقية هي نقصان الزيت بالشكل دا غريبة جدا

**salahssalem** · 03-10-2010 07:32 AM

السلام عليكم أخ inspiron :

من شهر فات غيرت زيت الفتيس و الفلتر لي عربيتي 530 موديل 2001 دبل فينوس اخد 7 لتر ونوع الزيت مش فاكر نوعو بس بكرة أن شاء الله حجيبلك اسمو و علي فكرة هو يجي لون اصفر مش أحمر و أهم حاجة لم عاوز اتغير زيت الفتيس لازم يكون فتيس العربية بارد يعني بعد 4 او 5 ساعات من اطفاء المحرك عشان يبرد الفتيس والفلتر لازم يكون اصلي مش مقلد .
اما مشكلتك في نقصان زيت المحرك أحتمال تكون اخر مرة غيرت فيها زيت المحرك و غيرت معاه فلتر الزيت و نست تحط 7 لتر و حطيت 6 لتر ده سبب لأن لم تغير زيت المحرك و معاه الفلتر لازم تحط 7 لتر و ده عن تجربة معاي في 530 . يا أم في حالة تسريب زيت من المحرك و ده تكتشفو في الصبح و انت قبل ما تطلع بيها شوف تحت العربية لو فيه بقع زيت و لا لا و أخر حاجة حالة المحرك الصحية أيه و ....... ربنا يفقك ان شاء الله

**ahmedsadek82** · 03-10-2010 08:51 AM

المشاركة الأصلية كتبت بواسطة inspiron

روحت لواحد ميكانيكي شاطر أعرفه يعني..كشف علي زيت الفتيس وحط منه عينه علي دراعه وقالي الزيت ده محتاج يتغير لأنه بقي إسود.وأنا شوفته بعيني..لونه غامق كده تحس إنه مخضر شوية علي مسود كده.المهم إنه بيقول ده مش لون الزيت الطبيعي.

- طيب وإن كان الزيت مش بيتغير إييييييييه اللي يخلي الأداء سئ كده؟؟؟

حضرتك عارف يعني إيه سيارة تسارعها في أصعب الظروف بيكون في 8 ثواني فقط..وأصبح 11 ثانية؟؟

- الحاجة التانية اللي مشككني جامد في الزيت إن الفتيس أحيانا بيطول في النقلة.بالذات في التالت.وساعات عشان ينقل لازم أخف رجلي من علي الدواسة

مش عارف يا ريس بس كلامك فعلا بيقول ان الزيت ممكن يكون السبب بس اكشف في التوكيل اضمن و طمنا عليك

**sampo1100** · 03-10-2010 12:11 PM

انتى اخر مرة بدلت زيت الفتيس كنت ماشى كام كيلو بص خلى بالك لو عديت 100 الف اوعى تنزل الزيت الفتيس كلة علشان هيضرب منك اسلم حل انك تشيل3 وتحت 3 جداد وهكذا لاغيت ما يبقى الزيت الى الفتيس كلة جديد
انا كان معاياة كمارو ونزلت الزيت كلة وبعديت ضرب الفتيس وواحد صاحبى كان تريل بليزر عملت نفس المشكلة وواحد تانى دلوقتى معاية لومينا اس اس بردة نفس المشكلة متزلش الزيت كلة اشفت 3 وزد 3 بس وربنا معاك

-

-

الموضوع: يا أهل الخير أرجو الإهتمام

LinkBack

أدوات الموضوع

عرض

يا أهل الخير أرجو الإهتمام - انشر الموضوع فى :

-

-

المواضيع المتشابهه

عايز ميكانيكي ياباني كويس وفاهم ... أرجو الإهتمام ...

أرجو الإهتمام .... دبرياج اللانوس

مساعدة من ساكنى الشيخ زايد ( أرجو الإهتمام )

مساعدة في تسعير سيفيا " عاجل و أرجو الإهتمام"

الكلمات الدلالية لهذا الموضوع

المفضلات

المفضلات

ضوابط المشاركة