شيفورلية لانوس و شوية أسئلة

**ghareeb** · 02-10-2010 01:59 PM

السلام عليكم يا جماعة انا دلوقتى الحمد الله إشتريت لانوس 2010 من شهر 7 و كان عندى شوية أسئلة ياريت أسمع راى الخبراء فيها,
أولا العربية مشيت بيها لحد دلوقتى 4000 كيلوا لكن للأسف إستهلاكها للبنزين انا شايف أنه عالى قوى يعنى ال 24 لتر بيعملوا معايا 180 كيلوا و انا طريقى كله دائرى و المحور يعنى فى وسط البلد و التكيف مش بيولع غير و انا راجع العصر يعنى مسافة 30 كيلو بس فى اليوم لكن لما بكون ماشى الصبح بدرى او باليل مش يشغل التكيف انا على فكرة بحطلها بنزين 92 دايما و بنقل الغيارات مابين 2.5 و 3.5 و على قكرة انا كنت ركبت قبلها جين 2 أتوماتيك 1600 سىى سى مش 1500 زى الانوس و كانت الإستهلاك على نفس الظروف 7.5 لتر,
انا بصراحة حاسس إنى انا راكب عربية 200 سىى سى مش 1500 انا مش فاهم هل فية مشكلة فى العربية و إلى قابلتة المشكلة ده حلها إزاى,

ثانيا انا إن شاء هارح قريب أعمل صيانة ال 5000 فكنت عايز أعرف أروح أعملها فين أحسن مكان لأن انا شايف معاناة اصحاب العربيات من منصور شيفورلية فلو حد يعرف مكان كويس تيع المان و يكون الناس الى فيه محترمة و بتقهم ياريت يقول و ياريت كمان نعرف مصاريف الصيانة بتاعتها أد إية انا بيتى قؤيب من الدقى و العجوزة و شغلى كمان قريب من الصحرواى يعنى لو فيه مكان قريب من الأماكن ده يكون أحسن .

و شكرا مقدما

**ghareeb** · 02-10-2010 06:49 PM

إيه يا جماعة 23 مشاهدة بدون أى رد

**m0hsen** · 02-10-2010 06:57 PM

كل الناس بتشكر فى اوتوماستر فى الحى السادس بمدينة مصر

**khalid9411** · 02-10-2010 06:57 PM

اولا/ مبروك عليك السيارة وربنا يديلك خيرها ويكفيك شرها
ثانيا/حساب استهلاك السيارة للبنزين على الطرق الطويله السريعه بدون نقل غيارات
اما داخل البلد مش هينفع حساب الاستهلاك
ثالثا/ ننتظر اراء الاخوة المقيمين فى القاهرة ليحددوا المركز المناسب لحضرتك

**m0hsen** · 02-10-2010 06:57 PM

وقولهم على حكاية استهلاك البنزين دى

**dadyday** · 02-10-2010 09:32 PM

يا باشا ضبط فيشة الاوكتان و هتلاقى فرق و بعديين اصبر شويه على العربيه دى لسه جديده انا كانت عربيتى كده لكن لما وصلت ل 5000 و عديتهم بقت زى الفل و ربنا يباركلك فيها

**ghareeb** · 02-10-2010 10:10 PM

ألف شكر لكل الردور و انا فعلا انا كنت منتظر بس انا كنت فاكر إن أول 3000 كيلو هو الى هيبقى إستهلاكهم عالى و لما عدوا و لقيت الوضع كدة حسيت إن فى مشكلة على العموم بسيطة كلها ألف كيلو و نشوف الوضع هايبقى إزاى.

موضوع تظبيط فيشة الأوكتان ممكن يعملوا فى التوكيل .