الموضوع: كتالوج هيونداي اكسيل

شوف هي هي نفس الوظائف اللي عندي زي اللي عندك بس بيختلف الشكل بس.

بالنسبة للريسيكل او الزرار اللي انا نسيت اكتبة في صوري دة لما بتشغلة التكيف

مش بياخد هوا من برة العربية فكل اللي بيعملة انة بيدور الهوا اللي داخل العربية

وطبعاً بيفلترة. كدة بيتم التسثيع اسرع لان الهوا اللي جوةالعربية بيكون ساقع اصلاً

من التكيف مش زي الهوا اللي بيدخل من برة بيكون سخن والكومبريسور بيعمل مجهود

اكتر علشان يسقعة.

حاجة كمان ان نظام الريسيكل اكتر توفيراً بالنسبة للبنزين.

اما بالنسبة للشبابيك فالازرار اللي على الاجناب دي من خلالها تقدر تقفل الشباك يعني

مش هيخرج منة هوا والهوا بيتوزع على الشبابيك الباقية.



بالنسبة للسخان او الدفاية فانت مش محتاج تشغل الكومبريسور لان السخونة بتيجي

من دورة تانية مرتبطة بالحرارة الناتجة من ماء التبريد بالردياتير:) .... متوجعش

دماغك يعني المهم يكون الموتور داير ومتشغلش الكومبريسور.


اما بانسبة لاوضاع خروج الهوا فدي انت تظبطها حسب راحتك، يعني انت مثلاً عاوز

الهوا يجيلك من تحت التابلوة ولا عاوزة يجي من الفتحتات اللي امام الزجاج الامامي

ولا من شبابيك التكيف ولا ولا...


لو عندك صورة للعدادات واللمض اللي انت عاوز تعرفهم هاتها وانا اشرح لك عليها.

احمد باشا الشكر لله بس بصراحة معنديش حاجة للماتريكس خالص للاسف