السلام عليكم

انا لسه راجع مصر قريب وبادور على عربية كويسة في حدود المعقول

وصراحة كنت منشن على ستروين أكسارا 2 : لأنها عربية امكانيتها عالية واوتماتك وسعرها قليل بالنسبة لأمكانيتها والثبات
بس الناس نصحتني أبعد عنها علشان مشاكل تصليحها وقطع غيارها ... خاصة اني هقيم في السويس ومش كثير هيصلحوها هناك


وناس كثير نصحتني بالأكسنت أو الانوس

بس وقع قدامي فيكترا 99 2000 سي سي مانويال
العربية ماشية أقل من 10الاف بتاعت واحد صديقي كان جايبها استراد زيرو من سنتين (مش عارف 99 زيرو ازاي)

وحبيت أعرف الفكترا قطع غيارها بالنسبة للعربيات الثانية عامل ازاي
وصينتها أخبرها ايه
وهل في مشاكل في التبريد أو الحرارة لها لأني رايح أشوفها النهاردة

ومش عارف كمان أفحصها فين !!!!!

وايريت لو حد يقولي سعره كام لو ماشية تحت 10 ألاف فابريكا بره وجوه
وهل المانويال أحسن ولا الأوتوماتيك في الفيكترا



شكرا لكم مقدما

محمد